[@أم أحمد@]

السلام عليكم ورحمة الله وبركاته

مساءكم محبه وغلا خوااااااتي

موضوعي لكل حبايبي اللي عندهم ذوق وخبره
اخوي عريس جديد له 3 شهور متزوج طبعا تعبنا واحنا ندور له ........

يا صغيره يا قصيره لحد ما الله طيحنا في ناس على اخلاق عاااااااليه ولله الحمد ولما شفنا البنت كانت ما عليها ملامح ما شا الله بس هي طبعا ما كانت حاطه شي لا ميك اب ولاشي وفيها اثار حبوب على خدودها مثل اللي مسويه حفر و مشوههة وجهها شوي.........لكن ملامحها ماشاء الله عيون وخشم. وبشره فاتحه.......... وللاسف مانعيييييين الشوفه الشرعيه... وهذا اللي اقلقني على اخوي
فقلنا ان شا الله لما تتزوج بتكون مثل اي عروس اللبس الكشخه بيزينها ويرتبها والميك اب بيحليها......... واكيد لما تستلم المهر بتضبط بشرتها

الموهيم اخوي تزوج الان .......... له شهرين ونص او 3 لكن للاسف البنت ما تهتم بنفسها ابدا ولا عملت شي ببشرتها وذوقها باللبس مش قوي.........لبسها اي كلام ولا تحط الا كحل فقط ومرات من غير...... ولبسها مو كأنها عروس ما عندها الا ثلاث طقوم كل مره تكرر فيهم............... وبشرتها ما عملت فيها اي شي ونادرا تحط فاونديشن يغطي عيوب بشرتها
خصوصا كل اقاربنا بناتهم وزوجات عيالهم جميلات او وسط

ومرات اخوي يجي متضايق ولا يتكلم ومرات يقول ماتهتم؟؟؟؟؟؟؟؟؟

وش الحل يا اخوات مرات نحس ان احنا ظلمنا أخوي بهالعروس؟؟؟؟؟؟؟؟؟؟؟

مع العلم ان قلت له قبل الزواج عيوبها قبل حسناتها......... ومع العلم ايضا قبل المناسبات ألمح لها اكثر من مره على خلطات لنقاء وصفاوة البشره واقولها اني احط منها عشان تحس ان الاهتمام بالنفس ضروري لكن للاسف تطنيش في تطنيش وقلت لها على كريمات كمان ما اهتمت وش الحل....... خلاصة الكلام انها ماتهتم بمظهرها واناقتها ورونقها عكسنا تماما واحس انها واثقة بنفسها من هالناحيه تماما......... وهي عشان ما اظلمها اخلاقها طيبه ومن عائله طيبه...........
ياليت تدلوني وتحسون باحساسي؟؟؟ وياليت تعلمونى بس كيف نقول لها تتعامل مع بشرتها وتحاول تعالجها كيف

ولاكن بإسلوب لا يجرحها!!!

وجزاكم الله خير

[TO TO TO]

و

عليكم السلام ورحمة الله وبركاته
والله يا اختي سبحان الله زي اخوي الصغير خطبنا له وحده ولمن طلب لها صورة جابوله وهي طبيعية بدون ميك اب
زعل قال ابغاها تتزين لي ولا ايش ابغى بها
والكبار حريمهم على طول بالميك اب 00ولا عاجبهم
فسبحان الله00ماحد مرتاح
واخوك لازم يقلها باللي يبغاه منها 00بالكلمة الطيبة
ولا عادي إذا قالها ابغى اشوفك على طول عروسة وفي قمة اناقتك0000افضل من انه يسكت وبعدين ينعكس عليهم سكوته سلبا00
صراحة مشكلة اللي مايفهم لا بالتصريح ولا بالتلميح00
ارجوا اني اكون افدتك00

[@أم أحمد@]

أشكر لك مشاركتك وتفاعلك معى أختى الغالية

وفعلا هى مشكلة إللى يسمع ويطنش لأننا أكيد نبى نواجه الناس بمرت أخووو حلوة وأنيقة

وكمان علشان هو يرتاح بحياته معها لاكن مشكلة بعض الناس الثقة الزايدة عن اللزوم

الله يسعد شباب المسلمين ويهنيهم بزوجاتهم ويصلح أحوالهم

شكرا لك أختى توتو

[dr roro]

بصراحه ما اعرف ايش اقول بس

[اللهم سهل امري]

يقعدها ويحط لها الميك اب الي يعجبو بنفسو

[خلود ام جود]

أختي أم أحمد أنا من رآيي بما أنك لمحتي لها كم مره وماتغيرت مافيه الأ أنك تقولين لها أنا أحبك ومن باب هذه المحبه ودي أنصحك أن تهتمي بنفسك ووبشرتك ولبسك وأناقتك عشان أخوي يشوفك أجمل النساء ولايلتفت لغيرك وخاصة أنك عروس وشوفي البنات كيف يكشخون ولازم تكوني أحلى منهم وفهميها أن كلامك من باب المحبه وحتى تستمر حياتهم لان الرجل أذا مالقى اللي يبيه بالبيت ممكن يدور عليه برى لاسمح الله وممكن تهدي لها أي شي على ذوقك أما طقم كريمات للبشره أو لبس حلو أو أي شي يمكن تحس وحاولي كل فتره تتكلمي معاها عن الموضوع لعل وعسى وأذا مانفع كل هذا خلي أخوك يقولها أنه يحب زوجته تهتم بنفسها أكثر وتتعدل وتكشخ عشان تملى عينه والله يسعد أخوك ويتمم عليهم يارب.....

[منتهى الدروب]

وعليكم السلام ورحمة الله وبركاته

مسائك نور وسرور..
اسمعي يالغاليه ..
اول شيء انتو حاولوا تمدحونها لاخوك وبينو له انكم مبسوطين منها وحاولوا تظهرون حسناتها قدامه.. امدحوا الزين فيها علشان تصرفون نظره الى محاسنها ..هي يمكن فيها اشياء حلوه كثيره وهو مو منتبه لها ومركز على عيوب بسيطه فيها..وقولوا له بدري انتوا في بداية زواجكم ما تعرف وش تحب بالضبط لسى مافهمتك شوي شوي ...مشكلتهم االرجال انهم يرسمون حياه خياليه في بالهم وينصدمون في الواقع ..
ولا تقولون لمحنا لها اكثر من مره بس ما فهمت ما يصير تتكمون قدامه باي شيء عنها ..

وثاني شيء بالنسبه لها ..هي مالها شهور معه وبينكم ..وبعدين كل شخص وله ذوقه واصبروا عليها شوي شوي تلقونها تكتسب منكم ..وانتوا اذا جلستوا مع بعض سولفوا عن هالامور وان الوحده لازم تتزين لزوجها وتتكشخ ومن هالامور.. وشاركوها معكم السوالف وخذوا واعطوا يمكن هي ماتعرف او هي يمكن تتعب وتحط خلطات بس مافادت معها..يمكن ما تعرف تحط مكياج ما تضبطه..اجلسوا مره واخذوا المكاييج حقتكم وقولي مثلا لاختك نفسي ارسملك عيونك او احط لك مكياج وسولفوا يمكن هي تبي تتعلم وخذوا منها ما تبينون انها اقل منكم ..وكذلك الملابس تكلموا عنها وخذوا واعطوا وهي بتفهم..او مره انتي وهي جالسين جلسه لوحدكم تكلمي عن هالامور وقولي ان رجال يحبون هذا الشيء وما يحبون كذا بس مو بطريقة نصح بطريقة سوالف وكأنك تستشيرينها..وعندك افكار لذا الشيء وتعرفين لي محلات لملابس كذا ..احس اني طولت المعذره.. ومدري وصلت الي اقصده ووضح او لا..
والله يكتب لهم الخير ويسعدهم ويوفقهم..
بعدين لا تقولين ظلمناه بهالعروس..هذا نصيبه وربي كاتبه له ..

وربي يوفقك وييسر اموركم..

[@أم أحمد@]

أشكر لكم حبيباتى الغاليات هذا التفاعل والنصائح الرائعة مثل روعتكم

وإنتم والله ماقصرتوا بالنصيحة والكلمة الطيبة وتأكدوا حبيباتى أننا مانقصر فى بيان

نقاط البنت الزينة أمام أخى

ولكن حبيباتى أنا محتارة منها كان ودى أتأكد لو أننا معنا أحد مختص

لأن هالبنت الله يصلحها عندها مشكلة صعبة شوى!!!!!

تخيلوا ما تحب تفرش أسنانها تقول مستحيل ولا تاكل حتى علك أو نعناع

ما أدرى إيش ممكن يكون حل هالمشكلة !!!!!!!

صح إنها تتسوك ولكن هذا ما يغنى عن المعجون ولا يطيب الفم بشكل كافى

وهذا يمكن إللى خلانى أقول إننا ممكن ظلمنا أخوى والحمد لله على النصيب

وآسفة جدا على تعبكم معايا والله يجزاكم خيرا على ما بذلتم وتبذلوا من نصائح لى ولغيرى