[أم ميمونه]

بسم الله الرحمن الرحيم

ماذا يفعل من لارغبة له في الحياة حيث لايشعر بأي من مباهجها لا المال يسعده ولا شيء يسعده يرغب فقط في الجلوس وحيدا في غرفته ينتظر الموت يشتاق لاهله الاموات متى سيذهب لهم لايريد الحياة ,,,
كلما قرر ان يبدأ يسوي شيء يفرحه تلاقيه انهاه بسرعه ولايكمل مابدأ
لاتقولوا فليقرأ القرآن ويصلي ويستغفر فهو يقوم بكل هذا ومع ذلك لايرغب في الحياة فما العمل
؟؟؟

[اللهم سهل امري]

انا كنت مثلك
هادا نوع من انواع الاكتئاب
.. بس احنا مفروض لنا عمر نعيشه
وطبعا هادا العمر مو في يدنا في الحياة اشياء كثير اذا سويناها تكون حلوه وتحسي بقيمتك في الحياة
ما اقلك اشغلي نفسك وسلي نفسك لانه اكيد بتملي من هذا الشي
لاكن لازم تدوري لي نشاط بين فتره وفترة تغيريه
مثلا اذا تقدري تزوري ايتام ولا تقدري تساعدي محتاجين ولا اذا يكون لكي هدف وطموح تسعي له
مثلا اذا كانت لكي موهبه او هوايه مثل الشعر او كتابة المقاللات نميها بمشاركتك في مجلات
لكن صدقيني اكثر شي تفرحي منه لما تشوفي فرحه في قلب غيرك انتي السبب فيها والله ماراح تحسي بفرحه اكثر منها ولما تجربي راح تعرفي
واحسبي انك كل ما خليتي انسان يفرح ربنا راح يرضيكي

[أم ميمونه]

اللهم سهل لي امري ,, اشكرك على تفاعلك مع موضوعي ظروفي ماتخليني اقدر اطلع من البيت الا بصعوبة ماعندي وسيلة مواصلات وعندي ولد معاق وكل شيء احبه ماصار له طعم احب القراءة وعندي مكتبة كبيرة واشتري دائما كتب ولكن اذا قرأت صفحات منها لااكملها ... رجعت لهواية الرسم اشتريت متطلباته وبدأت ارسم لقيت نفسي وقفت في منتصف الطريق ... بديت اسوي رياضة لان جسمي تصلب من كثرة الجلوس اسبوع وماقدرت اكمل ادور اعذار ... استخدمت حبوب الاكتئاب لقيت نفسي بنام وبدأ وزني يزيد فوقفتها مابي زيادة وزن ... تعبت والمشكلة اني مو قادرة اعطي ابنائي اهتمام لاني احس نفسي ميته كيف بعتني بغيري وانا اصلا ميته ؟

[toto8]

يالله ما أدري اسلي نفسي ولا اجلس اسليك احيانا نحس بصعوبة في رسم التفاؤل للناس وكاننا لا نعاني من احباط وياس
وكل شيء في الحياة لو مو مثلك انا فانا اكثر منك

لكن ممكن اقولك انا احسن منك في شي الي هو الرقية الشرعية من جد اسمع عنها كثيييييييييييير لكن وبديت استخدمها

مالقيت مفعول ولكن ربي يحبنا وهو الحين يقربنا منه وسهل علينا طرق تعينا على هذا فسقطت عيني يوم عن قراة الرقية بدون تدبر

لا تنفععععععععععععععع ابد فجرت اقراها امس بتدبر مع النفث المستمر فوالله اني بعدها احسست بكابة ربي العالم عنها

ودموع تتساقط ولكن لا احب ان اشارك اهلي همومي

والأهم من ذلك ان هذه الرقية بدات تاتي بالمفعول لانها مع تدبر الرساله التي احببت توصيلها عليك بالرقية مع التدبر والنفث وسوق يتغير لكن اقول لك نسبة بسيطة ولكن راح تشووووفين انقلاب احوال للافضل ان شاء الله

ربي يبعد عني وعنك كل ضيقة

خلينا نجرب قيام الليل وادعي لي وبادعي لك ان ربي يبهج نفسك

[اللهم سهل امري]

اعرف هادا الاحساس والله
بس لو حطيتي لنفسك هذف تبغي تحققيه راح تلاقي نفسك تسعي عشانه
تعرفي انه انا مريت في فترة حسيت الدنيا كلها سوداء ما اعرف ليش انا عايشه ولا ايش ابغا من الحياة ولا في شي في الحياة ابغاه ولا له طعم ولا قيمه وانه ما اقدر اسوي شي ولا مالي داعي وانه مشاكل في كل مكان وحاولت انتحر كنت مجنونه من كثر ما صلت من درجه الاكتئاب قعدت افكر ما دام اني ما مت معناته ربنا كاتب لي العمر اعيش
لاكن في الكليه شخص واحد ساعدني بدون ما يعرف وانا انتظر اليوم الي اقدر اشكره فيها
شخص ما اعرفه الا من خلال طموحه وعمله وارادته ما يقول ما اقدر اسوي شي يسعى بكل جهده.. ويدور ويشق الطريق حتى لو قدامه شي يعوقه ما يمل وصارت كل الناس تقدر مواقفه .. صرت احاول اقتدي فيه ادور لي طموح وهدف ..
انتي مدام تقرأي في الكتب اكيد عندك خلفية كبيره وثقافه ماهي عند احد .. استغلي هذا الشي
ادخلي في الصحافه ابرزي نفسك يمكن من وراها تقدري تجيبي سواق وسياره ويصير هاذا شغلك
ولو في احد يساعدك في انه يكون حلقة وصل بينك وبين احد الصحف يكون كويس او حتى انك تبيعي لوحاتك احد يساعدك في بيعها اذا كان من صديقاتك ولا احد من اقاربك
انا ماشاء الله استغليت موهبتي في كتابه الشعر وباذن الله متحمسه اني ياارب انجح في الشي الي ابغاه
اتغيرت فكرتي تماما .. قلت مدامت لي حياة لازم اغير نفسي قبل ما احاول اغير شي حوليني
لو انتي تبغي تحسي بحلى الحياة تقدري لما تفكري في الجوانب الاجابيه الي فيها حسي الجمال من داخلك وحسي الفرح من داخلك حتى لو مافي شي يفرح انتي ازرعي الفرح فيكي من لا شي .. لما تفكري قد ايش عندك قدرات تقدري تسخريها بدال ما تدفنيها

ابغا اساعدك لاني اعرف كويس الي انتي حاسة فيه انا مريت فيه وقدرت اغير من نفسي بنفسي وبدون ما اروح عند دكتور الحمد لله

[toto8]

ساعديني انا بعد فأنا أحلامي ضيعتني أحس انوو يعني صرت أصدق الأحلام مرا والي راح يحصلي

[اللهم سهل امري]

اوك يا قلبي اكتبي لك موضوع وراح احاول اساعدك واقلك شي عشان ما نسوي زحمة مع صاحبة الموضوع
:)

[أم ميمونه]

اخواتي الحبيبات في البداية لامانع ان نتشارك موضوع واحد فلعل كلمة من هنا او من هناك تساعدنا ان نتخطى ما نحن فيه كما انني اصبحت مثل الاخت توتو متعلقة ايضا في الله ثم في الاحلام انتظر البشارة من اي رؤيا اراها وحتى اني اتصل بأختي كل يوم الصباح حتى اسألها ها حلمتي شيء حلو يفرح ؟؟

اللهم سهل امري ,, نصائحك غالية وثمينة اقول لك تجربتي مرات اقنع نفسي ان مافي شيء يستاهل في الدنيا الزعل وتصير معنوياتي عالية فوووق لكن في لحظة القى نفسي رجعت للخلف الف خطوة وخصوصا فترة العصر فهي فترة كئيبة جدااا عندي لا ادري لماذا .؟



الاخت توتو انا ولله الحمد استمع كثير للقرآن واقرأ القرأن فهو ملجئي الوحيد حينما تتكالب علي الاحزان ففي قراءته راحة عظيمة ولقد جربت قبل فترة قيام الليل وسبحان الله لو اقول لك وجهي قسما بالله اصبح منور سبحان الله بنتي تسألني انتي اش سويتي لوجهك كريم تبيض قلت لا والله الا قيام الليل وكثرة اللجوء للصلاة والسجود ,,,
ان شاء الله ارجع لهم ثاني لاني بحاجة لقيام الليل ففيها راحتي واطمئناني ,,,


أسأل الله العلي القدير أن يفرج همومنا وغمومنا وكرباتنا ويجعل لنا من كل ضيق مخرجا ,,,

[اللهم سهل امري]

فتره العصر غالبا تكون كئيبه اذا ما اوجدتي فيها شي حلو
انا كنت لما اقعد لحالي فتره العصر مافي شي اسويه ملل
بس الي صرنا نسويه كل عصريه نسوي كيكات وشاهي ونجلس انا واخواتي نضحك ونتكلم ونقضي الوقت والمغرب خلاص كل واحد يقرا قران او يشوف له شي
يعني حاولي تستغلي العصر في انك تسوي شي حلا او كيكه وتجمعي اولادك وتحكيلهم وهم كمان يحكولك حتى لو من خيالهم راح انتي تنبسطي وكمان اولادك وراح يحسو بالترتبط بينكم

[أبعـــاد]

فترة العصر وما أدراك مافترة العصر أعاننا الله ..

بالطبع قد سئمت من النصائح المتكررة مع إني أجدها هي النافعة المجدية وفيها خيري الدنيا والآخرة

ولكن نصيحتي لك سأضع لك برنامجاً لو إتبعتيه قد تجدين تحسن ونشاط في جسمك ..

بعد أن تصلي العصر أجعلي لك بعدها نصف ساعة لله تقرأين فيها الرقية الشرعية مع النفث وأذكار المساء مع وردك من القرآن الكريم ..

بعد ذلك أخرجي من المنزل للقيام برياضة المشي والآن ماشاء الله العالم آمان يعني إجعليها نصف ساعة في هذا الوقت إستغليها بالإستغفار والصلاة على النبي صلى الله عليه وسلم

تعودين بعد ذلك للمنزل تأخذين دش بارد ستخرجين منه منتعشة جداً بعدها أشربي كأساً من الشاي الأخضر مهدأ للمعدة والأعصاب على برنامج في التلفزيون كلها كم من وقت وتجدين أن المغرب قد أذن

وبإذن الله ستجدين نشاط وحيوية وكسر للروتين ......

لو كان لديك جيران ممكن أن تضعوا جدول للزيارة تضعون في كل مرة الزيارة لبيت واحدة من النساء الخروج من البيت والحركة تنسي الإنسان همومه لأن الذي يتعبنا إنغلاقنا حول إنفسنا وأهلكنا كثرة التفكير

أتمنى من أعماق قلبي أني قد أفدتك ولا أرجو إلا الدعاء ثم الدعاء منك ..

وفقك الله تعالى وفرج همك .