[miss * meme]

يلعن أمك صآرت مدحه

بصراحه هالموضوع شدني واحنا غافلين عنه من جد ..
ما تلاحظون إن كلمة
[ يلعن أمك ]
إنتشرت إنتشار غريب و مريب ..
وصار اللي يقولها عااادي جدآ .. كانه قايل
[ السلام عليكم] .!
و الأغرب إن اللي تنقال له عادي عنده ..!!
كيف ترضى على أمك ؟! و ليش ؟!
و حتى بعض البنات اللحين بالعكس صارت
عندهم يلعن أمك مدحه ..!!
أو هذا تعبير عن الحماس في سالفة ما !
مثلآ ..
يجي واحد يقول : والله أمس سويت كذا وسويت كذا ..
يجي الثاني يقول : يلعن أمك ياشيخ ..!!
و إذا قال له
[ يلعن أمك ]
مدّ هالخشه شبرين كأنه قايل له شعر يمدحه ..!
و إلاّ بعض الشباب .. واحد يسأل الثاني :
وش رايك باللاعب الفلاني ..؟
يقول : يلعن أمممممممممه يلعب من جد ..!
طيب أبي أفهم .. وش دخل أمه
بالموضوع ..؟!

للأسف الشديد إن الكلمة هذي منتشره عندنا إنتشار كبير ..
و الآن حاصله مع الشباب في جلساتهم ..
فلان: وينك أمس يلعن أمك ؟
علان: أبد رحت مع فلان الله يلعن أمه .
فلان: ليه ماقلتلي إنك بتروح معه الله يلعن أمك أنت ويّاه ؟
علان: وش دراني إنك بتروح يلعن أمك !
فلان: ههههههههههههههههه .
علان: هههههههههااااااااي .
ولا كأنه صار شي !!

وللأسف إنها تقريبآ أكثر كلمة تنقال هالأيام واكثر شي عند الشباب..
وكم واحد تسأله عن هالكلمه .. بيقول لك : صارت عاده ..!
هذا جواب اقبح من ذنب ..
مافيه شي تتعود عليه وإنت تدري انه موب زين ولا تقدر تخليه ..!
يمكن إنت تغفل أو تتغافل عن الذنب اللي تحصله من هالكلمة ..!
بس لا تنسى و إنت تقول هالكلمة أنك تسوي شيء من الكبائر ..
أنت تخيلت معي ..؟!
كبائر الذنوب ..!!
صحّ عنه صلى الله عليه وسلم أنه قال
{ من الكبائر شتم الرجل والديه ,
قالوا : يا رسول الله وهل يشتم الرجل والديه ؟
قال : نعم , يسب أبا الرجل فيسب أباه ويسب أمه فيسب أمه } راوه مسلم .

وش رآيكم ..؟
وش الحل لهذي المشكلة الخطيرة ..؟
يعني لهالدرجة مافيه إحترام ولا تقدير للأم ..؟!

واقعنا مرير
و كل يوم من سيء لأسوء

[ضحكة القلوب]

اصلا اكره هذه التجاوزات والغلط اشوفه قلة احترام

[bomohammed-101]

اللهم اهدي المسلمين اجمعين ،،

اللعنه طرد من رحمة الله ، حتى الحيوان اكرمكم الله اذا الواحد لعنه فلا ينتفع منه ...

واشوف ان الحل ان الواحد يحاول دائما تعويد لسانه على الكلمه الطيبه مثل (( الله يهديك ، الله يصلحك ))


والله يجزاكم خير ،،

ولا يحرمكم الاجر ...... آمين

[فاطمه عبدالله]

الله يهدي الجميع ويصلح الاحوال

[سفيرة الطهر]

أستغفر الله العظيم.

[Nesma32]

استغفر الله

كل شئ ولا اللعن والا كلمه حيوان

اعوذ بالله اكثر شئ ينرفزني .

الله يهديهم ويحفظنا ياارب من هالالفاظ.

[((( روعة الايمان )))]

السلام عليكم ورحمة الله وبركاته
اروع موضوع من جد نا قشتي شيء فعلا خطير بس المشكلة وين اللي يسمع
الكبير والصغير البنت الولد كله عمال يردد بكلام ببغاوات ما يستشعروا لا بمعنى ولا حتى يدركوا خطورة
الله المستعان
بس لو احد قلي يلعن.. باقلب كيانه و اخليه يلعن من جد

جزاك الله خير ودي يوصل الامر لشيخ يلقي محاضرة عنه لعل احد يستحي علة دمه ويفوق للخطر الغافل عنه
شـكــ وبارك الله فيك ـــرا لك ... لك مني أجمل تحية .

[*ياقوته*]

الله يهديهم

[miss * meme]

منورين ومشكورين على مروركم الرائع
وياليت لو يوصل الموضوع ياروعه للشيخ
اتمنى ذلك لان الموضوع يقهر

[بلاتين]

للأسف منتشره بين البنات ,, في وحده من البنات قالت لصديقتها ,, يلعن أمك من زمان ماشفتك ؟؟ انصدمت وقلت لأمي قالت يأتي على الناس زمان يكون تحيتهم بالتلاعن ,,