[المجروحة66]

السلام عليكم ورحمة الله وبركاتة:
انا عندي مشكلة يمكن تكون مكررة وعادية او تقول بسيطة بس هي السبب في كرهي للدنيا
ومافيها من خيرات وهي اختي تكبرني 16سنة وهي مدة طويلة لكن المفروض ان تكون مكانة امي وخزانة اسراري
وهي علي العكس تدخل غرفتي وتسرق تخرب وتدخل اطفالها ليلعبو فيها وكل ماوجدت خطاء علقت علي
وتخبر كل من ياتي اليناوتخون الامانة وتسوي نفسها مصلحة ولا تراعي مشاعري وتقو لاولادها ادخلو غرفتها وازعجوها (انا) وهي كل يوم تاتي الينا منالساعة7ص الي9م
وانا كلمتها با الطيب تارة وبالصراخ والبكاء تارة اخري وانابسببهااصبحت منعزلة كثيرة البكاءاري الدنيابنظرة سوداوية حتي وانا نائمة تضايقني حتي المجلس الذي تكون فيه لا اجلس فيه بسببهاوان فتاة عاقلة تخاف ربها
ونحن تربينا علي ان نحترم الكبير ونعطف علي الصغير اخبروني ما الحل لاني احيانا اتمني الموت بسببها

[ام محمد2]

بسم الله الرحمن الرحيم
اختي المجروحه
السلام عليكم ورحمة الله وبركاته
طالما انك تكلمتي معها بالطيب ولم تستجيب وتقولين بكيتي امامها وصرختي ومافي فايده فأنا انصحك انك تكوني اكثر حزم وثقه وشخصيه مو معناته تسوين معها مشاكل بس لازم تحطين قاعده انك بتعاملينهم بمثل مايعاملوك وتشدين شوي وغرفتك قفلي بابها لادخلتي وطلعتي وخليك حازمه مع اولادها ومعها ولاعاد تقولين لها اسرارك حتى لو حسيتي منها قرب لانها يمكن تستغرب تصرفك وتكون بس جايه تستدرجك وبس ولا تنطوين على نفسك بالعكس اجلسي بالمجلس اللي هي فيه وطنشيها وسولفي واضحكي مع الباقين خلي لك حضور كبير ومميز خلك شديده ورسميه كم اسبوع لين يتعودون ويرضخون وبعدين تعاملي معهم بما يرضي الله وايضا كلمي امك والا ابوك والا احد له يد عليها
اختي وربي مافي حل الا الشده لان انتي طبعك اللين وتعاملتي به بس هي يمكن تسوي كذا لسبب معين ومااعتقد بتقوله او يمكن هي من النوع اللي يحب التسلط وصدقيني ذا النوع الشده والصرامه معه احسن حل بس اياك تقلبي البيت مشاكل واي شي خاص فيك ابعديه عنها وعن اولادها وحاولي تتقربي من اهلك كثير وبجيتها خلي لك وضع بالبيت صدقيني كل شي يتصلح مدري ذا اللي اشوفه اذا شايفته احسن اتبعيه اذا غير كذا خلاص مدري انا حطيت نفسي مكانك وشفت ذا الحل يناسب شخصيتي وحتى بالعكس حاولت مااحكم من وجهت نظري وبس والا كان اعطيتك حلول اقسى بس انا احس انك هاديه مره وماتحبين المشاكل بس ذا اللي اشوفه واكيد الاعضاء بالمنتدى بيدلوك احسن مني
والله يعينك فمان الله

[المجروحة66]

مشكوورة يأم محمد2 والنصايح الي قلتيها جربتها قبل ومرة فادتني بس انا طبعي وشخصيتي هادية وحسااسة
ما اتحمل احد يكلمنى بهذه الطريقة مهما سويت اللى قلتي تزيد
مثلا : قفلت غرفتي وطلعت تجي تسوي سالفة وين المفتاح ليش قفلتي الغرفة عشان مين؟واسئلة
كثيييرة وانا طبعي ما اتحمل هذا الشي ودايما تكلمني وامشي واخليها لانة ما فية فايدة التعامل معها
ومرة ثانية اشكرك يام محمد 2 واتعبتك معي والله يجعله في موازين اعمالك.

[ريومه]

السلام عليكم ورحمة الله وبركاته
المجروحه
كلماتك أحسست بها ..وعرفت ماحالك .. وماذا تقصدين بمشكلتك مع أختك
حصلت تقريبا مثل هذه التجربة لشخص أعرفه
أختي .. أم محمد ماقصرت معك بالرد ..
وأنا اوقف معاها ..
تقولين أنها ماتفهم .. أقولك قولي لأحد أكبر ويفهم ..
تقولين هي برضوا ماعندها كرامه ماتفهم . .. أقولك ..أنتي أولا لاتحطين لها حساب ..
وبالجلسه مع الأهل .. خلك عادي وخل يصير عندك شخصيه قويه .. مشي الكلمه عليها هي وعيالها
لا تجيبين المشاكل للي حولك
لا تعبرينها بولا كلمه ... خليها هي تجي تطلب الشي منك .. واذا دخلت غرفتك .. قولي غرفتي فيها أغراض مابي أحد يشوفها
أذا قالت وش الأغراض؟.. قولي حاجات أنا بهديها لأشخاص مثلا .. ومن هالعذار
عهاااد أذا صارت ما تفهم ... قفليها عيني عينك ... وخلي المفتاح معك ... وأذا طلبت المفتاح قولي لا .. مابي تدخلينها
وبالنسبه لموضوع السرقه؟... اذا تكرر هالشي .. بلغعي أقرب شخص بالبيت لك وصدقيني راح يتفاهمون معها

أختي أنتي ذكررتي الفرق بينك وبينها أكثر من16 سنه .. هالشي اللي بيكون من صالحك .. لأنه أكيد اتنه فيه شخص ثاني بالبيت متأثر منها
أوقفي أنتي وياها مع بعض وخلوا كلمتكم وحده واعترضوا عليها عند الأهل
واذا ماجاب نتيجه اعترضوا بوجهها...
بعديسن فيه نقطه حابه افهمها ... هي ماعندها زوج ولا بيت تروح له !!!
من الساعه 7ص الى 9 م راضي زوجها عنها اذا كان عندها زوج ؟؟؟
هالشي غريب ... اللي أعرفه أنه مافي زوج يحب زوجته تبتعد عنه ..

على العموم أختي المجروحه .. أنا عطيتك رايي وعطيتك أيضا كذا حل
اتمنى أنهم يجيبون نتيجه
طمنين عليك وقوليلي النتيجه
أختك في الله : ريومه

[الجودي123]

الله يسخــــــــرها لك يارب

وجعلها تدوّر رضـــــاك

المهم مثــل ماقالو لك اخواتي


ولازم تطمنينا عليك

[المجروحة66]

انا اشكر كل من تفاعل معي بالمشكلة
وانا الحين احاول اطبق كل النصايح
وانشالله كل شيء ينحل