[عبد الله الصالح ,,]

السلام عليكم ..
مساء / صباح الخير ..
****
يابن الشيوخ اللي للامجاد كساب
يفداك ولد اللاش واللي بحدّه
يفداك قلب من عنا الوقت منصاب
اللي على الزلات محدٍ يحدّه
ماغاب من عوّد على الناس ماغـاب
قولٍ قديم نســـــمعه ثم نرده
وش لك برمش من جرح الزمن شاب
ظامي ونون العين بالماء تمدّه
ماغبت لاني أجهل دروب الأحــباب
وماغبت لو ان الجفا طال مدّه
ماشدني كثر المدايح والإعــجاب
وماهمني من صدّ عني و أودّه
أندب على الماضي رثا وافتح كتاب
وابكي ولو الدمع محدٍ يصدّه
جرحي عميق لو تركته ورى الباب
اسمع صدى صوت الهبايب تردّه
اللي يداوي ضيّع اليوم الاطباب
واصبح عمى والطب ماعاد سدّه
قل للعرب مايا ترى بنت الانساب
يشدها المنسب فخر ما تـــــــشدّه
ابوي شيخ للمراجل وأنا اطنـــاب
مثل العــــــمود اللي يعز ونــعدّه
يهابه الشجعان ولايمـــكن يهــاب
في مقبله كالــسيل مــحدٍ بقــــدّه
وياللي تكلمتوا بقفانا بلا أسبــاب
يــاضعفكم يــاصـغركم يامكــدّه
نحفظ كرامتنا عن كل ماشـــاب
نتعب على قولة( نِعمْ )وقت شِده
واليا لقينا من نوده من أصحـاب
نذبـح له الــحايــل ولازم نبــده
والاٌ الردي مسكين عايب وقد خاب
في سلمنا منبوذ مـحد (ن) يعدّه !!
***
الشاعرة / مايا بنت الأجواد ..
الله يذكرها بالخير ..

[مها]

وعليكم السلام ورحمة الله وبركاته
نحفظ كرامتنا عن كل ماشـــاب
نتعب على قولة( نِعمْ )وقت شِده
أبيات جميلة جدا شكرا لكم على حسن الإختيار.

[غيوم ممطره]

أندب على الماضي رثا وافتح كتاب
وابكي ولو الدمع محدٍ يصدّه
جرحي عميق لو تركته ورى الباب
اسمع صدى صوت الهبايب تردّه
اللي يداوي ضيّع اليوم الاطباب
واصبح عمى والطب ماعاد سدّه



آشكــــــرك على ذؤقك العــــــــــآلي,,
الي آتاح لي الفرصه آقراء هاللوحه التي تجسد أبياتها"جرح الزمن على حياتي "
سسلمت يمنــــــــــآك علــى الإختيــــــــــار.

[البركة سليمان]

نحفظ كرامتنا عن كل ماشـــاب
نتعب على قولة( نِعمْ )وقت شِده

هكذا هن بنات العـــــــــرب، وبنات الأصل، من
جذورهن ارتوت من ينابيع ديننا وتعاليمه،
وتغذت من عيون مفاخر العرب وتقاليدهم النبيلة..

شكرا لك أخي الفاضل
وبارك الله فيك.

[اسماء التميمي]

بارك الله فيك..🍁

[عبد الله الصالح ,,]

أخواتي الكريمات / مها , البركة سليمان , غيوم ممطره , اسماء ..
شكراً ع المرورالكريم ..