[اللهم سهل امري]

السلام عليكم ورحمة الله وبركاته


حابة اتقدم بالشكر لكل أعضاء المنتدى لانهم ساعدوني كثير في رفع معنوياااتي النفسية بطريقة غير مباشرة وبدون علم منهم
انا دخلت المنتدى بالصدفه والحمد لله الي هداني له .. وكنت فتره طويلة ضايعة .. بالرغم من اني من عائلة محافظه ومترابطة واتربيت تربيه اسلاميه حسنة .. لاكن صاحبت رفيقات سوء لمده 3 سنوات .. سويت فيها اشياء ندمت عليها يمكن ما تكون مره قوية لاكن ماهي لايقة في سمعة تربيتي ... ما كنت راضية عن نفسي لاكني لما كنت اشوف الي حوليني كدا كنت اقول العالم كله كدا . وبعدت عن الله لدرجة جات فتره ما احس ولا بشي في ناحية الدين يادوب بس صلاة اي كلام وغيره ما اسوي شي وطول الوقت والاغاني في اذني . وكنت اشوف المشاكل دايما تنهال عليا وانا اقول ليش بيصير لي كدا وحاولت انتحر . واكثر من مره انصدمت في الناس وواجهت اشياء كثيرة تكسر القلب وصرت بعدها ما اثق في احد واقول الناس كلهم ما فيهم خير ... وبعد ما صارت فكره الانتحار تجي في بالي كثير وحده بنت قالت لي اكيد ربنا يبغاكي ترجعي له وتدعي مو هذا احسن ولاكان ربنا يقدر يسيبك على غفلتك وتموتي وتتعذبي
بعدها صرت افكر

و بعدها عرفت طريق المنتدى و لما شفت طيبة اعضاء المنتدى وتعاونهم على البر والتقوى اتشجعت اكثر وحسيت ان الدنيا فيها الطيبين زي ما فيها العكس وعرفت انه مافي شي في الدنيا يستاهل اني اكون بعيده عن الله واني لازم يكون اول هدف لي اني افوز بالجنة

اعذروني اني مو شاطرة في التعبير لاكني حبيت اوصل ا لي في قلبي

الله يسعدكم كلكم ياااارب ويحقق لكم الي تتمنووه ويكتب لكم سهادة الدارين يااارب

[منتهى الدروب]

وعليكم السلااام ورحمة الله وبركاته..
الحمدلله اختي الغاليه ان ربي هداك الى طريق الحق..والله فرحت لك..وسبحان الله هذا من رحمة ربك.. ودخولك مو بالصدفه ربي يسرلك هذا الخير..وهو الخير مغروس في قلب كل شخص بس هو اذا لقي من يغذيه وينميه نبت نبات طيب..واذا لقي من يدمره يضعف ويذبل بس اول مايلقى عنايه يرجع ينبت وهذا الخير فيك موجود وانتي انتبهتي لنفسك وصحيتيه الله يكتب لك الثبات وييسر امرك ويرزقك العيشه الهنيه والسعاده الابديه في الداريين..وكل غالي علينا يارب..

[كنان2]

ياعمري مافي بني ادم مافيه خير بس الشيطان حريص والحمدلله الي ربي ردلك صوابك والله يثبتك ويجزاك الفردوووووس...والله يااختي مهما الواااحد سوى بالنهايه ماله الا ربه

[متعب123]

الحمدلله يااختي..........والله انا مثلك اقول الحمدلله اللي ربي دلني على هذا المنتدى رغم اني اقراء واتصفح فقط.... بس فعلا تحسينه منتدى يريح جدا...الاعضاء فيه وبالذات المفسرين يحبون الخير ويساعدون لوجه الله... وفيه رقي غير طبيعي والله بدون مبالغه...........الله ينفع به ولايحرمهم الاجر ياااااااااااااارب صرت مرتاااااااحه فيه مره