[وفااا]

هنا فقط بيـنـ أحرفـ الـ صــانع × أحمــــد × / الشاعر المبدع ,,
أجدني ...
أرى الأبداع كطفل اود تقيبل .. عيــنيه .. !
لأنـــه .. يضم // شــاعر ,, لاأجد له أحرف تليق بــه .. ! وبــ فكره .. !
اترككم .. لتتأملوا .. روعتة / !

جاني واحد قال : بسـأل كـم سـؤال
وقبل يسأل قلت : أنا مانـي خبيـر !
قال: جاوب بس , يـا ولـد الحـلال
وكل كلمه حِطَّهَـا .. بشطـرٍ صغيـر
قال نبدي : شنهو تعريف المُحَـال..؟
قلت : خَل هالكلمه ف الشطر الأخير ..!
القهر : إن شفـت دمعـات الرجـال
والوطن : ( إنسان ) .. مِتغيِّر كثيـر
والطفل : لعبه علـى شاطـي الرمـال
والأمل : إحساس في عيـن الضريـر
الوفا : [ قلبين ] .. يجمَعهُـم حـلال
والرَجُل : اللـي علـى أهلـه يغيـر
والرجـا : لا قلـت : للواطـي تعـال
والفشل : مـدري .. ولكنـه مريـر
والشعر : في وقتنا .. بـدر وطـلال
زين وأوَّل : حيل يعجبني جريـر ..!
والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر
والجفا : إعكس مفاهيـم / الوصـال
والوَصِل : يعنـي تأكَّـد فيـك خيـر
والعقـل : تِسْفَـه أقاويـل الجـهـال
والجهل : إن قلت عن نفسـك كبيـر
والخطر : لا صار مـا عنـدك مجـال
والبلا : إن صـرت معـدوم الضميـر
والعجب : لا صرت تسأل منهـو قـال
والتعب : إن كنت تِبْحَثْ عن مصيـر
الغنى : بالنفس مـا هـو راس مـال
والفقر : من كان .. بأعمالـه فقيـر
يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر
ما أبي تضرب لي في غيـرك مثـال
قول : عنِّك وإعتبر سِـرِّك فـي بيـر
جات طعنـه مِـن جنوبـك والشمـال
يعني وضعِك بين مِن حُولـك خطيـر
صاحبـي وإن ضاقـت بعينـك ليـال
لك فرشت القلـب مفـروش الحريـر
في [ بلاد الحلـم ].. ممنـوع العقـال
والمصيبه الشعب مـا إختـار الأميـر
وما ألومك .. كـان شدِّيـت الرحـال
دام بيتك جـرح / وفراشـك حصيـر
هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر ..!


* لو كنت رجل / لرفعت العقال / احتراما لحرفه ^_^ .. ! *

احتــرامــي..

[غفا]

وفاا الغاليه
أهنيك على ذوقك العالي،...فأنتي دائما تبهرينا بقصائد أقرأها لأول مره..


مدهش هذا الشاعر، وواضح أنه ينطق عن ألم وعن شعور صادق



وفاا ...دمتي لنا يامبدعة المنتدى الشعري.

[مها]

والعقـل : تِسْفَـه أقاويـل الجـهـال
والجهل : إن قلت عن نفسـك كبيـر

ابيااات تكتب بماء الذهب مبدعه ياااااوفااااا شكرا لك على حسن الاختياااار

سلمت يدااااك وصح لساااان الشاااعر ولاعدمنااااك .....

تحياااااتي ....

مـــهـــا....

[وفااا]

غــاليتــي..
غــفــــــا ... مهـــــــا ..

تسعــدنـي معــانقــتكــمــا .. فــي متصــفــحي المتــواضـــع ..

سعــدت بــردكمــا .. وفــرحـت لأن القصيـده .. أشبعــت ذائقتــكــم المميــــزة ..

شكــرا لكــمـا ..

تقبــلوا صــادق ودي ..
..

[مافي مني]

هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر




رائـــــــــــــــــــــــــع بــــــــقمه روعتــــــــــــك


اختيار من مبدعــــه

[وفااا]

المشاركة الأصلية كتبت بواسطة مافي مني هـذا تعريفـي إلـى كلمـة : مُحَـال شيء ودِّك فيه ولا يمكـن يصيـر رائـــــــــــــــــــــــــع بــــــــقمه روعتــــــــــــك اختيار من مبدعــــه

..الأروع والأجمــل مــرورك .. أختــي الغــاليــه .. مـافـي مـنـك ..

أسعـدنـي إطــرائــك ..

شكــرا لـك..