[Manal 1]

السلام عليكم وحمة الله وبركاته....

لأنني أثق بكم... واجد فيكم من الناس الصالحين ذات دين وخلق عالي... اخترت أن استشيركم في موضوع عن خادمتنا وهو مقلقني...

الخادمه جديده صارلها تقريبا 6 أشهر عندنا...
انا أكره الخدم وقبل لانجيبها ماكان عندنا خادمه لاكثر من سنه وكنا مرتاحين... بس كن محتاجين خادمه ساعات نقول بنجيب وساعات نقول لا مانبغي عوار الراس ومشاكلهم.. بالاخير جبنا قبل رمضان عشان تعاونا في شغل رمضان...

من اول اسبوع او اسبوعين مو ذاكره بالضبط حلمت انها نادتني للحمام... رحت الا كانت تراويني سحر تقولي شوفي في سحر في المكان الفلاني... )في الحلم الحمام اللي نادتني منه كان الليفي غرفتي.. يوم قمت من النوم خفت أروح حمامي ورحت الحمام اللي بالصاله... كنت اغسل وجهي وافكر في الحلم وفجاة لاحظت ان هذا هو الحمام اللي حلمت فيه مو حمام غرفتي! شفتالمحل اللي في الحلم قالتلي ان فيه سحر بس ماكان في شي... عقب رحت حمامي جيكت في نفس المكان اذا في سحر بس بعد ماكان في شي... تعوذت من ابليس وقلت أطغاث احلام ولاني اخاف وماحب الخدم يمكن الشي كان في بالي.

عقب فتره امي كانت في المطبخ مع الخادمه وكانوا يتكلمون في مواضيع عاديه... والخادمه قالت حق امي ان شعرها صاير يطيح.. قالتلها عادي هذا من جونا والماي... عقبها قالت انا ما أرمي شعري.. اجمعه وباخذه معاي السيلان!! وبعدها قالت حق امي بنتج بعد شعرها وايد يطيح... غرفتها فيها وايد شعر على الارض! وكانت تقصد اختي مو انا... أمي خافت وقالت لها تحملي تاخذين شعر البنات! قالت لا لا انا بس اخذ شعر روحي...

بعدها بفتره بعد نفس الشي امي كانت معاها في المطبخ ويتكلمون في مواضيع عاديه.. قامت الخادمه سئلت امي.. ماعندكم حيايه ( ثعابين ) ؟ امي قالت لا! الا الخدامه تقول انااحب الحيايه! في السيلان وايد عندنا وانا أسولف معاهم ويفهمون... قالت الكوبرا مو سامه وتفهم لما تكلمها وتسمع الكلام. بس الانواع الثانيه سامه وماتسمع الكلام!

امي خافت وقالت حق ابوي... ابوي قال اهم متعودين على الثعابين وفي ديراهم عايشين معاهم.

بعد فتره انا واختي سافرنا... يوم اللي بنرجع امي قالت للخادمه اليوم البنات بيرجعون الا الخادمه قالتلها ادري شفتهم!!!! امي قالت لها شنو؟؟؟ شفتيهم! الا تقول اي شفتهم حلمت فيهم انهم بيرجعون اليوم!!

وبعد امي شافتها مرتين بس مادري اذا من زمان او لا... وقت المغرب تظرب على الارض بعصايه اول مره امي شافتها سكتت.. ثاني مره راحتلها قالتلها شتسوين!! قالت لا ولا شي بس أنظف المخمه! امي شافتها من فوق فماكانت متاكده اذا كانت عصايه عاديه ولا مخمه فسكتت عنها...

افيدوني الله يحفظكم ويسعدكم هل هذي امور تدعي ان نقلق بشأنها؟ هي شكليا طيبه ومعانه تسولف وتضحك واتسلم واتصبح ومادري ايش.... تصرفاتها واسلوبها يخليني اتعوذ من بليس واقول انها مسكينه...

طمنوني وافيدوني لو سمحتوا!

شكرا

[Manal 1]

هل وضعت الموضوع في المنتدى الصحيح؟

[غ الرديني]

السلام عليكم ورحمة الله وبركاته....

بالنسبة لي فالأمور إلى الآن عادية، لا يوجد يقين في كلامك وهو مجرد شك، ولكن خذي الحذر، وقوموا بتفتيش أغراضها كل فترة للتأكد من عدم ممارستها لأي أعمال سحر وغيره، وبالنسبة لك حافظي على قراءة سورة البقرة كل يوم وعندها ترتاحين لأنه بإذن الله لن يضرك أي شيء إذا حاولت لا سمح الله الإقدام على مثل هذه الأعمال.

طبعا كرهك للشغالات قد يدفعك لتخيل أمور كثيرة لا تعجبك، وخير الأمور الوسط، لا تقلقي ومارسي حياتك طبيعية ولكن خذي الحذر، وكما قلت ليس هناك أفضل من التحصين اليومي صباحا ومساء.

بالتوفيق.

[Manal 1]

شكرا لك أختي غ الرديني...

نعم فقد سئلت وأجابني البعض بأن بعض الخدم لديهم اعتقاد بانه يجب دفن الأظافر والشعر بعد التساقط او القص.

كما ان هناك من قاللي بأن بعض الخدم لديهم اعتقاد بأن بالظرب في وقت المغرب يبعدون الشياطين عن أنفسهم.

والله أعلم


ان شاءالله خير.. الله يبعد عنا شياطين الانس والجن

[أنورياسين]

استخر ربك وستجد الحل.

[أنورياسين]

الاستخارة أولا ثم الاستشارة.

[Manal 1]

ان شاء الله أخي أنور...

شكرا للتذكير

[Manal 1]

شفتها اليوم مادري ايش تسوي!!
كنت راجعه من الجوام وقفت السياره وتميت جالسه فيها ألعب بالتلفون... الا أشوف الخدامه رايحه الصوب الثاني من حديقة البيت ( ما انتبهت اني جالسه بالسياره ) وقامت مادري ايش ترمي!!!! كان توه مؤذن المغرب!! رمت مرتين او ثلاث مو متأكده بعدها رجعت وشافتني وسوت نفسها تسقي الزرع.... نزلت من السياره دخلت البيت وعلى طول رحت اطل من الصوب اللي كانت ترمي فيه أبغى اشوف اش كانت ترمي.... إلا شفتهارجعت نفس المكان اللي كانت ترمي فيه ومادري ايش كانت تسوي على طول سكرت الستاره خفت تشوفني!!!!!!!

هي مسيحية

[Manal 1]

الدوام***********

[متفائلة دائما]

المشاركة الأصلية كتبت بواسطة Manal 1 الدوام***********

عادي جدا، ابعثوها أي مكان عند الجيران، أو الدكان وبعدين حصني نفسك بالمعوذات وسورة الإخلاص وأية الكرسي وقولي بسم الله الرحمن الرحيم وروحي انت واي حد ثاني نفس المكان وفتشوا.. في التراب، بين اوراق الشجر إذا كانت شجرة.... الأمر بسيط علشان تقطعي شكك باليقين وتخلصي نفسك من التفكير والشك.