[غيوم ممطره]

السلام عليكم ورحمة الله وبركاته

دنيا تقلب يكفي الله بلاها

ياصاحبي الدنيا حكايات وعلوم..
قصص عجيبة تذهل الي قراها..

الدنيا لو تضحك معك دايم الدوم..
خلك فطين ولايهمك رضاها..

كم واحد تبنى له أمال وحلوم..
يفني وغيره يهتني في بناها..

ياما أفرحت قوم وأحزنت قوم..
وكم أعشقت عين وخانت غلاها..

ياصاحبي شفت أمس شف حالنا اليوم..
دنيا تقلب يكفي الله بلاها..

اليوم لامنه بغت عيني النوم..
تنكدت روحي وعافت كراها..

ماكل من علا بالأصوات مفهوم..
وماكل روح تلتقي في مناها..

وماكل من يشكي معذب ومحروم..
وماكل من يضحك همومه نساها..

بحر الحياه إن صرت ماتعـرف العوم..
يرميك في غبه بعيده مداها..

من راح يستسلم من أحزان وهموم..
يموت حي وحاجته ماقضاها..

واجه هبوب الوقت بإيمان وعزوم..
لابد ما ربك يهدي هواها..

وأصبر إذا شمسك حجب نورها غيوم..
الغيم بتفرق ويشرق سناها...

لامست ذائقتي.

[عبد الله الصالح ,,]

بحر الحياه إن صرت ماتعـرف العوم..
يرميك في غبه بعيده مداها..

من راح يستسلم من أحزان وهموم..
يموت حي وحاجته ما قضاها..
واجه هبوب الوقت بإيمان وعزوم..
لابد ما ربك يهدي هواها..
وأصبر إذا شمسك حجب نورها غيوم..
الغيم بتفرق ويشرق سناها...

أبيات فيها حكمة وتفاؤل ..

شكراً أختي / غيوم ممطره ..