[عباد الرحمن]

]

السبب وراء معظم المشاكل التي تحدث بين الازواج هذه الايام ؟؟؟



طبعا كلنا نرى حوليا مشاكل كتيرة جدا بين ازواج كتير جدا

رأينا هذه المشاكل وعشناها في بيوتنا ومع اقاربنا ومع اصحابنا ومع جيراننا

مشاكل كتيره جدااااااااا وكتير منها بتقف على الطلاق ولا حول ولا قوة الا بالله !

فعلا مشاكل لاحصر لها

وبصراحة انا كان دايما عندي مبدأ اضعه في رأسي

فلما رأيت هذه المشاكل الكتيرة مع ناس كتير في مقابل اعرف ناس متزوجين حياتهم هادئة وكلها بركة

فبحثت وفكرت في كل هذه المشاكل وفي حياة كل زوجين

وجدت فعلا ان معظم الازواج هؤلاء بدأوا حياتهم بمعصية الله

فعلا والله وجدت معظم المشاكل وليس كلها طبعا موجودة بين زوجين :

1- يا إما بدأوا حياتهم بمعصية الله : كيف؟ يا اما عملوا فرح مش اسلامي كله اغاني ورقص واختلاط او العروسة خلعت حجابها يوم فرحها ورقصت هي و زوجها أمام الناس في الفرح يا إما قبل الفرح كان بينهم مثلا قصة حب قبل الارتباط وخروج وفسح وكلام حب في التليفونات قبل الارتباط او في فترة الخطوبة

2- يا إما فيه في حياتهم بعد الزواج معصية يا إما مثلا بيسمعوا اغاني أو بيتفرجوا على افلام ومسلسلات هابطة مع بعض او انها عاملة رنة الموبايل بتاعتها لما جوزها يرن عليها بأغنية كلها كلام حب او هو كذلك او في شهر العسل راحوا قضوا اجازة حلوة في مصيف وهي خلعت الحجاب او لبست حجاب مش حجاب صح وخرجوا واتفسحوا وراحوا سينما وافلام واغاني ( انا مش مع الخروج والفسح وشهر العسل بس يبقى خروج مفيهوش معصية لله )

والله بصراحة انا وجدت معظم الازواج اللي بيعملوا هذه المعاصي او بدأوا حياتهم بمعصية فعلا وجدت بيوتهم كلها مشاكل

حتى نجد كتير امن الذين كانوا بيحبوا بعض قبل الزواج وبينهم قصة حب كبيرة نشوفهم بعد الزواج حياتهم كلها مشاكل ليه ؟ لنهم فعلا بدأوا حياتهم بمعصية لله !!!

طيب ماذا نريد من بيت هكذا ! ربنا هيبارك في البيت اللي بيتعصي فيه !

طبعا لا ربنا لن هيبارك فيه لا ده كمان هتزيد المشاكل

لكن لو رجعنا لربنا وتبنا واستغفرنا عن كل اللي فات وبدأ كل زوجين حياة كلها طاعة لله اكيد ربنا هيبارك في البيت ده

وده شفته برضه بعيني زي ما شفت البيوت اللي فيها مشاكل شفت برضه بيوت كلها مودة ورحمة وسكن

ووالله البيوت اللي شفتها كلها هدوء وهي طبعا تتعد على الصوابع بجد كلها بيوت بدأت بطاعة الله عملوا فرح اسلامي مفيهوش اغاني ولا اختلاط ولا تبرج وحياتهم بعد الزواج طاعة لله يقوموا يصلوا مع بعض بالليل ويصحوا بعض للفجر ويحفظوا قرءان مع بعض ويقرأوا اذكار الصباح والمساء مع بعض وعاملين لبعض رنات للموبايل دعاء او قرءان او نشيد اسلامي فيه موعظة ليهم فربنا طبعا بارك في حياتهم اللي كلها طاعة ليه . وممكن تحصل برضه شوية مشاكل بس بتكون بسيطة وبتعدي بسرعة

وفي منهم اللي اصر انه يبدأ حياته بعمرة والله اعرف كم واحدة بدأوا زواجهم بعمرة بعد الزواج على طول وربنا فعلا مبارك في حياتهم
الزوج هادئ ومحب لزوجته والزوجة مطيعة لزوجها ولربها وربهم مبارك في حياتهم

لكن اللي بداوا حياتهم بالمعصية او بينهم في حياتهم بعد الزواج معصية حياتهم كلها مشاكل

وشوفوا حواليكوا متخدوش بكلامي لوحدي شوفوا كل الازواج اللي حواليكم اللي بينهم مشاكل شوفوا في معصية بدأوها في حياتهم ولا في معصية بينهم وهتعرفوا ان كلامي صح

فنصيحة مني لكل بنت مقبلة للزواج إبدأي حياتك بطاعة الله علشان ربنا يبارك لك في زواجك

ونصيحة مني لكل متزوجة بدات حياتها بمعصية او فيه معصية بعد الزواج انها تستغفر وتتوب وتصلي ركعتين توبة لله هي وزوجها وتغيرحياتها لطاعة لله وهتشوف الفرق

والله يا جماعة الحياة في طاعة الله ليها شكل تاني والله

قومي صلي وصحي زوجك قبل الفجر ولو بربع ساعة وصلوا ركعتين قيام الليل مع بعض وبعدين شجعيه ينزل يصلي الفجر في المسجد وبعدين لما ييجي اقعدوا اقرأوا اذكار الصباح مع بعض وحاولوا تقعدوا وتحفظوا قرءان مع بعض هتلاقوا الحب زاد بينكم وتلاقوا حياتكم كلها مودة ورحمة وسكن

خلوا حياتكم طاعة لله ربنا يبارك فيها

[كنان2]

ربي يعطيك الف عاااافيه ..ويهدي الجميع

[عباد الرحمن]

المشاركة الأصلية كتبت بواسطة كنان2 ربي يعطيك الف عاااافيه ..ويهدي الجميع

واياكي كنان

ربنا يهدي الجميع آمين

[تاجي لولو]

صدقت حتي انا لاحظت
من فتره وانا اسال ليش حياتنا كذا وقارنت بين حياتنا واحنا صغار نصحي بدري ويومنا كله عمل ما فيه وقت للطفش وقناعه واهلنا حالتهم زينه ومبارك الله برزقهم والحين علي كثر خير ربي الكل يشتكي لا حول ولا قوة الا بالله والمشاكل لو تناظر بها الا هي ما تسوي كل يسوي من الحبه قبه
الله يعطيك العافيه
ويهدي الجميع

[عباد الرحمن]

المشاركة الأصلية كتبت بواسطة تاجي لولو صدقت حتي انا لاحظت من فتره وانا اسال ليش حياتنا كذا وقارنت بين حياتنا واحنا صغار نصحي بدري ويومنا كله عمل ما فيه وقت للطفش وقناعه واهلنا حالتهم زينه ومبارك الله برزقهم والحين علي كثر خير ربي الكل يشتكي لا حول ولا قوة الا بالله والمشاكل لو تناظر بها الا هي ما تسوي كل يسوي من الحبه قبه الله يعطيك العافيه ويهدي الجميع

شكرا لمشاركتك اختي تاجي لولو

زمان كانت الناس بتخاف ربنا عن دلوقتي

ومكنتش الناس بتهتم بالدنيا زي الان

ربنا يهدي

[تعبت اعاني]

جزاك الله خير

[وردة الوادي]

ربنا يهدي الجميع آمين

[Nesma32]

انصح بالذهاب للعمره ودعاء الله التوفيق في حياتهم الجديده

[om farh]

جزاك الله خير

[قطراات الندى]

الله يبارك فيك يا عسل ..