[الله اكبر سبحانه]

السلام عليكم ورحمة الله وبركاته
السلام عليكم يا بنات ورحمة الله وبركاته
كلنا نعلم انه الغيبة حرام، والمصيبة بالغيبة انها تفني الحسنات، فالانسان الذي تستغيبه يأخد حسناتك
يعني انا لو استغبت جارتي التي اكرهها فانها تأخذ حسناتي، وبالرغم من اني اكرهها إلا اني اعطيها اغلى ما املك، أعطيها ذخيرتي ليوم القيامة، اعطيها حسناتي التي ستدخلني الجنة
فلذلك الانسان الذي يغتاب وان كان مظلوما فقد يظلم نفسه بزيادة ، عندما يغتاب الشخص الذي ظلمه، لان الشخص الذي ظلمه سيأخذ حسنات المغتاب
يارب اجرنا من الاستغابة يارب
انا يا بنات طالبة منكم مشاركات انكم تفتحولنا مواضيع نحكيها في جلساتنا النسائية غير انه نجيب سيرة الناس والعالم
يعني بصراحة احنا كلنا بنروح فطورات وجمعات وقعدات مع صاحباتنا وقرايبنا واهلنا ومش معقول انضلنا ساكتين ما نحكي اي اشي ، يعني اكيد القعدة ما بتكون كلها استغابة بس لا ارادي الانسان من حكي لحكي حتى لو ما بدو يستغيب او يجيب سيرة حد، لا ارادي الا يحكي ( الله يهدينا يارب) فعلشان هيك خلينا نتعاون ونتساعد في انه نحد من الغيبة وان شالله يكون بميزان حسناتنا ونستفيد كلنا ياااااااااااااااااااارب


اول اشي انا رح أبدا

مثلا بالجمعات ممكن نجيب سيرة الجو، يعني نحكي عنجد انه الجو شوب، او انه الجو برد، ونفتح موضوع عن الجو ونحكي فيه
او ممكن نجيب سيرة انه نزلت على السوق وانه كل اشي غلي واني مثلا اشتريت ملابس من محل رخيص وانه صاحب المحل شخص محترم وهيك اشي يعني المهم نفتح مواضيع
ما بعرف ازا فهمتو شو اصدي وازا قدرت اوصللكم فكرة الموضوع اللي انا طرحته
واكيد في بنات رح يحكولي بدل ما نحكي حكي تافه، لازم بقعداتنا انه نذكر الله وفقط، والله انه لازم هيك نعمل، بس والله انه مش كل الجمعات بيتقبلوا هالحكي، يعني بدي نحكي عن الجمعات اللي بتصير بمجتمعنا ، اللي بنجيب فيها ذكر الله ، لكن ما بتكون القعدة كلها عن ذكر الله فقط، بيفوت فيها أحاديث تانية ومختلفة

اذا عجبكم الموضوع ارفعوه وساعدوني وساعدوا نفسكم بافكار لحتى نترك الغيبة ونمحيها تماما من حياتنا
يعني اعطوني مواضيع ممكن نفتحها اثناء الجلسات
يعني عن شو نحكي
وبصراحة بنفس الوقت رح نستفيد انه نكون بنات اجتماعيات بدون ما نغضب ربنا، وشككككككرا

[راسيل الجزائر]

وعليكم السلام ورحمة الله وبركاته والله غير انا متلك فيه شخص يظلم فينا انا وامي هبلتنا عقولنا كنا ما نتكلم على ناس وحتى ونتكلم نتفكرو خلاص نتوقفو بس هدي مخلوقة ما خلاتنا عقولنا ترتاح ربي يهدينا ويهديهم يارب في الشهر الفضيل هدا