[فسرو لي لو سمحتو]

السلام عليكم ورحمة الله وبركاته

حبيت أطرح هالموضوع الحساس والمنتشر بمجتمعنا كثير وللأسف ..
اتمنى منكم التفاعل ..

طبعا وكما هو واضح من العنوان ان النقاش بيكون عن شوفة الحريم للبنت اللي يبون يخطبونها ..

بما أني أعيش في عائلة اغلبها بنات وايضا ولله الحمد انا نوعا ما اجتماعيه وشهدت كثير من زواجات صديقاتي ..

لاحظت أن اللي تقول لي اليوم الفلاني شوفة الحريم ............. مايتم موضوعها !!!

وأحس انها صارت موضه هالأيام !!

غالبا ياإنهم يقولون عبارة ( ماكتب الله ) والا يسفهون لين البنت تتقطع بالهواجيس !!

بصراحة اللي خلاني أطرح هذا الموضوع هو أن أحد اقربائي خطب ثلاث ارباع بنات الرياض ,,,, ولما وصل عند زوجته الحاليه سمع من امه واخته العباره اللي اعتاد يسمعها ( ماتنفع ) !!!

بعدها عصب وقرر انه يشوفها بدون رضاهم

وسبحان الله شافها وحبها من اول نظره والحين عنده بنت !!!

وتكرر الموقف علي مره ثانيه مع شخص آخر من عايلتي
وكتبت هالموضوع !!

اتمنى اعرف سر تصرفات الأم أو الأخت اللي تخطب لولدها !!

هل أنتي تبحثين عن مواصفات تناسبك ؟؟؟؟؟ او تناسب ولدك !!!

بصراحة أنا من أشد معارضي شوفة الحريم ( عسى الله لايبلاني بحريم زي كذا يارب )

أو ان انحديت ماراح اوافق الا لازم تكون شوفتهم وشوفة الرجال بنفس اليوم !!
أطلع من عند الحريم وأدخل عليه

والا شرايكم ؟؟؟؟

أتمنى اعرف ارائكم حول هذا الموضوع و ايش االحل في مثل هذا الأمر ؟؟؟
وشكرا

[أمي قرة عيني]

موضوع حلو بحكم ان السالفة ذي صارت لي مرتين !

يجون يشوفون وكل شي بس ما يتم الموضوع ويروحون ولا حتى يكلفون خاطرهم يقولون ماصار نصيب الا بعد طلعة الروح !!!


مع انهم يكونون قايلين اني عاجبتهم بفس الوقت بعد فترة اكتشفت السبب مو بمني السبب بولد عمي اللي متزوج خضيريه مو مايشرفهم يناسبون ناس ولد عمهم ماخذ خضيريه ( قمة التخلف ) !!!!!

مع أحترامي للخضاااااره وانا ماعندي مشكله وياهم عشان لا احد يزعل مني بس أهم اللي يوني يخطبون قالوا جذي !! == لاتعليق والله

وبعدين ياحبوبه نظرة الريال اشمل واعم ومو مثل الحريم على كل شي يدققون وليتها شغلات ع سنع !!!
حتى لو لبسها مو ستايل ارفضوها !!!!


تخلف الله يصبرنا وأنا افضل يجي الريال يشوف قبل أهله عشان يحبني من اول نظره = ثقه ههههههههه


شكرا على الموضوع واااسفه على الاطاله بس فيني حررررا ^_^

[زينـة]

السلام عليكم

اختي فسرو حلمي موضوعك مره حلو .. عجبني :)
وربي نفس الكلام اللي كتبتيه دايم افكر فيه
دايما تلاقي الاهل لما يدورو لابنهم عروسه يجلسو يحوسو كأنهم يدورون في كومة قش .. يعني من قل البنات ؟!!
صحيح ان الشباب لما يبغو يخطبو تلاقيه يتشرط ابغى كدا وكدا وما ادري ايش _ يعني جايب مواصفات يمكن ما تلاقيها في ملكة جمال العالم _ لكن وربي لو كان عنده فرصه يخطب لنفسه راح يجيبها عزر ونكر <<< ليش ؟؟؟ لان ببساطه اللي يشوف غير اللي يسمع ، لما يجي يختار شريكة حياته راح يختارها بعقله وقلبه ما راح يركز في الشكل ، وهذا حاصل كثييييير ياما شباب اختارو زوجاتهم بنفسهم ما تلاقي في زوجاتهم جمال لكن فيهم جوهر نقي <<< هذا الكلام قايلته من واقع شفته
وللاسف اغلبيه الامهات يختارو زوجات عيالهم بالجمال والشياكه والحسب والنسب الا من رحم ربي ، نادرا لما تلاقي وحده تدور الجوهر قبل كل شي ، وفي الاخير بعد ما تختارها <<< لاحظي امه اللي اختارتها ، ما غير الا تشب النيران بينها وبين زوجة ابنها ^_^

اشكرك عطيتيني فرصه انزل حرتي

[فسرو لي لو سمحتو]

لي عودة بإذن الله للتعليق اخواتي الغاليات يمنعني المرض الان ..
نورتو الموضوع بمروركم ....

[أمي قرة عيني]

ماتشووووووفين شر حبيبتي وأكيد ننتظرج نبي نشوف تعليقاتج ^_^

[زهرة الوادي@]

شكرا على الموضع الحلو لا تنسون النصيب يبنات لو يدر في كل مكان لابد مايرجع على نصيبه

[ام عبد العزيز2]

السلام عليكم ورحمة الله وبركاته

هلا والله بالغاليه دومآ على قلبى وما تشوفين شر وفالك العافيه اللى تنزل فى جسدك ولاتفارقة ابد ابد ابد

بما انى أم وعندى ولد خطبتلها وعندى بنات --انا نفسى اكره حركات الحريم وطلباتهم التعجيزيه تدخل عشرين بيت عشان حضرت جنابهوالله العيال مالهم من الشيطان طارى بس الحريم يدافع البلى تبغى واحدة تشخص به عند الحريم ويقولون لها عرفتى تختارين --واحدة اعرفها خذت لولدها واحدة عاديه وذهبت معها لمناسبة كل واحدة تسألها وش حادكم عليها هههههههههههه
حريم ملاقيف اهم شئ عندهم المظهر الخارجى فقط فقط فقط:)

انا ولله الحمد والمنة ماكان لى شروط وحتى ابنى وهو بيت واحد فقط والحمدلله تم كل شئ الله يوفقه ويسعده وكل من قال امين-ادعو لابنى

[أطياف المطر]

موضوعك حلو وفي محله


وفعلا ذي الحركه صارت لأختي



تقدم لها واحد وكان موافق من دون مايشوفها هو وأمه وأبوه



لكن أخواته رفضوا الفكرة لما عرفوا إنا من عايله محافظه



وجات وحده منهم متزوجه وداست البيت من أوله إلى آخره


وقامت تحتقر أختي بنظراتها عشان لبسها ساتر


وتقول لها إحنا بصراحه نبغى وحده من طبقتنا


يعني تلبس زيهم بالضبط ( ضيق وقصير وعريان )




المهم جلسنا يومين وقالوا لنا مافيه نصيب



وهو صح الأشكال ذي أنا ما أحبها وفرقاهم غنيمه وحتى أختي ماراح

ترتاح معهم لكن الجرح صعب للبنت مهما يكون


والله يعوضها بواحد أحسن منه ويرزقني أنا وكل بنت في سن الزواج

بالأزواج الصالحين





وفي النهايه أنا أشوف إن النظره من حق الخاطب والمخطوبه

لوحدهم والقرار لهم في النهايه إما بالقبول أو الرفض...


وأما بالنسبه للحل فصعب إنك تلاقين حل مع بعض هالناس إللي عقولهم

مقفله...


وشكراً على الموضوع الأكثر من روعه...

[زوجة زوجي]

هل أنتي تبحثين عن مواصفات تناسبك ؟؟؟؟؟ او تناسب ولدك !!!
جبتيها يالغاليه تبحث عن مواصفات تناسبهااهي مو الزوج تطيعها وتخدمها وماتسحب ولدها من اميمته وخواته
خخخخخخخخخخخخخخخخ والله بجد معاناة خاصه انتم يالمدن احنا عندنااكلنا قرايب وبنت العم اولى بالولد
بس مايمنع والسبب الاول (ماهي طويلة لسان خدوم تسمع وتطيع وياحليلهاوووالاهم من ذا طباخه عشان تخدم العيله كلهم فطور وغدا وعشاء وياويلها بالويل اذا نسيت القهوه العصرماسوتها خخخخخ تقوم الحرب العالميه الاولى من قبل الكل وووووالاهم من ذا كله لازم لين تبغى تطلع وخاصه للسوق والسفر لازم تقطع رخصه من وزارةالدفاع والطيران(الام) ووتمرشوي على وكالة امور الموضفين(البنات العزابيات)وتشوف وش ينقصهم من السوق ووتوفره لهم معه وتلقينها تاخذ ب50 ريال لها و1500للبنات والام
لاونسيت اقوول لكم وتسكن عندهم بغرفه ودورة المياه اكرمكم الله مناصف بينها وبين العزابيه داخلين خارجين
لا وياويلها وياويلها وياسواد ليلها لوتقول عند وزارةالدفاع والطيران انو هي متضايقه في السكنه خخخخخخخخخ

[زوجة زوجي]

يعني يالغاليات تبون تتزوجون تعالو اسمعو نصيحه مني
اذاجوكم الحريم للبيت شدي حزامك وافعلي مايلي
(ترتبو موتزينون اللي يطلع حلاكم بدون كلافه(عشان امه ماتقول هذي بس تكشخ
كل شهر جاره للولد للسوق تسوقه ويروح كل الراتب مايبقى لهاشي)
طلعي لسانك وعليك بالكلام الحلوحاولي تجذبيهم انك غديتي وفطرتي وعشيتي وكل البيت ذا قايمن عليك ولاتنسين انك تعرفين تسووين مفاطيح(عشان الحرمه زينه وبتكرم لنا في كل وقت وحين واهمها ماتحب المطاعم تخسرالولد قريشاته)
وواهم شي خواته سحبيهن والله اكبر انك تموتين على خواته موووت وتحبين تجمعينهم اقصد ماتقدرين تتغدين الاهم ملحةغداك
والعزابيه وريهم انك ترحمينهم وما ابداااا يفكرون يغسلون ملابسهم براالبيت
وهيك اول رجال يدق الباب تكونين مزوجه باذن الله
ووووووووووووووواعذروني على تعليقاتي وووخخخخخخخ
الحمدلله اني اعرست وخلصت
والرجال اهم شيء يبي الدين والستر والصلاح والباقي كله يهون
بس عواجيزهالايام يحيروون الله يخلي لي خويلتي وشايبها