[سنا الفضه 2]

السلام عليكم ورحمة الله وبركاته
اتمنى تكونوا بأفضل حال
بعد انقطاع 3 سنين انا موجوده بينكم بس هالمره بخبر حلو ابشركم بعد غربه 4 سنين نقلت نهاية شعبان اي انا نقلت بعد تعب نفسي وجسدي الله مني علي بالنقل ماكذب عليكم الغربه صعبه للبنت صعبه كثير بس الحمدلله كل ماكنت اقرب انهار واقول خلاص بترك الوظيفه ارجع اقول يارب صبرني ماكان يعدي علي يوم من غير ماكنت ابكي واشتاق لاهلي تعبت ننفسيا لدرجه اني ماكنت اقدر انزل لاهلي كل اسبووع لاني تعبت من الباص والطريق الطريق مو راضي يقصر بعيني تعبت نفسيا لدرجة اني ماكنت اقدر اكلم اهلي كل يوم انعزلت عن الناس مابي اجيب الطاقه السلبيه لاحد سبحان الله طحت في منطقه اهلها كرهوني في العمل وفيهم مرات كثير كنت افكر انتحر من ضغوط العمل والغربه لدرجة اني راجعت عياده نفسيه السبب اني بنت مو اجتماعيه عالمي كله امي واخواتي وفجأه توظفت وبعدت عن اهلي فجأه تعرفت على العالم الخارجي انصدمت كثير من الوواقع بس الحمدلله ماتوقعت ابد اني في يوم بنقل كنت اشوف البنات ينقلون واقول يارب وانا متى وتتأزم نفسيتي وابكي بكاء مو طبيعي كنت يائسه اني انقل بسبب انه مافي ارقام وظيفيه كل ماراجعت الوزاره يقولون مافي استني احد يتقاعد تعبت تعبت وكان التكليف على الكيف من تحت لتحت الله يجازيهم طبعا انا ماخليت باب مادقيته من امير منطقه لديوان ملكي لاعلام لديوان مظالم فعلا تعبت تعبت الين في يوم من ايام نهايه شعبان اتصلو علي الوو فلانه جاك قرار نقل هالكلام الصباح وانا نايمه حسبتهم يستتهبلون انا عارفه مافي ارقام اقول للرجال لاتستهبل هالامور مافيها مزح قال والله جاك قرار نقل باقي التواقيع ماتتخيلون بغى قلبي يوقف دخلت في نوبة بكاء هستيريه مو مصدقه بعد اربع سنين انا انقل من يوم توظفت وانا احلم بهالحظه واتخيل الساعه اللي اخذ اغراضي فيها وارجع عند اهلي طبعا نقلي جاء عن طريق الظروف الخاصه ووالحمد لله الحمدلله الحمدلله صبرت ونولت واللحين انا بينكم بس يبي لي فتره لين ذهني يصفى من اللي شفته ونفسيتي ترتاح طبعا وبس هذا سبب غيابي ,,
ربي لك الحمد انك على كل شيء قدير

[النجمه المضيئه]

وعليكم السلام ورحمة الله وبركاته
حياك اختي
والحمدلله ع السلامه

[ريحانة الوجود]

حياكِ الله والحمدلله على السلامة والعودة والله يباركِ لكِ ويسهل أمركِ حياك الله

[هدى وهداية]

مرحبا بعودتك سنا الفضة وحياك الله بينا
الحمد لله على الفرج بعد الشده
وفقك الله

[البركة سليمان]

حمدا لله على سلامتك يا سنا الفضة،
وأهلا بعودتك.....

نسأل الله العلي العظيم أن يمن عليك بالصحة والعافية.

[Malqana aljanat]

الحمد لله على سلامتك وربنا كريم سبحانه
الله يسعدك ويهنيك بين احبابك

[وريف..]

وانا افكر بالغربه مثلك ناويه اخذ منطقه بعيده بس خوفي من الغربه وانا مثلك بس مع اهلي ما اختلط كثير لكن خيره ماتم تعييني علي الرغم من ان نقاطي تعدت نقاط المفاضله الي موقفين عندها بس ممكن النقاط واصله مناطق ثانيه ..
الان اتوقع سنتين لايتم النقل واسمع قص كثير بالطرقات واحنا نببحث عن رزقنا ايش راح نعمل علي الله توكلنا…

[(المنـال)]

الف حمدلله على سلامتك ،، وعسى صبرك يكن سبب لدخولك الجنة ، والصبر ثوابه الجنة
والله يهنيك ويسعدك بباقي حياتك ،،

[مها]

وعليكم السلام ورحمة الله وبركاته
الحمد لله على سلامتك ومبارك عليك النقل وأسأل الله لك التوفيق.

[shahla]

الحمد لله على السلامه