[منى 0000]

السلام عليكم ورحمة الله وبركاته


خواتي تكفون افيدووووووووني


انالي اخت اكبرمني بسنه يعني تسمع اغاني واحياناتلبس عبايه كتف وماتعجبني تصرفاتها

لكن المصيبه قبل كم يوم دخلت عليهابالغرفه فجاه وهي على النت لماشافتني ارتبكت وسكرت الشاشه فقلت لها وش تسوين قالت ولاشي وفجاه اسمع صوت رسايل الماسن قلت مين الي معك فقالت فلانه صديقتها ولما دخلت بايميلي مااشفت هالبنت ولااختي

ولمانامت اخذت منهالابتوبها وورحت للمحادثات لقيتها ممسوحه الامحادثةصديقتها ووقتهاالساعه 7 وانالماجيتها الساعه 10

ورحت اشوف المستندات الاخيره فلقيت ايميل باسم شاب

وهاليومين اختي غريبه جدا بس تفكر وانا كل ماجيت بقولها اتراجع

فمااااااااادري ايش الحب

تكفوووووووووووووووون ارشدوني والله متضايقه حيل من هالموضوع

[حفيدة حمد]

وعليكم السلام ورحمة الله وبركاته
مرحبا اختي منى
اهنيك ماشاءالله على حرصك على من تحبين وسعيك لانقاذها جعله الله في ميزان حسناتك يارب
اذا تاكدتي مائة بالمائة من ما قلتي حتى لا تظلمي نفسك وتظلميها بالظن.. انصحك بالاتي

اول ما يجب ان تفعليه هو ان تدعي لها بالهداية فهذه اعظم هدية ممكن تساعديها فيها

ثانيا النصح باللين هو الافضل واذاكان فرق السن يحول بينك وبين ذلك او طباعها صعبة شوية

حدثيها بكثر ة عن قصص حدثت و عواقبها في مثل هذا الجانب والرسالة ستصلها ان شاءلله حتى

وان فهمت انك تقصديها لايهمك. ولو بينت لك بانها ملانة منك اتحملي لله ولاتفكري انها ما بتتاثر

الانسان ما يكون كله شر ان شالله.

ابعثي لها ايميلات حتى وان جاء في نفسك انها لن تقرأها ارسليها يمكن كلمة واحدة

تؤثر فيها بقدرة الله وانت لاتعلمين

هناك مقطع جدا مؤثر ومناسب للشيخ عبدالمحسن الاحمد لو تعرفيه في هذا الجانب

حمليه على جهازها من باب انك تبغيه لنفسك مع مقاطع اخرى واتركيه

اوابعثيه لها لو استطعتي او شغليه على جهازك وادعيها لتراه معك او شوفيه لوحدك وهي تكون موجودة

اهم شي تسمعه.

الشيخ هذا كلامه مؤثر جدا سبحان الله ولو سمعتي انت بتقولي كلامي صحيح.

تفضلي هذا الرابط تحميل اقل من نصف ساعة

http://www.emanway.com/showvideo.php?cid=2&id=1

بيكون المقطع في الصميم

اسال الله لنا ولها الهداية و المزيد من الخير من ربنا عز وجل

الله يساعدك ودعواتنا لكم

[عباير91]

انا أنصحج لانها استوت معاج خوفيها انج بتخبرين (اللي يخافون منه في البيت) اب او اخ او ام ...

عشان تصارحج وتسمعينها للآخر وانتي باسلوبج بتعرفين كيف تغيرينها ....

بس حبه حبه ...مثل مايقولون والله يهديها ان شاء الله ....

[خلود ام جود]

الله يهدي أختك وجميع بنات المسلمين
أدعي لها بأن يصرفها عن هذا الشي
وصارحيها أنك وجدتي أيميل الشاب عندها وأنصحيها وذكريها بالله وبأن
هذا طريق خاطئ وعواقبه وخيمه لاقدر الله
وحتى لو كانت أكبر منك مايمنع ذلك أن تحرصي على نصحها ولا تملي
لأنها قد لاتستجيب من أول مره لكن حاولي والله يعينك
وحسبي الله على الشباب الفاضي والله يحمي الجميع

[خـزامى]

لاحول ولاقوة الابالله
حاولي تنصحيها

[سراب قريه]

اول شي اختك اكبر منك فما اظن انها بتسمع منك حاولي تقولين قدامها قصص البنات ومصايب المسنجر وان لو احد تعرفينه كذا انك تحتقرينها والله يهديها

[غيـــــد]

هدديها أنك بتقولين لأي أحد من أهلك هي تخاف منه وله سلطه عليها.
وان يمنع عنها اللاب
نصيحة مجــــــــرب.

[اللهم سهل امري]

قوليلها قصص بنات بطريقه غير مباشره
ما اعرف ايش يبغو هالبنات في الشباب مع اني كنت وحده منهم والحمد لله تبت
بس ايش بعد صدمة جرحت قلبي والين اليوم ينزف
كلهم طينة وحده
والنذاله فيهم واحد
مافيهم احد يستاهل تضيع سمعتها ولا وقتها عشانه اصلا هو نفسه راح يقلل من شأنها ماراح يتزوجها راح يقول خلصو بنات البلد عشان اتزوج وحده اعطتني نفسها برخيص
قوليلها هادا الكلام خليها تعرف قيمه نفسها قبل ما تعطيه لاحد يجرحه
وتعيش طول عمرها مكسوره
وبدال ما تسمع اغاني انصحيها تبدلو بقران

[ام البنات الحلوين]

انصحية بهدوءوحاولى اناتخبرى احد تاخذ بنصيحة ويكون حكيم حتى لاتاخذالمسالة بالعندواللة يهدى بنات المسلمين

[القلوب الدافيه]

الهادي الله سبحانه المفروض ان البنات مايستخدمون المسن نهائيا ... الله رزقكم بجوال وثابت ليه تفتحون على انفسكم باب مسكر ..انا عندي بنت خالتي ع 17 تدخل مع صاحبتها بمسن وعارضناها ونصحناها هي وخالتي واخذوا الموضوع بحساسيه ومرة جت زيارة وطلبت لابتوبي ورضيت وخالتي كانت شايله همها ماتقدر عليها تصوروا اذا بدردش لازم تسكر الباب وماحد يجيها وتمسح السوالف بعد ماتخلص طبعا خالتي وصلت معها والبنت ماتصارحها بشي فقالت روحي لها وجلسي معها .. انا لمارحت حسستها اني ودي اسوي مثلها وابي اعرف كيف وانها فله هي وصديقاتها >وانا طالعه روحي منهم بلحقيقه< المهم البنت وثقت وقامت تطلع كل شي وهي قاعدة دردش انا اراقب الاميلات وشوف الاسماء وشفت شباب داخلين معاهم ويقولون نبي نسولف معكم سولنا سماح بدخول طبعا انا انصدمت انصدمت لانها تقول انه مثل رقمك الخاص ماحد يدخل معك الا برغبتك وهاذي المصيبه الاكبر والا تدخل وحدة قسم بالله انها مصورة نفسها داخل الفصل وحاطتها الصورة الرمزيه حقتها انا بعد التدقيق والاسئله قالت هاذي صديقتي مصورة نفسها في اخر يوم من المراجعه علشان تلفت الانتباة وهي اصلها فلسطيني كأن لاقالت فلسطيني بيهون الموضوع طبعا اخذت لابتوبي ورفضت اعطيها اياه وفهمتها ان البنت مثل القماش الابيض اي تقطه تبين فيه وان الولد يشيل عيبه بمخباته اما البنت عيبها على اهلها قبل نفسها وراحت لامها وقالت خلها تدردش معي بس انا رافضه تماما وحذفت البرنامج ولافكرت في يوم من الايام استخدمه.. ....... بس البنت الا الان تستخدم المسن وكاني مانصحت ومقنعه اهلها انه شي عادي وكل زملاتها عندهم لابتوب خاص وجوال الا هي تستخدم جوال امها ولابتوب عمتها ويعني حتى لو ماتعرفت هي هم عندهم الف طريقه وطريقه لرمي مصائدهم مو لازم يتعرف يمكن يدخل على الابتوب ويستخدم ملفاتها ويتحكم بجهازها يمكن ياخذ صو رتها عن طريق كميرة جهازها نفسه حتى لو مافتحت هي الكميرة ويركب عليها صور مخله وهاذي قصة شفتها ببرنامج 99 وقالتها البنت بنفسها وانه صار يبتزها بعدين.... انتي قولي لها هالكلام واذا مانفع اخذي دليل على كلامك او اخذي لابتوبها وقولي لابوك وخليه يربيها قبل ماتجيب لكم ولها كارثه لان انا استخدمت النصيحه واللين بس مافاد ولما صارحت خالتي عصبت في البدايه بعدين اقنعتها البنت انها ماتسوي شي غلط وانو انا حريصه زياده عن اللزوم