[سنا الفضه 2]

السلام عليكم ورحمة الله وبركاته..

لكل منا طبع او عادة يريد التخلص منها او انها مناسبة له ,, كما ان هناك امور فوق السيطره مثلاً..

لو نلاحظ امهاتنا او جداتنا احيان تحك ايدها وتقول بيجيني خير تكون هي معوده يدها على كذا..

او ترف عينها اليمين تقول بشوف ضيف اليوم,, او اذا الشبشب فردة جت فوق فرده تقول بتسافر ومثل هالامور,,

انا من الناس اللي اذا رفت عيني اليسار اعرف انه بيصير شي مو زين وصارت اذا رفت عيني اطنش مااهتم بالموضوع والحمدلله..

لكن في شي ثاني اللحين اذا حكني خشمي كثير اعرف اني ببكي ماعرف ليش,,

اكيد كل وحده منا مرت بحالات مشابهه..

خلونا نتناقش ونشوف اسباب هالاشياء..

[ضحكة القلوب]

بصراحه انا دائما تحني رجلي اليمنى
شووووووووو معناه

[نظرة براءة]

انا دايم ترف عيني وصرت اطنش والحمد لله ارتحت وما عاد اعتقد فيها

[سنا الفضه 2]

المشاركة الأصلية كتبت بواسطة ضحكة القلوب بصراحه انا دائما تحني رجلي اليمنى شووووووووو معناه

هههههههه انتي يوم تحكينه وش يصير لك ؟؟

مثلا انا يوم احك خشمي كثير ادري اني ببكي

[سنا الفضه 2]

المشاركة الأصلية كتبت بواسطة نظرة براءة انا دايم ترف عيني وصرت اطنش والحمد لله ارتحت وما عاد اعتقد فيها

تيب يوم ترف عينك وش يصير ترف على ضيف ولا شوو؟؟

[""دانيــة""]

سبحان الله انا لحكيت يدي تجيني فلوس ولا بسلم على احد مادري هل هو من باب الصدفة ؟

[سنا الفضه 2]

لا مو من باب الصدفه جدتي كذا معوده يدها اذا حكتها تعرف انها بتجيها فلوس..

بس في يوم يدها حكتها بقووه وبشكل غريب قعدت طول اليوم تحك تحك تحك وفي نفس اليوم مات خالي وعرفت ان الحك الغريب اللي جاها كان سلامها على الناس الكثير اللي جوو يعزون,,



يالله نشوف تجارب الباقي..

[بلاتين]

إذا كان طنين في الإذن اليمنى يكون أحد يمدحك وإذا اليسار يكون أحد يذمك ,, إذا طاحت رمش عينك وأحد يسألك تمنى أمنيه بعدين يسأل الرمش اللي طاح يمين ولا يسار إذا خمنت صح تتحقق أمنيتك <<قالتها لي صديقتي كويتيه ,, بس أنا ماأصدقها ,, احسها خرافات ,,

[سنا الفضه 2]

اول مره اعرف هالاشياء بعد يالله ومنكم نستفيد..

نشوف الباقي..

[ومن يتوكل على الله]

بلاتين;2882066]إذا كان طنين في الإذن اليمنى يكون أحد يمدحك وإذا اليسار يكون أحد يذمك ,, إذا طاحت رمش عينك وأحد يسألك تمنى أمنيه بعدين يسأل الرمش اللي طاح يمين ولا يسار إذا خمنت صح تتحقق أمنيتك <<قالتها لي صديقتي كويتيه ,, بس أنا ماأصدقها ,, احسها خرافات ,,[/QUOTE]


السلام عليكم ورحمة الله وبركاته

يالغاليه معاج وحده كويتية

* مسألة طنين الاذن اليمنى يكون احد يذكرك بالخير
( وفتحت على منتدى اسلامي وجدت احد الاخوه في الله يخبر بحديث عن الرسول صلى الله عليه وسلم بما معناه اذا حدث طنين الاذن فصلوا علي وتكمله نسيتها ولكن ضعفه احد الاعضاء
وفعلا اذا طنة اذني اليمنى قلت " الله يذكره بالخير من ذكرني بالخير ".....
واذا طنت اليسرى استغفرت ... (اجتهادي).

* اذا طاحت الرمشه هذي لعبه كنا نلعها مثل الاناشيد القديمه لمرحلة الابتدائي والمتوسطه .

* اذا رفت العين اليمنى تباشرنا بعودة غايب .

*كان ابوي الله يرحمه وامي الله يطول عمرها بالخير اذا حكوا عينهم بالاصبع قبلوا مكان الحكه بالاصبع ليش ؟؟؟؟؟؟؟؟؟؟ ما ادري لي الحين هالعاده ما قدرت ابطلها ويضحك علي زوجي يقول انتي من الشيبان .....

* اما اذا حكتك رجلج عندك مشوار

* اما اذا حكتك يدك اليمنى فتباشري بعشا من منو الله اعلم بس ها مو انتي طابخته
اما اذا حكتك يدك اليسرى فتباشري بفلوس نقديه

* الجديد

اني مره اسولف مع مرت اخوي الله يذكرها بالخير كنا في مكه وفجأه طريت اسم وحده من خواتي وما له شغل بالسالفه ....( قالت يمكنهم في سيرتك الحين .... ) جديده وحصريا لك

هذه مشاركتي ودمتم بخير ،،،،، وهي امور متوارثه ليس الا ولم ابحث عنها في التفسير والسنه .....