[هدى وهداية]

السلام عليكم ورحمة الله وبركاته


افتح شبابيك الأمل للحلم فالفجر الجديد
لو اكثر احلامي تلوح للفراق كفوفها


وقفت يا أسراب التمني شوق في يوم الوعيد
وان طفتني ياحلم. ظلم النفس كيف تطوفها

اطلع بشي من الطموح يبدده حظ” عنيد
وانا اتعذر له واقوله خلها بظروفها

لي قلب لو يصبر ترى ماهو على الشده شديد
ولي روح من سود الليالي يعتريها خوفها

استمطر الآلهام من غيم القوافي في القصيد
ويمطر عليه من جزال المفردات حروفها

والحرف شمعه للأمل .والحظ ياأحلامي جليد
وشمس الحقيقه قبل غيبتها قريت كسوفها

ويبقى الأمل لو ضربة ايامي مقامع من حديد
واخذ دروس الوقت لو شدت علي من جوفها

ويبقى طموحي فوق والهمه على القاسي رصيد
والعين نظرتها على الكايد تعدى شوفها

ياحلم لك قصه معي بس النهايه مستفيد
اطرد ورى شفي .وخلق الله تشوف شفوفها

وانحت من أبياتي قصيد يصحي الحظ البليد
تشوفها واشوفها والمسلمين تشوفها


الشاعر / محمد بن عويد المطرفي