[محبة الدين]

مساء الخير للجميع
اخباركم ان شالله بخير


جايبتلكم خلطه للشعر وش اقول صراحه يعجز لساني عن الوصف
قبل كان شعري يتساقط بشده وصار شعري خفيف مع انه ولله الحمد مو قصير طويل شوي بس وش الفايده من الطول لاصار خفيف ومافيه حيويه




واستخدمت هالخلطه مرتين بس والحمد لله بسم الله علي خمسه وخميسه
على شعري وقف التساقط وحسيت بفرق بالطول


خلطه جدا سهله واعتقد متوفره عند الكل

وانا بصراحه تعبت وانا اتنقل بالمنتديات وابحث عن خلطات للشعر وناس تمدح وناس تسب وماادري وين الصدق كل وحده تمدح خلطه وحنا يالله طيران نجيبه ونستخدمه يوم ونتركها ونبي شعورنا تطول

وانا مااايد كثره الزيوت يعني خلطه مكونه من اكثر نوع من الزيوت وكلها تنحط على الشعر ليش هالكلافه الواحد يثبت على نوع واحد وكثرة الزيوت تطيح الشعر
المهم ياكثرررررررررررر هرجي
ههههههههه


ماراح اقول سر جمال شعري الا لما اشوف تفاعلكم مع الموضوع

وابغي دعوه من قلب فأنا في ضيق لايعلمه الا الله
اللهم انصرني وفرج همي ورد لي ابنائي وسخر لي طليقي ياارحم الراحمين
اللهم امين

[ورده الكون]

افاااا تحمست مره انا وابغى اشوف الخلطه ...

حطي لنا الخلطه جزاك الله خير

حتى انا شعر يتناثر بكل مكان بالبيت وانا توني عروس مالي شهرين حرام يخرب شعري :(

[كنان2]

يالله قولي ربي يبارك بعمرك ويفتحها عليك ننتظرك..

[TO TO TO]

وايش الفايدة تحطي شي ماهو لله 000000يعني بمقابل 00000000خصوصا في هذا المنتدى لو قلتي ادعولي ساده وبدون مقدمات 0000كان انهالت عليكي الدعوات الله يهديكي 00هذي الحركة ماهي تمام00000المهم الله يفرجها عليكي من اوسع ابوابه

[ربي نور دربي]

الله يسامحك شوقتيني
والله انا شعري جدا تعب من الاستشوار والشمس
الله يسعدك اكتبي الوصفه

[زهر النرجس]

جاري انتظار الخلطة....
جزاك الله خير

[سوووووومه]

ياويلك من كثر الدعوات اللي بتنكت عليك لو ماتحطين الخلطه

[صمتي وفاء]

المشاركة الأصلية كتبت بواسطة TO TO TO وايش الفايدة تحطي شي ماهو لله 000000يعني بمقابل 00000000خصوصا في هذا المنتدى لو قلتي ادعولي ساده وبدون مقدمات 0000كان انهالت عليكي الدعوات الله يهديكي 00هذي الحركة ماهي تمام00000المهم الله يفرجها عليكي من اوسع ابوابه

كلامك صحيح.....
بإبنتظار الخلطه!!

[محبة الدين]

المشاركة الأصلية كتبت بواسطة TO TO TO وايش الفايدة تحطي شي ماهو لله 000000يعني بمقابل 00000000خصوصا في هذا المنتدى لو قلتي ادعولي ساده وبدون مقدمات 0000كان انهالت عليكي الدعوات الله يهديكي 00هذي الحركة ماهي تمام00000المهم الله يفرجها عليكي من اوسع ابوابه

اول شي اشكركم على تفاعلكم وردا للاخت toto انا ماقلت ماراح احط الخلطه الا لما تدعون لي لو رجعتي لكلامي راح تلاقين اني قلت ماراح انزلها الا لما اشوف تفاعلكم للموضوع
وبعدين اذا اعجبتكم الخلطه ادعولي
وكمان الدعوات تراها لوجه الله واذا انتي مستخسره الدعوه ماغصبتك عليها خليها لك
وكمان انا مااحب الردود هذي وخصوصا في هذا المنتدى وبالنسبه لكلامك احب الفت انتباهك بشغله انه انا ماابغي مقابل لخلطتي مع انه سياسة المنتدى فيها اشتراكات ماديه وتفسير بمقابل بس انا ابي دعوه من قلب هذا يكفيني
آسفه على الاطاله بس ردك نرفزني

[محبة الدين]

عدنا........

آسفه على التأخير انشغلت ورجعت اكتب لكم الوصفه


تصدقون ان شعري نبت نبت جديد بمنابت الشعر فوق الجبهه بالغره والله ماابالغ
المهم اكيد تبون الخلطه وعلى اعصابكم
راح اكتب الخلطه بس مو تقولون وووع اوريحه او مستحيل احطه اللي تبي الزين تجربه

الخلطه عباره عن :
زيت السمسم الاصلي وفص كامل ثوم وبس
انا حطيت عشر حبات ثوم يعني فص كامل مقطعتها ارباع على تقريبا نصف قاروره الماء الكبيره زيت سمسم
تتركينها عشر ايام لحتى تتفاعل ويبدا مفعولها وبعدين تزيتين شعرك بالليل وتلفين عليه فوطه وتنامين فيه وتغسلينه من بكرى طبعا انا ماانتظرته عشر ايام استخدمته من بكرى وحده مستعجله ههههههه
ازيته وافرك راسي بحبات الثوم الموجوده راح تحسين بحراره وكأن شي يمشي براسك بس لاتخافين هذي الدوره الدمويه بدت تتحرك وهذا دليل انه شعرك استجاب للخلطه

طبعا تستخدمينه مرتين بالاسبوع وانا الحين صرت استخدمها كل يومين فرحانه بالنتيجه وابي شعري يطول زياده
يعني بجد روووعه التساقط صار طبيعي وشعري صار ناعم واحس بكثافه وغير كذا صراحه بديت استحي من النبت الجديد لانه مخرب شكلي وصرت استخدمه كل يومين عشان يطول النبت مع شعري والحمد لله نتيجه خياااال
ارجو ان تكونو استفدتو من الخلطه وابي رايكم

ملاحظه
ترى الريحه تروح بالغسيل بالشامبو يعني ماتخافو من الريحه

هاااااه وش رايكم بالخلطه ابغاكم تجربونها عشان تصدقوني

ودمتم