[عابدةالرحمن]

صبـــاح / مســاء


الخــــــــــــــــــــير على الجميع




تتوقعون ليه بعت نفسي وعلى مين بعتها ومن اشتراها وبكم بعتهاأصلآ وش الثمن اللي خلاني ابيع نفسي عشااانه..!!!




أنا راح اقولكم


000ليه بعتها بصراحه ماشفت شئ في الدنيا يسوى



000بعتها لله



000والثمن جنه عرضها السموات والأرض




بنات خلونا شوي نفكر بجديه وش الشئ اللي في الدنيا

يستاهل ازعل واحزّن نفسي عليه



انا اسمع واقرأكثير عن بنات حزنين وفيه بعضهم تقول انا مهمومه وماني قادره


لااكل ولأشرب ومااقدر لااطلع ولااستانس كله حابسه نفسي


في غرفتي ومالي خلق اسولف او اشوف احد



اقول ياربي حرام والله كسرت خاطري



طيب اسئل وش السبب

اللي خلى بنت في عمر الزهور هذا حالها..؟




تقول لي :





_ كل صديقاتي وبنات عايلتي تزوجوا ألا أنا


_أو كل صديقاتي توظفوا وأنا تخرجت وقعدت في البيت



_ أو رسبت في ماده او مادتين او اكثر


_أواهلي حارميني من الطلعه وكل محبوسه في البيت



أو أو أو ......................ألخ





بصراحه ماتحسون هالأشياء بسيطه ماابي اقول تافهه بقول بسيطه أفضل عشان>> ماابي احد يزعل من كلمتي ويفكرأني اسخر منه <<



بسيطه وممكن تنحل بأذن الواحد الأحد



انتي بذلي كل الأسباب اللي عليك وبسسسس



خلاص اذا وكّلتي امرك لخالقك لاتخافين ماراح يضيع تعبك بأذن الرحمن



يعني انتي سوّي الأشياء اللي تقدرين عليها



مثل الدعااااااااااااااااء ان ربي يرزقك بالزوج الصالح


او ينجحك في دراستك وان ربي يرزقك بوظيفه او حمل او يشفيك

او او او ........الخ




حسب حاجتك


واكثري من الأستغفار وقراءة القرآن والتقرب لله مع اخذ الأسباب

الدنيويه مثل اذا كنت مريضه مااهمل العلاج واذا رسبت اذاكر

واذا كنت ابي اتزوج مااطلع من البيت بمنظر غير لائق

كأني جالسه في البيت اكيد لكل مكان لبس يعني احسن من نفسي

ومن مظهري ترا حتى لو ماكنتي جميله وفيك بعض العيوب

النظافه والترتيب راح يعطيك نسبه من الأنوثه والجمال

حتى طريقة كلامك له نسبه في انجذاب الناس لك

خلي اسلوبك ذووق وراقي في التعامل انا دائما والله مايمهني

شكل الأنسانه كثر مايهمني عنايتها في نفسها من جميع

النواحي وكيف تعرف تبرز انوثتها و تحسينها جذابه
يعني فيها شئ يجذبك من خلال طريقه كلامها او اختيارها

في ملابسها وطريقه تسريحة شعرها كلها امور كفيله في ابراز

انوثتك ومما يجذب الناس لك ويفكرون فيك للخطبه^ـ^

[عابدةالرحمن]

ولاتفكرين متى راح يجي الفرج وتتحقق امنياتك



ابد لاتفكرين ووكلّي أمرك لربك وحده سبحانه



انتي بس خلي ثقتك بالله كبيره واحسني الظن به




متى ماجا الفرج جا لاتشغلين بالك ابد



صديقني ان جا وربك حقق امنتيك في الدنيا حمدلله خير وبركه



من عند ربي ماجات في الدنيا بعد خير لأن ماراح يضيع تعبك ان شاء الله




كله بتشوفينه يوم تعرض عليك صحيفة اعمالك



وانتي تشوفين صحفيتك مليااااااااااااااانه من الأعمال الخير




كثرة استغفار فيها وقراءة قرآن وصلاة نوافل وصيام تطوّع

(الأثنين والخميس والأيام البيض وست شوال ...الخ)


ياالله تخيلي معي الموقف وانتي تشوفين كل تعبك ماراح



وصبرك ماضاااااااااااااع كله محفوظ عند رب العالمين






وغيرك يمكن خذها في الدنيا وتمتع فيها ومااخذ مثل اجرك



وتمنى لو انه ربي مااستجاب دعوته في الدنيا عشان ربي



يبدلها له حسنااااااااات يوم القيامه



انا مااقولك لاتحزنين او لاتهتمين لان هذا شئ سبحان الله لا أرادي




يطلع معك والحزن شئ لابد منه في حياة الأنسان ومستحيل




في احد ماعمره ذاق الحزان ايآ كان نوعه ودرجته



بس يبقى حزن




بس اللي انا اقوله لاتبالغين في الحزن لدرجه انك تصيرين انسانه


مكتئبه منطويه على نفسهاتلاقينها في العشرينات او الثلاثينات



شعرها فيه شيب وجهها دائم عبوس ماتعرف الضحكه ابددد



وكأنها من الهم عمرها ستين او سبعين سنه



يالله طيب ليه كل هذا الهم اللي معيشته نفسك



مهما صار مافي شئ يستاهل كل هالحزن



الأ اذ خسرتي شي واحد بسسسس انا ماألومكـ اذا حزنتي





اللي هو دينك وبس غير كذا مافي شئ يستاهل الحزن عليه



وحتى وان كنت قد خسرتي دينك لاسمح الله فيه حل بعد




اللي هو التـــــــــــــــوبه والرجوع الى الله






بصراحه الدنيا فااااااااااانيه وزايله واهم شئ دينك لانه هو



طريقك للجنه اللي عرضها السموات والأرض




انا اقول عيشي وافرحي بالدنيا وان تحققت امنياتك اشكري ربنا واحمديه



وان ماتحققت اصبري ( انما يوفى الصابرون اجرهم بغير حسااااااااااب)




في كلتا الحالتين خلي ثقتكـ بالله كبيررره

[عابدةالرحمن]

تأملي معي هذا الحديث ......
حدثنا هداب بن خالد الأزدي وشيبان بن فروخ جميعا عن سليمان بن المغيرة واللفظ لشيبان حدثنا سليمان حدثنا ثابت عن عبد الرحمن بن أبي ليلى عن صهيب قال قال رسول الله صلى الله عليه وسلم عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له


خلي تفكيرك اوسع وارقى من اني احزن على شئ فااااااني


اسئلي نفسك سؤال هل الجنه بس بيدخلوها


الموظفات واللي مو موظفه ماراح تدخلها..؟


هل الجنه بس يدخلونها المتزوجات واللي مو


متزوجه ماراح تدخلها ......؟



هل اللي الجنه بتدخلها بس اللي عندها عيال

والعيقم محرومه منها...؟




هل الجنه بس بتدخلها اللي امها وابوها على قيد


الحياه يعني ماتت هي قبلهم وماذاقت حزنهم ...؟

هل الجنه بس بيدخلونها الأصحاء في الدنيا والمرضى راحت عليهم

وانحرموا منها بسب مرضهم في الدنيا ...؟

هل وهل وهل أسالي نفسك كل شئ دنيوي تمنينه


وراح تلاقين الأجابه



لأ


لان فقط اللي فقدت دينها ومااااااتت هي الوحيده


اللي بتحرم عليها الجنه اللي عرضها السموات والأرض



واعرفي ليه انتي مخلوقه ...؟


تعرفين الجواب


تتوقيعن انتي مخلوقه عشان الزواج بس


او عشان الوظيفه


او عشان التكاثر (تحملين وتولدين وتربين)


او عشان تنجحين في دراستك


لأ ياقلبي انتي مخلوقه لشئ واحد فقط لاغير



انتي انخلقتي عشان تعبدين الله وحده لاشريك له

(وماخلقت الجن والأنس الا ليعبدون)

غير كذا مو مهم أبددد


حصل الحمدلله ماحصل الحمدلله بعد

ليه اكبر المسائل الدنويه واخليها اكبر همي

بيعي نفسك لله

وخلي كل امورك عليه وحده سبحانه

ولاتحزنين ابدد على شئ مومن نصيبك


وقولي ان شاء الله خيره لي يارب

وربي يعّوضي بخير من عند ه ان شاء الله


في كثير بنات الله يهديهم يارب

تقول انا لي خمس ست شهور وانا استغفر طوال يومي


واصلي وادعي ومع كذا ماشفت شئ تحقق لي ويصيبها


فتور موطبيعي وتشوفينها خلاص وقفت استغفار ودعاء

وقراءة قران وصيام


ملّت طيب ماتدرين يمكن ربي أخر استجابة دعائك

لحكمه سبحان الله انتي ماتعلمينها ربي وحده هو اللي


يعلمها انتي واااااااصلي وربك كررريم ولاتيأسين ابد


لان صدقيني انتي الرابحه في الأخير وكل هذا محسوب لك


وحقك محفوظ ان شاءالله بس انتي ليه مستعجله عليه

وقولي انا ماراح ازعل واحزن على امر دنيوي

لاني خلاص بعت نفسي لله وهو اشتراها

ووكلت امري عليه وحده سبحانه

وهو ادرى بمصلحتي وارحم علي من نفسي

وراح اقبض ثمن البيعه

يوم ادخل جنه عرضها السموات والأرض

واعرفي انك محبوبه عند ربي تدرين ليه...؟

لأن الله اذا احب عبد ابتلاه

ياالله وش هالشعور لما اعرف ان ربي يحبني

والله ان لو تعمقتي في هالكلام لفرحتي واستانستي ان ربي

بلاك بها البلوى واقلبها من محنه لمنحه

كيف ربي يحبني وماافرح شوفي عندك اكبر

مثال الأنبياء عليهم السلام

كلهم تعرضوا للمحن والحرمان من بعض الأمور الدنيويه

اللي فقد ابويه وهو صغير وعاش يتيم طول عمره

واللي انحرم من الأنجاب

واللي اصيب بولد عاق

واللي ابوه تبرأ منه

واللي اتهمت امه في شرفها

واللي مرض مرض شــديــد

واللي واللي واللي ...........

هل تتوقعين انهم ماادعوا ربهم او انهم يوم

صابهم الهم وقفوا الدعوه لله
لأ بالعكس هذا زادهم اصرار وصبر

لانهم ايقنوا انه تعبهم ماراح يروح هباااااء منثورا

وتأكدي ان ربي قادر انه يعطيهم ويحقق امنياتهم

في لمح البصر ولاينقص ذلك من ملكه شيئ سبحانه جلّ جلاله


بس ربي تشوّق لسماع أصوتهم في الدعاااء

والتضرع له والصبر لأجله وحده سبحانه

ختامآ اقول

اللهم لاتجعل الدنيا اكبر همنا ولامبلغ علمنا ولا الى النار مصيرنا

اللهم لاتجعلنا ممن استهوتهم الشياطين فشغلتهم الدنيا عن الدين

وصلي اللهم وبارك على نبينا محمد وعلى الـــه وصحبه أجمعين

ان اصبت فمن الله وأن أخطئت فمن نفسي والشيطان




لاتنسوني من دعائكم

م..ن

[طبعي الوفاء]

عابدة الرحمن موضوع رائع
كل ما قلتيه صحيح الحمدلله والله أبد لا حزن ولا هم
بالعكس راااااضين بالقدر لكن هي سنة الحياة والله خير الرازقين
الله يرزقني ويرزقك ويرزق جميع المسلمين
عزيزتي موضوع قيم ورائع تذكير لشد الهمه والتوكل على الله

جزاك الله خير غلاتي

[nessma2010]

مشكورة يا اختي و جعله الله في ميزان حسناتك
و الله انا كنت محتاجة لقراءة مثل هذا الموضوع، و الله قلبي انشرح لقراءة هذا الموضوع ، جازاك الله خيرا

[أسومه]

ماشاء الله تبارك الله
كلااامك عين العقل
جزاك ربي الجنه

[عزيز بالله]

لاحول ولا قوه الا بالله
الحمد لله والشكر

والله بجد صارت غريبه كلنا نحزن على اشياء غريبه في الزمن الرهيب ذا

انتي معي

وكل واحد عنده مصيبه اغرب من مصيبه خويه
فاااااااا

الحمد لله والشكر ,,,,, ثم الحمد لله على الشكر ,,,,,,,, ثم الحمد لله والشكر
الى يوم يبعثون

صدق لاتزعلين مني ......... الي يشوف مصايب وقضايا غيره تهون عليه مصيبته
وعلى قول المثل
لاتشتكي من جور الايام للناس

الحمد لله والشكر ثم لك الحمد ربي على ماعطيت وما منعت ثم الحمد لله الذي لايحمد على مكروه سواه
لاتزعلي كل واحد عنده مصيبه تضحك اكثر من الثاني

بس عسى الله يثبت عقولنا ياكريم
تقبلوا مروري
اخوكم بدر

[kamikami]

كلامك درر الله يعطيك العافية

[عابدةالرحمن]

[قطراات الندى]

الله يجزااك الجنة يا عسل

والله كلامك درر ما شاء الله عليك

ولو كاان منقول أهم شئ أفدتينا يالغلا

الله لا يحرمنا جديدك ..