[عشقت الصمت]

السلام عليكم ورحمة الله وبركاته

اخباركم خواتي ؟
الصراحة حبيت اخذ رايكم بموضوعي

انا عندي عرس مرااا قريب مني ومحتاجة فلوس من زوجي علشان اجهز للعرس
قالي كم تبين قلت الثوب ابيله 1200 والمكياج والتسريحة 500 ريال
تخيلواااا انهبل
قال ما في غير 500 للثوب انا انصدمت قلتله خل ال500 بجيبك وفرة وصار نقاشات بس ما نفع انا متعودة على لبس فخم وع البس بالسوق مو حلو وفوق مو حلو اسعارة على 750
و800 وهذا هو يلوع الجبد فما بالكم بالفخم كم بيطلع
وانصدمت اليوم جايب الف ريال يقول للثوب وللمكياج اخذتهم بسكات وما ناقشتة بالله شسوي الحل تكفون هذا من غير الاكسسورات والكماليات والله اني اعاني على انه يفخفخ على نفسة ساعة ب4000 ونظارات ب 1500 والله مقهورة ابي نصايحكم بالله وما ودي اسوي مشكلة لاني تعبت وما جت منه فايدة بالله ادعولي عاد اول مرااا تصير مناسبة من تزوجنا المفروض يبدع بس ما اقول الا الشكوى لله :(

[Nesma32]

اختي الكريمه

ادعي ربي يجعل فيها البركه
وبعدين ليس شرطا ان اللبس الجميل منحصر على الغالي

توجد ملابسة جميلة وانيقه وسعرها مناسب ومعتدل
المهم يكون اللون والموديل والتفصيل مناسب للشخص .

[ضاعت أحلامي]

حبيبتي بصراحه ممكن هذه الالف راح تكفي لفستانك فقط <<< بحكم انك تبين الزين والغالي

ولكن انصحك نصيحه شوفي لك احد من صديقاتك واستعيري منها فستان فخم ووفري الالف على التسريحه والاكسسوار والميك اب او حطيها في جيبك ...... ومو شرط تشترين اكسسوار جديد شوفي لك اي طقم عندك بس اهم شي يكون مناسب

والله تبين الصراحه انا في العيد كان عندي زواج ولد خالي ... الفساتين الغاليه مالقيت فيها اللي يعجبني واعجبني فستان بـ 700 ريال وكان حلو وناااعم جدا وفي نفس الوقت فخم ...... ولقيت له اكسسوار عندي شيك ومناسب .... ماشريت جديد .... والتسريحه كلفتني 300 ريال وماحطيت ميك اب انا سويته لان فلوووسي خلصت هههههه

اتمنى اكون افدتك ....

[العمرلحظة]

الله يطرح فيهاالبركة زي ماقالوا الأخوات ماقصروا ان شاءالله تحصلين فستان سعره مناسب ويكون فخم وحاولي تنسقي معه اكسسوارات من عندك واهم شئ التسريحة ويارب تكوني احلى واحدة في الزواج

[عشقت الصمت]

يسلمو على الردود .. وعسى ربي يوفقكم وييسر اموركم ؛)

[بلاتين]

لا والله ماتكفي ,, آخر زواج حضرته فستاني ب2800 ريال والإكسسوار تقريبا 300 ريال والساعة ب380 ريال والتسريحة والمكياج ب550 ريال يعني المجموع قريب من 4000 آلاف , وكل هالمبلغ علشان أكون برستيج ((في ثلاث ساعات فقط)),, وبصراحة اكتشفت إني أكبر مغفلة لو موفرتها وشاريه لي لابتوب جديد ولاآي فون أصرف البوية عفوا (( المكياج)) غسلته والفستان معلق يدفي الدولاب ,, أنا متحلفه في نفسي الزواج الجاي ألف ونص وكثيرة بعد وخلي البرستيج لهم (( إن لبست رخيص ذموا وإن لبست غالي عذربوا بكيفهم خلي البرستيج لهم مانفعني إلا فلوسي ماأحد نافعني والمؤمن لايلدغ من الحجر مرتين,, وكلامي لك ماأقصد أنك تبخلي على فسك وتوفري لا أقصد وفري فلوسك لشيء تستفيدي منه أفضل لك ,,

[ساااندي]

صراحه انا اشوف انوا موضوع زي كذا ابد مايستشار في اي احد

يعني الي استشرتيهم اكيد يختلفون في الي ربي منعم عليهم وتسريحتها بـ500 ومكياجها بـ500

(وانا عن نفسي اشوف انوا مالوا داعي ) وفي الي على قد حالهم وتتمنى احد يعطيها 1000 وتكون اسعد

انسانه

وللمعوميه الموضه ذحين النعومه يعني فستان نااعم وبسيط وسلسله بسيطه وكم اسوره بسيطه في اليد وخاتم وحلق بسيط واستشوار ومكيااج نااعم جدا جدا جدا

وتطلعين كيوت

[ملكة بحجابي147]

صراحه انا اشوف انوا موضوع زي كذا ابد مايستشار في اي احد يعني الي استشرتيهم اكيد يختلفون في الي ربي منعم عليهم وتسريحتها بـ500 ومكياجها بـ500 (وانا عن نفسي اشوف انوا مالوا داعي ) وفي الي على قد حالهم وتتمنى احد يعطيها 1000 وتكون اسعد انسانه وللمعوميه الموضه ذحين النعومه يعني فستان نااعم وبسيط وسلسله بسيطه وكم اسوره بسيطه في اليد وخاتم وحلق بسيط واستشوار ومكيااج نااعم جدا جدا جدا وتطلعين كيوت

صحـــــــ عليكِ كلامك100%
انا اخر مرة رحت لزواج صديقتي وبنفس الوقت بنت جيرانا
سبحان الله ربنا يسرها..قبل الزواج باسبوع كنت في محل بجيب لاختي بلوزة لقيت فستان لونه وردي فاتح وعاملين عليه خصم50% قلت بجيبه احتياط لاي زواج بحضره
تخيلوا ماشاء الله سعره 55 درهم ونااعم ومافيه تكاليف عجبني كتيير الحمدلله
وسويت شعري في البيت ومكياجي كان هادي وطلع حلو مو كأني حاطه قناع ^ــ^
بعدين حرام تضيعي 1000 ريال عشان فستان تلبسيه ساعات معدودة وترميه بالخزانه 4 او5 سنين والمكياج 500!!على شوو!!! للاسف اصحاب الصالونات يستغلوا النساء بانه العريس قريب لها او العروس فياخدوا منها فلوس اكتر من اي وحده جايه تسوي مكياج خفيف ناعم
سوي مكياجك بالبيت,,,ماتحطي لزوجك؟؟اكيد ايوة سويي نفسه ماخربت الدنيا واستغلي ال1000 لشي ثاني تستفيدي منه انتي وعيالك

البساااطـــــــــــــه ثم البسااطــــــــــه تظهر انوثتك وجمالك الروحي وملامحك الخلقية
وسلامتكم

[رومنسيه حدي]

اذا تبغي منه..دلعيه وووو......الخ
المفروض تعرفي اش تسوي عشان تاخذي منه اللي تبغيه!!!
انتي جافة معاه في معاملتك له؟؟؟

[amali]

السلام عليكم ورحمة الله وبركاته اختي الحبيبة موشرط تشتري شي غالي ممكن تشتري
رخيص وحلو انا اشتريت فستان ب 350 وروعة شيفون مشجر ومن فوق تطريز بسيط
واكسسوارب50 ولبسته الى الآن يمكن حول تسع مرات واحس كل مالبسته كأنها اول
مرة المهم القناعة والا الناس ايش عرفهم ان كان غالي والارخيص.ووفري الفلوس
لأشياء اهم.