[وردة الانس بالله]

بصراحه اعجبني هالاميل ..
موضوعي اليوم غير غير غير
يتكلم عن شئ يمس حياتنا اليوميه وبكره وبعده وحتى في الموت
يمس بيوتنا واشكالنا وحتى عيالنا
يمس رزقنا ومواردنا
وبالاخير يصير من مميزات شخصيتنا وحياتنا سواء خيرا او شرا

موضوعي عن











لكن بشكل جديد ومؤثر لي ولكم

فللصلاه فاشن خاص بها هل كنت تعلمين؟؟؟؟؟؟؟؟؟؟

اولا كلامي عن الصلاه ماراح يكون عن شرح لها اوعن كيفيتها او شروطها
لان اكيد كلنا نعرف هالكلام من يوم ندخل المدرسه وحفظناه عن ظهر قلب

انا باتكلم بشكل شكلي ياثر فينا ويخلينا نحب الصلاه


انا انسانه احب اللبس والكشخه والرزه
واحب تنسيق ملابسي والوانها وموديلاتها بما يناسبني ويناسب جسمي وهالشئ عكسته
على لبس في صلاتي

اهاه الحين فهمتو موضوعي ....
لأ لسه ما فهمتوه!!!!!!


في البدايه كنت مهمله هالموضوع وجلال الصلاه كان بالنسبه ليه جلال عادي
ولغرض واحد هو الصلاه
وهذا كان ياثر على ادائي لصلاتي يا اكون بسرعه واخلص ولا امل ولا اسرح واروح في عوالم
(استغفر الله يارب توب علي)




وتغيرت
اولا غيرت جلالي واشتريت طقم فخم جدا وغالي
هذا انا ادفع في لبسي وشنطي بالالاف ماهي حسافه على اهم واجب في حياتي

وطقمته معه غطاء للمصحف فخم جا نفس اللون اشتريته من عند الحرم




وبعدين

اخترتلي احلى مكان في الغرفه
وفرشت فيه سجادتي بعد ما بخيت عليها احلى وافضل وافخم واحب العطور عندي
كيف وهي احب الاماكن التي يطأها راسي حاجه وتضرعا وطلبا لله ومن احب الاماكن التي اختلي فيها بنفسي مع الله

ثم بخرت جلالي وعطرته وكويته على سنغة عشره

وحطيت صنوقي على جنب وعطرته من جوى وحطيت فيه مسبحتي وكل ما يخص الصلاه من اذكار وادعيه

وسميت هالكورنر مسجدي

ولا اخفيكم يابنات اذا جاء موعد الصلاه كيف تكون لهفتي على مسجدي امشي وانا اطير
وكلي لهفه للصلاه
وابدا صلاتي باطمئنان وامان
والله حتى احيانا افز من النوم واصلي على الوقت



ليش؟؟؟
وانا قبل كنت اخرها شوي لاني ملتهيه بشئ ولا نايمه ولا لا لا........

لقيت هالشئ اثر على صلاتي وخلاني احبها جدا

انا ماتكلم في نواحي دينيه
ولا فقهيه

حسيت هالشئ اثر فيني وعدل ادائي والحمدلله
وخلى صلاتي افضل وافضل مية مره من قبل
صرت اطول في صلاتي واقرى الاذكار بعدها واسبح
واقرا قران
اشياء كنت انتاسها اول بحكم الحياه ومشاغلها
(يارب لا تجعل الدنيا اكبر همنا)


دائم الانسان اذا حب شئ يدفعه للامام



...
تاثير التغير في الشكل على الاداء في ابسط اشيائه


دايم نشوف برامج اجنبيه لوحده او واحد يتقدم لوظيفه ولا يبون يغيرون نفسيته يغرون شكله ولبسه ويتعدل 180 درجه وللامام سر

ولا وحده تشتكي ان عندها اكتئاب وكارهه نفسها وهذا اثر على علاقتها بزوجها او عملها واو اولادها ويقلون لها غيري شكلك ومعه يتغير ادائها للاحسن


انت اذا تحممتي ولبستي لو حتى بجامه حلوه وتعطرتي تتغير نفسيتك
لو رتبتي درج الميك اب انبسطتي وحسيت نفسك ابطل شئ في الحياه

نفس الشئ سويه
لمكان صلاتك وجلالك
ميزيهم لميزتهم


دايم اشوف بنات شياكه وكشخه وذوق ونعومه وكل ابو شئ
وانقهر لما اشوفها عندها جلال صلاه عادي ابو 10 ولا منطول على طرف السرير ولا الكنبه بدون ذات اهميه


الخطوات :
اشتريلك من بكره جلال فخم اوفصليه انا فصلته وروعه جدا وركبت عليه سجاده
وصرت اطقم لشراشفي نفس ملابس بالضبط
..............
منقول