[منهاتن]

[SIZE=5]السلام عليكم ورحمة الله وبركاته.

اخواني واخواتي تكفون دبروني بحل لمشكلتي اللي بموت بسبتها.

وهي العنصرية القبلية التعصب ( القبيلي والخضيري)

حبيت شاب وحبني واتفقنا على الزواج ويوم صار الجد توقف امه بطريجنا وش اسوي انا الحين بموت وهو ماهو عارف شلون يقنعها عجز وانا عجزت مع الهلم ان اهلي ما يدرون وصعبة لويدرون برفض امه بيزيدون اهلي عناد فيصير الرفض من طرف واحد افضل اللي هي امه. تكفون عطوني حل دبروا لي سالفة نقنع امه فيها والله السالفة طويلة بس اختصرتها لكم لاني تعبانة صارلي اسبوعين وانا لا اكل ولا انام مثل الناس لاتقولون لي خليه يتقدم لحاله هو عرض علي هذي الفكرة وانا رفضت لان اهلي بيرفضون اذا شافوه لحاله شلون ارجوكم وش السواة والله لا انا ميتة ولا حية من هالموضوع وش السواة مع امه ابي اي سالفة نختلقها عليها عشان تقتنع وتوافق على طول هي هددته انها بتنشر سالفته عند عمامه وخواله لو تزوجني وش السواة وانا ماودي بهذا الشي هو يقول لازم ندبر سالفة على شان تقتنع على الاقل نعدي فترة الملكة وبعدين خلاص يصير اللي يصير خلهم يعرفون الحقيقة وش نسوي ارجوكم لاتقولون لي خليه يضغط عليها ومهما كان مافي ام توقف بطريق سعادة ولدها الا فيه خصوصاً بامر الزواج امه ماتتفاهم ولا عندهم سالفة والله البنت احبها وابيها ممنوع ومستحيل. تكفون دبروا لي سالفة . ولكم مني دعوة من خالص الفلب. وشكراً لكم
على الاقل انام مثل الناس واكل ماغير معتكفة بغرفتي ولا احد داري عني . دبروني ارجوكم.[/SIZE]

[أبو مالك]

والله إن الا نسان لا يدري الخيره أين هي لاكن هناك صدقيني حل عظيم ووالله إنه لفخر للإنسان ان يعمله وإذ سالك عبادي عني فإني قريب إنه الله في الدعاء وأبشري بالخير بإذن الله

[منهاتن]

اشكرك اخوي ابو مالك على تفاعلك والحمدالله اني حاطة الله جدام عيوني وما انام الا وانا مترجية بربي سبحانه وتعالى
لكن اريد ان اتسبب واساعده باقناع امه .بعد دعاء الله عزوجل.

[هداية]

اختي ليس لديك الا الدعاء وقيام الليل وسورة البقرة والصدقة ،، واسأل الله العلي العظيم ان يهدي والدته ويزينك في عينها وقلبها ويكتبك زوجة له آميييييييييين يارب العالمين ،،

لكن يبقى لدي سؤال ارجو ان تاخذيه بعين الاعتبار ،، هل انتي متؤكدة انه كلم والدته وفاتحها بالأمر دعيكي من كلامه ،، فمعظم الشباب يخترعون هذه الحجة هروبا من الزواج ،، لذلك هل انتي متأكدة كما انتي متأكدة من حبك له ؟؟

[منهاتن]

اختي هداية اشكرج على ردج ومساعدتج صدقيني هو ماعنده سوالف الشباب اللعب والخرابيط اساساً هو اللي فاتحني بامر الزواج مو انا وهو اللي قالي لازم نتزوج من كيفه وبعدين يا اختي هو ناضج عمره 30 سنة ويعمل مدرس وشايل حمل البيت كله على راسه يعني هو الاب والاخ لاهله على شان جذا انا وهو ماودنا يشد مع امه ودنا انه ياخذها باللين والسياسة . افضل .

[منهاتن]

طيب اختي لو ما كنت متأكدة شلون اتأكد ارجوكم اعينوني وطلعوني من الهم اللي انا فيه والله اني ما انام الليل وحالتي ماتسر لا صديق ولا عدو ارجوكم دبروا لي سالفة تقنع امه حتى لوكانت ملفقة.وصح هو سبق له الزواج وفشل بزواجه الاول لان زوجته ما كانت متفهمة لظروفه مع اهله بس ما عنده اطفال على شان جذا اول ما فاتحني قالي انا ابي استقر معاك لانك انتي اللي فاهمتني .وهذي كل السالفة وهو يقول لازم ادخل على امي بقصة عنه هو وبعد هذي القصة توافق على طول على زواجنا بدون مقدمات وجدال ارجوكم دبروا لي قصة. ولكم مني جزيل الشكر.

[هداية]

اختي ماعنده خوات ،، ممكن يااختي يرسل اخته تتعرف عليج ثم تقنع امه وتقول هذه صديقتي وانا ارشحها زوجة اخوي هذه اكثر قصة ألفوها الناس ونجحت وبعدين يااختي دام انه مطلق فهو له حرية الاختيار خصوصامثل ما قلتي عمره ثلاثين سنة !! بس ودي اعرف هو شقال لأمه بالضبط علشان اساعدك على الحل ،،

[أيها الأمل أبقى]

أختي ارجوك أوقفي كل مخططاتك...

أختي اسمحي لي سكون قاسية معك ولكن والله لم تأتي ألا من حب الخير لك...

أولاً :

كيف سمحتي لنفسك بتعرف على شاب بطريقة غير شرعية... وهذا أهم ما في الموضوع أختي استغفري ربك


الله يرشدك إلى طريق التوفيق بإذن الله ..أعذريني طريقك دخله الشيطان أختي.. فوالله لن يكون النور والفلاح حليف

حياتك

ثانياً:


لا تتزوجين من زوج أهله لم يتقبلوك لأن الأم أدرى بما يناسب طبيعة البيئة لديهم فالتوفيق بختيار الأهل أخيتي...


ثالثاً:


مسألة الأصل مهمة لا يمكن أن يكون هناك توافق بين القبيلي والخضيري ... سيترتب عليها ردود نفسية على الأولاد

والزوج يمكن أن تهدم الحياة..



الا خلق قبيلي خلق خضيري خذي من ثوبك....



هذا ليس تعصب لكن من ضرورات الحياة وتوافقها.. .



أختي انصحك بدعاء الله أن ينسيك هذ الشخص ويقطع الله كل وصلك به ألا إن كان بحلال..

وبرأي الزواج محكوم عليه بالفشل



أسأل الله العلي العظيم أن يرزقك الزوج الصالح والطريق المنير والذرية الصالحة...


أختي سامحين والله ما كتبت الا محبتاً لك وخوفا عليك....

[أبو مالك]

بارك الله فيك ونفع المسلمين بك اثلجت صدري بالرد الجميل حقيقه الذي غفلت عنه واسأل الله ان ييسر حالها للخير في الدارين

[طار شوقي للفردوس]

المشاركة الأصلية كتبت بواسطة أيها الأمل أبقى ثالثاً: مسألة الأصل مهمة لا يمكن أن يكون هناك توافق بين القبيلي والخضيري ... سيترتب عليها ردود نفسية على الأولاد والزوج يمكن أن تهدم الحياة.. الا خلق قبيلي خلق خضيري خذي من ثوبك.... ...

أختي الله يهديك ايش هذا الكلام ....الرسول صلى الله عليه وسلم نهى عن التعصب وقال دعوها

وبعدين خلا ص الناس تتقدم واحنا نرجع للوراء .

.ليس الفتى من قال كان ابي ....إن الفتى من قال ها انا ذا

واذا جاء كم من ترضون دينه فزوجوه ما قال الرسول صلى الله عليه وسلم اصلا و فصل

اكيد الأصل مهم والعائلة والسمعة انا ما انكر هذا الشي ...و لكن و لكن لماذا نحاسب الناس على شي هي ما ختارته

هل الشخص يختار بلده ؟؟ هل يختار ابوه وامه ؟؟ هل يختار من تكون عائلته ؟؟ او يولد ويعطى هذي الأشياء ...!!!!


المفروووض اننا نحاسب االشخص على الأشياء الي هو اختارها ..دينه ..أخلاقه ...تفكيره ..تصرفاته ...و و و....ارجوا ان تكوني فكرتي وصلت ....

وبالنسبه لك يأختي "منهاتن " :

اولا اسأل الله ان يهديك ويتوب عليك من الخطاء الي وقعته فيه ..

واتمنى انك تكوني حاسه انه الشي الي فعلتيه خطاء ..وشي جميل انك تسعي الى تصحيح هذا الخطاء

اما قطع العلاقة نهائيا او الزواج

وبالنسبه للزواج لازم تعرفي انك رح تخطي خطوه مهمه في حياتك بدئت بشي غلط عن نفسي انا لا اؤيد الفكره ..

لكن هذا قرارك ففكري كثيييييييييييييييييير واستخيري الله وابدئي بالتوبه ا لصادقه قولي يارب انا ما ابغى هذا الرجل

وما ابغى استمر في هذي العلاقه في الحرام يارب ان كان في خير ليه اعطيني اياه في الحلال ...

واذا تبغى نصيحة أخت صادقة لوجه الله ...

كلميه وقولي له الي بينا انتهى وانا نادمه على الي صار والي سويته كان غلط وانا ابغى اتوووب (وكوني صادقه

وانوي التوبه الصادقـــة)

واسمع مني لو يحبـــــك رح يلاقي مليووووووووووون طريقه عشان يتقدم لك ورح يقنع امه وعايلته كلها


وخليه هو يدورر على قصص مو انتي !!! هذي مسؤليته هو ...


واذا جاء وتقدم اكيد اهلك رح يسئلوا عنه ورح يعرفوا ليش طلق زوجته الأولى ايش السبب الحقيقي.....

وكونك تقولي "اعينوني وطلعوني من الهم اللي انا فيه والله اني ما انام الليل وحالتي ماتسر لا صديق ولا عدو"

اكيد رح تكون حالتك كذا انتي اخترتيها ...وعشان ترتاحي الباب الي يجيك منه الريح سده واستريح انهي علاقتك فيه

اكيد رح تتأثري لكن فرحك بتوبتك رح ينسيك قومي قيام اليل اليوم وابكيييييييييي واندمي وتذكري من ترك شي لله

عوضه بما هو خير منه واذ فعلا انتي مقتنعه بهذا الأنسان ادعي الله انه ان كان فيه خير يكون من نصيبك ..

الله يوفقك يارب ويسعدك وان كان هذا الرجل فيه خير لك اسأل الله ان يتقبل توبتكم وان يجعل في زواجكم الخير وان


يعفو عن ما سلف وان كان فيه شر الله يصرف عنك وعن بنات المسلمين كل سوء

وهمسه في اذنك أختي : تذكري انه الشباب غالبا ان لم يكن دائما ما ينسون ما ضي زوجاتهم وممكن يقولك زي ما

تعرفتي علي رح تتعرفي على غيري او ايش ادريني انك اصلا ما تعرفي احد غيري فخلي هذا نقطة امام عينك كمان