[-ـ_ الجنة أغلى _ـ-]

=كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ

=أهم شي نشني على العجوز الي حاطه عينك على ولدها ثم نفذي مايلي:
1_خليكي مع امك ولاتروحين مع البنات وتتهيبلين اصبري عنهم كم شهر لين تتم العملية.

2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.

3_كلمه خاله خليها دايما على لسانك خاصة لام المعرس عشان تحس بنوع من التميز عن باقي العجايز.

#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر ون تنجح مع نمبرتو الاحتياط واجب وانا اختك.

4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>دارية المثل ماله داعي بس مالقيت غيره.

5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .

6_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.

7_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.

8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.

9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.

11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!

12_في العروس اضغطي على نفسك واقضبي ارضك ولاترقصين واعتبري الرقص عيب وشق جيب.

13_اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.

=الحين العجوز بتكون وقعت فالفخ.

نروح للمعرس الحين.

1_اهجدي في بيت اهلك ولاعاد تطلعين واذا جا المعرس بيشوفك خلي ابوكي يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني.

2_ قبل يجي اليوم الي بيشوفك فيه بحوالي اسبوع او اكثر طامري من صالون لصالون صبغ فرد تنظيف بشره..إلخ.

3_اذا جا المعرس خلي اخوكي يوقف جنبه عشان مايطيل التبحلق وذلك تطبيق لنظرية {اللمحة ذبحه}.

4_في نهاية المشهد خلي ابوكي يقول:معليش وانا عمك ترى البنت شوي محيوسه{معليه يالشايب تنصب عالمسكين}.

وبهاللحظه الولد بينط على راسه ويبوسه لين يشفط مخه ويقول متى العرس ياعم؟

{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.

م / ل

دمتم بود ... الجنة أغلى ’’’

[ام الجوري والجود]

صح كلامك رائع طبعا لما تعرس الاخت تطلع على حقيقتها

[zell am see]

هههههههههههههههههههههههههههه
والله الايام ذي البنات ما يمشي عليهم ذا الكلام ولا يطبقونه يمكن الام ساكته والبنات هم اللي يسولفون مع الحريم وولدك والا اخوك في اي سنه واي قسم؟ وبعدين تقول لامها تقدم لي عريس توافقون عليه والا ارد من اخته اللي خطبتني ترى عندي رقمها.....

[-ـ_ الجنة أغلى _ـ-]

المشاركة الأصلية كتبت بواسطة zell am see هههههههههههههههههههههههههههه والله الايام ذي البنات ما يمشي عليهم ذا الكلام ولا يطبقونه يمكن الام ساكته والبنات هم اللي يسولفون مع الحريم وولدك والا اخوك في اي سنه واي قسم؟ وبعدين تقول لامها تقدم لي عريس توافقون عليه والا ارد من اخته اللي خطبتني ترى عندي رقمها.....

ايه صادقة ههههههههه وبعضهم وافقتم ولا ماوافقتم ابتزوجه يعني ابتزوجه بس مجرد اعلمكم مشكووووووووووووورة غلاتي على المرور

[-ـ_ الجنة أغلى _ـ-]

[quote=ام الجوري والجود;1094704]صح كلامك رائع طبعا لما تعرس الاخت تطلع على حقيقتها[/quot

خليها ذاك اليوم تنقلب على امه هههههههههههه مشكورة يالغلا عالمرور

[انفاس مشرقة]

ههههههههههه كلام جميل

[-ـ_ الجنة أغلى _ـ-]

المشاركة الأصلية كتبت بواسطة انفاس مشرقة ههههههههههه كلام جميل

جميل بس نبي وحده تجرب ههههههههههه كلام جميل >>> شكلها راحت تطبق خخخخخخخخ اشكرك على تنويرك موضوعي

[kamikami]

موضوع حلو تسلمي
شو وين البنات لحتى يجربوا و يردوا علينا انا الحمد لله اصطدت و عم استنى النضج هههههههههههههههه
امزح القدر هو اللي اصطاد

[-ـ_ الجنة أغلى _ـ-]

المشاركة الأصلية كتبت بواسطة kamikami موضوع حلو تسلمي شو وين البنات لحتى يجربوا و يردوا علينا انا الحمد لله اصطدت و عم استنى النضج هههههههههههههههه امزح القدر هو اللي اصطاد

يسلمك الرب اصطدت وعم استنى النضج هههههههههههههههههههههههههههه روعة كثري ملح بس خخخخخخخ يالله عساه احلى صيدة يارب >>> قلبوها افتراس هههه مشكوووووورة حبيبتي على تعطيرك الصفحة

[القمراء]

هههههههههههههههههههههههههه

شكرا على خفة هالدم..احب اقولك الطبع يغلب التطبع

لابد من مطب يكشف المستور ...