[أسرار]

السلام عليكم
ارجو مساعدتي في اسرع وقت
لدي مشكلة مع صديقتي في الكلية
حيث انها دائما تضايقني بصرفاتها فقد صبرت لمدة ثلاث شهور يوميا وانا اقول في نفسي (يمكن موقصدها او يمكن فهمتها غلط)
اقولكم بعض المواقف
1-كل ما اقعد معاها في الكفتيريا وتكون معانا صديقتها من ايام الثانوية(وانا كنت زمياتهم بالثانوية)يقعدون يضحكون وانا بينهم مو فاهمه شيئ وكأني مو موجودة
2-مرة دقيت عليها تلفون وماردت علي وقلت اكيد تليفونها صامت وراح القاها في مختبر الكمبيوتر ولما وصلت لقيتها مع صديقتها ونزلنا الكفتيريا واحنا ناكل قالتها بكل وضوح وصراحها "لما دقيتي علي يا اسرار قليت اووف خلى اخلص سالفتي معاج(صديقتها)قبل ما تجي"وطبعا انا سكت من الصدمة مع العلم انها كانت معاي بالثانوية وتخرجنا مع بعض ودخلنا نفس الكليه بس صديقتها تاخذ بعض المواد في كليتنا مع العلم ان هذي اول سنة لنا في الكلية
4- اليوم اللي صديقتها مو موجودة فيه اكون انا الغالية والعزيزة لانها ما تعرف غيري في الكلية
5-اذا كنا قاعدين مع بنات دايما تقلل من شاني جدامهم
6- في يوم كانت تكلم اخوها في التلفون وقالتله كلمة تقلل من شان قبيلتي (سويت نفسي ماسمعت) اليوم الثاني قالت لصدقتها جدامي "امس انا قطيت كلمة علي أسرار بس اشوى انها ماسمعتني اقولها لج بيني وبينج" فقلتلها انت كنتي تكلمين اخوج فماكنت مهتمه اني اسمع

وهذا بعض من اللي صار في الكورس اللي طاف وفي هذا الكورس ما امشي معاها واذا مرت اسوي نفسي ماشفتها وما اسلم واذا اقعدت معاي مسكت بيدي كتاب وسويت نفسي مشغوله
واحاول اتحاشاها عشان ما احتك معاها بجدال واهي حست اني اتحاشاها فماقامت اتقرب صوبي
بس تقريبا مريتين قالتلي كاشتة فينا وضحكت ومشيت

ارجو انكم تساعدوني لاني مو عارفة افتح معاها الموضوع ولا ابتعد عنها بهدوء

وشكرا

[أسرار]

ارجووووووووووووووووو مساعدتيييييييييييييييييييييييييييييي

[مها العنزي]

السلام عليكم ورحمة الله وبركاتة


يا أختى الفاضلة والله كثير منج يشتكي من هؤلاء الناس بس تعرف المصلحة والله وانا مجربة بحكم شفت ناس اللون واشكال


وانا اقول لج راى


لا تحتكين فيها ولا تقليلين من شأنج عليها ولا تنزلنين كرمتج لها


في بنات واجد بالكلية منهم الطيبين ومنهم (الله يصلح بس)

اذا قعدت عندج قوليها عندى امتحان او اى شئ بعدي عنها والله بعدين اتعرف شنو انتى بنسبة لها والله

يمكن هذا امتحان لج من رب العالمين

يخليج تبتعدين عنها بحكم ما قريت عنها راعية لسان وعوذ بالله


ابعدى عنها وربج راح يسخر وحده احسن منها باحالي الاخلاااااااااااااااااق

واحنا اهنى صديقاتج واخواتج والله


احنا نفس الكتاب المفتوح لج



والسموحة اذا كلامى ضايقج


والسلام عليكم ورحمة الله وبركاتة

[الجودي123]

انتي قلتي

في يوم كانت تكلم اخوها في التلفون وقالتله كلمة تقلل من شان قبيلتي (سويت نفسي ماسمعت)


حـــــــرام عليـــك !!!! اتركيـــها فوراً ( كرامتـك فوق كل شي )


اذا شافتــك عزيـــزة نفس والله بتـكبريــن في عينـــها




وقلتي


وهذا بعض من اللي صار في الكورس اللي طاف وفي هذا الكورس ما امشي معاها واذا مرت اسوي نفسي ماشفتها وما اسلم واذا اقعدت معاي مسكت بيدي كتاب وسويت نفسي مشغوله


اي الحين تعجبيني ..

لاتكلمينها ابــــــــد وكأنها جــدار حتى اذا تكلمت لاتحطين عينك في عينها

خليـــها تدري انك مو على كيفها


وبعدين اذا بغيتيها تتركك دايم صرفيـــها

التلفون لاتردين

الكلية حتى المشاهد لاتشاهدينها

[أسرار]

اشكركم خواتي

[أسرار]

اختي مها كلامجى ماضايقني بالعكس ريحني وايد
لاني كنت وايد مضايقة وحاسه ان قلبي قسى

[عنيد]

شغل بنات بس تقدرون تقولون عني دكتور ملقوف

النصيحة اولاً قومي بدعوة لصديقات معكي في الكلية بحفلة صغيرة ولتكن اي مناسبة وادعيها لحضور المناسبة بس على شرط يكون الموجود اثنان اوثلاثة من صديقاتك وقدمي لهم هدايا جميلة للذكرى
ثانياً: ارسلي لها رسائل عن طريق الجوال اعجاب بها او كلام جميل تفرح به
واذا مانفع كل هذا اتبعي طريقة اختكي الجودي
والله يوفقكم

[كوكب]

ا لسلاااام عليكم ورحمه الله وبركااته
انا اقوول اتركيها ولاا تعطينهاا اي اهتماام اعتبريها مو موجووده لو ترجعين لها الحين بيزيد كلااامهاا عليك وبتقوول في نفسهاا مالك الاا هي اتركيها والبناات واااجد في الكليه اللي خلقها خلق غيررررها . وصدقيني هي الخسراانه وبتندم عليك بس اتركيها ..


اخوووكم كوووكب !!!

[جاردينيا]

والله يااخ عنيد انت شكلك ماتعرف سوالف بعض البنات بنصيحتك تخليها تذل نفسها عندها اكثر وبتشوف نفسها عليها اكثر تعطيها هديه وترسلها رسائل جوال (بتقول اسرار تتلصق فيني وانا ماعطيتها وجه) عاد بيضحكون عليها عن جد هالمرة .لو انا منك يااسرار اتركها ولا اكلمها ولااعطيها مبررات لان هذه مو صداقة هذه واحده قاعده تتلاعب فيك وبمشاعرك وانت مبين عليك طيبة وقلبك ابيض . نصيحة من اخت لك في الله اتركيها وبنات الناس المحترمات كثيرات والله يرزق كل واحد على قد نيته . وشكرا

[أسرار]

جزاكم الله كل خير فعلا ريحتوني