[ميم سين]

قرأت قصص عن الصدق وانه ينجي صاحبه
وكان الامر بالنسبة لي عبرة ولم يخطر ببالي يوما ان يحدث لي
ماحدث
هذا ياسادة ياكرام في يوم من ايامي في الجامعة تغيبت عن دخول اختبار
والسبب اني كنت في حالة نفسية سيئة استعنت بالله حاولت ان اضغط على نفسي واذاكر
ماقدرت اكتفيت بالسماع لقراءة بصوت الشيخ عبدالرحمن السديس اثابه الله
طبعا انا مارحت للطبيب ولا جبت عذر بالرغم ان البنات كانو يشترو الاعذار من اي مستشفى خاص
المهم كنت موقنة ان الاستاذة ماراح تعيد لي الاختبار لان مالي عذر..............بس اللي غير رايي
وحدة من صحباتي راحت للاستاذة وطلبت منها تختبرها لانها كانت غايبة بعذر ووافقت الاستاذة
بدون ماتشوف اوراق صاحبتي
رحت وتشجعت وطلبت من الاستاذة انها تختبرني معاها بس انا طلبت مني اوراق العذر
قلتلها انا يااستاذة مارحت للطبيب وليلة الاختبار كنت تعبانة نفسيا والله ماقدرت اذاكر
وانتي عارفة انو فيه بنات تشتري العذر وانا والله ماودي اكذب عليك لأن( الصدق منجاة)
حاولت وانا اترجاها واستعطفها ولا رضيت
وصاحبتي دخلت الاختبار والاستاذة المكلفة باختبارها سألتها عني واخبرتها ان استاذة المادة وضعت لي ورقة اختبار
بعد ماخلصت صاحبتي اختبارها اخبرتني بماحصل
الصراحة عزت عليه نفسي وسوء تصرفها معاية وقلت ماراح ادخل اختبار نهائي
لأني جبت في اختبار الدوري الاول 6.5 من 20
وانحرمت من الدوري الثاني ولا اخفيكم ان المادة صعبة جدا واعرف بنات عادوها اربع مرات
والحقيقة خفت اقول لامي خايفة على زعلها..............(الله يحفظها تعبت معايه كثير)
المهم الناس اختبروا وخلصو وانا متحسرة على المادة اللي انحسبت علي مادة
لما طلعت النتايج رحت ادور موادي واشوف البنات متجمعين على مادتي اللي مادخلت اختبارها
وقفت معاهم وانا اسأل نفسي ايش راح تكتب لي محروم ولا غياب
ودي اطال وانا قلبي يوجعني على النتيجة وفي شي داخلي يقول روحي شوفي اسمك
لما طالعت قمت اغمض وافتح

يالله درجتي 65

نااااااااااااااااااااجحة
ياقدرة الله ماصدقت ماتكلمت ماقلت لزميلاتي ماودي افرح
احس اني غلطانة
جا على بالي اقول للاستاذة تراك نسيتي الفاصلة
بدل ماتكتب درجتي النهائية 6,5 كتبتها 65 وبعد خمسةوستون فقط
قعدت اضحك ضحك اخذت كم يوم وانا مذهولة وارجع اقول
راح تعدلها وتغير النتيجة
ولا صدقت بنتيجتي غير لما طلعت في سجلي الاكاديمي
وافتكرت اني اردت الصدق مع الله
مع ان ورقةبي 30 ريال تخليني ادخل اختبار
الحمدلله على الصدق
نحجت بدون اختبار عقبال كل الطلاب ههههههههههههههه

[دموع تبتسم]

مبروك عليج اختي

وربي يجعلنا من الصادقات في الدنيا والأخرة ومع الناس ومع أنفسنا يااااارب

دعواتي لج ربي يوفقج ان شاءالله وييسر دربج وأمورج

[ميم سين]

يسلم قلبك يادموووووووع
وجعل ايامك كلها سعادة
والف شكر عالمرور

[وفااا]

.
.
اللـــه أكبـــر .. اللــه أكبـــر ..

مبــروكـ عليــك النجـاح الســاحـق .. ربـكـ عـوضــكـ

وشكلـي بطـبق اللـي سـويتـه .. عنـدي اختبـار ولا لـي مـزاج أدرس .. يمكـن تصيـب معـي

هـااا شــرايـكـ ؟؟

ربـي يحفظـك ويـوفقـك ويسخـر لـك خلقــه
.
.

[ميم سين]

المشاركة الأصلية كتبت بواسطة وفااا . . اللـــه أكبـــر .. اللــه أكبـــر .. مبــروكـ عليــك النجـاح الســاحـق .. ربـكـ عـوضــكـ وشكلـي بطـبق اللـي سـويتـه .. عنـدي اختبـار ولا لـي مـزاج أدرس .. يمكـن تصيـب معـي هـااا شــرايـكـ ؟؟ ربـي يحفظـك ويـوفقـك ويسخـر لـك خلقــه . .

الله يحفظك ياوفااا بس انتبهي اذا رسبتي مالي شغل ههههه
اقول ذاكري مزبوط ازين لك وازين لي وازين لنا كلنا
تشرفت بمرورك