[الحميدانية]

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لجلك حروفي لـو أدللها ’’

عذبني الشوق واسرفـت بخيالاتـي ,,
روح ٍ تحبك دخيلك ليش .. تهملها ’’

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تجهلهـا ’’

سنين احاول وضاعت كـل حيلاتـي ,,
ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’

[zell am see]

راقت لي جدا تسلمين يا الحميدانيه....

[الحميدانية]

المشاركة الأصلية كتبت بواسطة zell am see راقت لي جدا تسلمين يا الحميدانيه....

يسلمووووووو على المرور الطيب

[الـــــــوعـــــــد]

كالعادة شفافة في انتقائك ........
لكن تكفين ابعدي شوي عن الحزن .........

[الحميدانية]

المشاركة الأصلية كتبت بواسطة الوعد قدام كالعادة شفافة في انتقائك ........ لكن تكفين ابعدي شوي عن الحزن .........

تسلمين يا عمري 0000ولاكن هذا هوا طبعي
والكل يعرفني بهذه الصفة منذ فقدت00000؟

[ريحانة الوجود]

تسلمين اختي

[الحميدانية]

الله يسلمك حبيبتي
وسعدت بمرورك

[الـمـهـا &]

مشكوره كثير كلمات حلووه

[الحميدانية]

مشكورة عزيزتي المها على مرورك

[غربه!]

عذبه رغم الألم ..

يعطيك العآفيه أخيه :)