[فيحان الشمري]

رأيت رؤيا بالرسول صلى الله عليه وسلم وفسروها انها قصيدة في الرسول صلى الله عليه وسلم وبعد سنه تحققت الرؤيا وكتبت القصيده وهذه هي :

انت فيك احسن اسوة ..فيك اكبر مثال
وانت اتقى البشر معصوم عن كل اثـم

وانت اصبرهـم ونبراسهـم بالعـدال
وانت اطهرهم واشرفهـم مـن الفطـم

وانت اشجعهم وافصحهـم بهالمقـال
وانـت ازهدهـم ومليكهـم بالـكـرم

وانـت اعربهـم بعمـام ولا خــوال
وانت يعطيك ربي لين ترضى ..النعـم

أمّي ..وانت اعلمهم وغيـرك جهـال
واعبد الناس حتـى انفطـر هالجسـم

وأثقل الناس ميزان ..بموازيـن مـال
وانت لـك الوسيلـة والمقـام الأهـم

وانت اخلاقك القرآن ..فعـل ولا يقـال
ويسره فـي لسانـك قـول ولا فهـم

وانت ارحمهـم بعصفـور ولا جمـال
وانت رحمـه الـى العالميـن وحلـم

انت على خُلُق عظيـم راس الرجـال
وانـت بشيـر ن ونذيـر كـل الأمـم

وارفـع الدرجـات لـك بليـا جـدال
وانت دعوة لابراهيـم وسـط الحـرم

وانت آتـاك (الحمـد) وبليـا سـؤال
وانـت آتـاك القـرآن فصـل وحكـم

وانـت آتـاك الحكمـة تـدك الجبـال
وانت بشرى لعيسى يـ(المعزي ) عشم

وانت اسرى بك وعرج بك اليـه عـال
وكلمك ..وانت أوتيـت لجوامـع كلـم

ودينك اسلام ما يقبـل بغيـره بـدال
وانت خاتمهم وفي ظهرك آخـر ختـم

خصك الله رحمتـه ووصـال بوصـال
وامتك خير امة خصهـا مـن القـدم

من عصاك يعصى رب السما ذو الجلال
ومن يطيعك يطيع الله ..عرب وعجـم

فضل الله عليك اعظم فضل خير حـال
ومصحفك ذكـر ن لهالعالميـن ولـزم

وانت دينك هو اكملهم مقـال وفعـال
ويظهره فوق كـل الديـن حتـى يتـم

وانت أيّدك في نصـره بسلـم وقتـال
وانت صلاتك سْكون ن لهـم والرحـم

سيد المرسلين وصفـوة آخـر كمـال
وانت بلغت ..محيت الكفـر والصنـم

وانت كفاك كل مستهزيء ن ما ينـال
وانت حفظ عشانـك السمـا بالنجـم

داعـي ن لله وسـراج وهـج الليـال
تخرج النـاس للانـوار مـن الظُلـم

وانت عصمك ربـك كـل إيـدٍ تطـال
وانت كفاك ربك كـل شـيء ..وألـم

وانت حفظ كتابك والذكر عـن محـال
وفضلك بالمفصّـل والله اللـي قِسـم

وانت سلّم عليك الصخْر ماهـو خيـال
وانت ما تنطق الهوى.. كلامـك علـم

وانت نورت حتـى الآخـره باشتعـال
ولك أجـر ماهـو بممنـون ولّا عـدم

وانت في أعين الله عنـده اعـزّ غـال
واقرأك صرت ما تنسى بقلبـك وشـم

وغفر الله لك مـا اتقـدم .. وبالقبـال
وفي بلدك اقسم ولحلّـك انـزل قسـم

وانت اُعطيت خمس ن وحدك ولك نوال
ورفع الله لـك الذكـر وكتـب بالقلـم

وأقسم الله بعمرك والقسم لـه حـلال
وانت يحشر عليك الخلق تشفـع لهـم

[~حلى الكَون~]

ما شاء الله قصيدة رائعة ...ومميزة