[رحلة زمن]

السلام عليكم ورحمة الله وبركاته يابنات ابي رايكم في مساله وهي يوم العيد يوم كنا وبنات عمي مجتمعين طرحنا قضيه وهي انو اذا اعطا الرجل المرأهفلوس وقال لها اصرفي منها للبيت وانا مالي دخل باي شىء الي تبينه اشتريه وبنات عمي عاجبتهم الفكره انو الرجل يعطي فلوس وماله دخل باي شيء بالبيت وانا معارضه هالفكره لانو يجب على الرجال تحمل المسوليه وانو فيه اشياء لابد ان يقضيها الرجل واهمها الاكل والخضار والغاز والذبيحه وغيرها من مستلزمات هل توافقوني ام مع بنات عمي في رايهم انهم يتحملون كل شىء حتى الي ذكرتها بس يعطيهم فلوس ويخليهم الحريه الكامله

[اقحوان]

وعليكم السلام ورحمة الله وبركاته

الفلوس ... سلاح ذو حدين ...

إن مسكهم الرجال بيده وكان صاحب القرار بالصرف على البيت باللي فيه من بشر

بيلهى باشغاله وينسى يوفر كل مستلزمات البيت والزوجه والعيال

إلا طبعا بعد الحنه وصراخ عالماشي أو الطاير

ومثل ما قلتي "" رحلة زمن "" ... إذا حط كل الفلوس بيدي ونفض ايده من مسؤولية البيت ... بيكون هو آخر عيالي وأنا اللي أصرف عليه

الحرمه تحتاج تحس ان زوجها مهتم فيها ... عالأقل يحسسها إنه يخاف عليها من كثرة الطلعات وتعاملها مع أصناف من البشر ما يدري وش البلاوي اللي ممكن يسوونها


حلو يكون عند الزوجه فلوس تقدر تتصرف فيها وقت الأزمات لما يكون زوجها بعيد في دوامه أو مع اهله او أي مكان ما يقدر يوفر لها اللي تبيه

وبرأيي أي وحده واعيه لازم ترفض تستلم كل ميزانية البيت
لأن فرحتها بالفلوس وانها تقدر تروح وتشتري وتحط على ذوقها ومزاجها ,,, هذا يبني حاجز بينها وبين زوجها

يعني مافي مشاركه وجدانيه بينهم ولا تواصل ..... إلا حزة النوم


موضوعج يبيله طبول عشان الكل يسمع ويشارك فيه

[رحلة زمن]

مسكوره حبيتبي على الرد واباء رايئك

[مهاد]

على حسب الرجال فيه من يقوم بكل شئ على اكمل وجه وفيه رجال مايعرفون شئ فالاحسن يعطي المراه والعكس بالنسبه للمراة لكن المشكله اذا اجتمع المنحوس على خايب الرجا من يدبرهم؟

[رحلة زمن]

مشكوره على المرور

[احساس عابر]

برأيي أنا<< ان الحياه مشاركه لا غنى عن طرف من الأطراف..كلآمنهم يوازن الكفه وتسير الحياه بينهم باستقامه.
وشووووووكرررررآآ ع الموضوع .....

[اللهم سهل امري]

بالنسبه لي الفلوس تكون في يدي احسسسن اروح اتصرف على كيفي بدال ما استناه

[قهوة]

.
.
أرى أن رضا المرأة بأن تكون هي المتصرفة في المال رضا مؤقت ،

بمعنى أنها إذا ضاقت بها الظروف بمرض أو انشغال بالأبناء أو واجهها عائق في تحقيق بعض الأشياء>> لأن المرأة ولا شك يصعب عليها تدبير بعض الأمور بمفردها .. أو أي عارض يعرض لها ، فإنها ستشكو حالها وتتمناه معيينا لها


من السلبيات: ضعف التواصل بينها وبينه,
وفي الواقع نرى كثير من الرجال يحتاج حاجة نفسية ملحة إلى تطلبه وترجيه ليشعر بوجوده وقوامته !


أؤيد إعطاء المرأة مال وحرية التصرف فيه،
في الأزمات ، أو إذا كان كثير الغياب عن البيت أو السفر أو إذا كان لها أولاد كبار يقومون بهذا الواجب..

[بوكاهانتس]

التعاون بين الزوجين مطلوب... يعطيها المصروف للحاجات او المهام الواجبه عليه او تقدر عليها... ولكن لا يرمي الخيط والمخيط عليها....

[العلم نور 5]

المشاركة الأصلية كتبت بواسطة رحلة زمن السلام عليكم ورحمة الله وبركاته وانا معارضه هالفكره لانو يجب على الرجال تحمل المسوليه وانو فيه اشياء لابد ان يقضيها الرجل

وعليكم السلام ورحمة الله وبركاته
انت صح رحلة زمان وبنات عمك لا