[غزة الجريحة]

الفرق بين البنت والشاب





المقارنة الاولى :
بالنسبة للبنت لو مر من قدامها شب واعجبت فيه بتلاقيها اتطلعت عليه نص نظرة عشان ما حد ينتبه

أما الشب اللطيف بلف رقبته 360 درجة زي الصقر وبتلاقي نص سكان الحي عرفوا بالموضوع

المقارنة الثانية :

لما تلاقي بس (قط) مش مرغوب فيه بالبيت!!
بالنسبة للبنت بتلاقيها قربت من البس (القط) بهدوء وبتطعميه برفق وبعدين
بتحطه بره بكل ادب وهدوء وبتغنيله آسفة لأصالة نصري والسبب انه ابوها ما بحب يسمع
صوت المواء وهو نايم..

أما الشب فما بصدق حاله لما يشوف البس داخل البيت
في هاي اللحظة بتخيل حاله زيدان وبشوته ضربة حرة بتلاقي البس طاير
بالزاوية اليسرى للشباك وهو طاير بتسمعه بقول للولد (روح ربنا ينتقم منك)
قبل ما يصيح في اقرب حاوية

المقارنة الثالثة :

لما البنت تشوف صرصور (بطل افلام الرعب عند البنات) بتصيح صوت كأنها بتعمل
السمفونية الاخيرة ل بتهوفن واذا كانت جريئة شوي بتجيب المبيد (بفباف أو ريد)
وبترشه وهي بتقول حتموت يعني حتموت والصرصور بيضحك على هبلها وخفة دمها
لحد ما ينزل ابوها عليه بالقبقاب

أما بالنسبة للشاب البطل لما يشوف صرصور ينتابه جنون العظمة وبفكر حاله هتلر
وبيضك ضحكة حتى تبين كل سنانه المخفية وبمسك الصرصور ويبدأ بعملية التعذيب
بشيل الرجل الاولى وبسأله : بابا فين؟

الرجل الثانبة وبسأله : ماما فين؟

الرجل الثالثة : خواتك فين؟

الرجل الرابعة : ساكن فين؟

لما يخلص على رجليه وبتركه حي حتى يكون عبرة لكل صرصور يتجرأ انه يظهر وهو موجود!


المقارنة الاخيرة :

المضاربة :

بالنسبة للبنات الي بتخانقوا.. ما بتسمع غير
انتي ح ..... رة
لأ انتي اللي ستين ح..... رة
الزمي حدودك انتي اللي ستميه وستين ح ...... رة
وممكن يصير تمعيط شعر ومن الحكي.. الى ان يصلوا في العد من الح ....... ير 666666666666

اما بالنسبة للشباب الدجه :
وغالبا ما تكون المضاربه عشان نظرة او عشان بنت
أول كلمه بتكون مؤدبة نوعا ما (بالنسبة للشباب)
.. ابو الشباب ليش بتطلع نزل عينك ولا شايف في شي غلط ..
.. .. وهنا الموضوع بيطلع عن السيطرة وببلش الكلام


تقبلو تحياتي