[الأمـــــل]

*قصيدة ولد فقير يبى يتزوج بنت عمه الغنيه*

سبحان من يرزق بتوع الملايين الرازق اللي ما يخيب الرجاء به

لي عم عنده معرض للصوالين
اموت واعرف بس من وين جابه

وإذا سألته قال بعت الدكاكين
ما يدري اني ما هضمت الاجابه

الشاهد اني رحت له قبل يومين
في قصره العامر ودقيت بابه

قال ارحب ارحب عدد ورد البساتين
يامرحبا باللي لفاء يا هلابه

قلت البقا عد النفل والرياحين
يا شيخ شمل اهل الكرم والذرابه

قال اسلم والله يحفظك لي من العين
وامر اوامر حظرتك مستجابه


قلت الصراحه طالب قرب غالين
ودي تزوجني كريمتك يابه

ثنى وقال اهلين ولله وسهلين
والعين ترخص لاجل عينك رقابه

لكن ترى عندي شروط وقوانين
قلت اشرط اشرط يا حبيب الغلابه

قال اولها مهر العروسه ثمانين
غير الرسوم وغير حق العصابه

والثانيه عمك يبي منك سبعين
رسم الابوه والنسب والقرابه

وام العروسه حقها منك ستين
عشانها ست الحسن والمهابه

واخوانها كلن يبي منك خمسين
عدا ونقدا تندرج في حسابه

واخواتها الخمس عطهن من ثلاثين
عشان تتوثق عروق النسابه

وتجيب طقم عيار واحد وعشرين
وخاتم من الماس المصفى ترابه

واكياس مليانه كعوب وفساتين
الوانها واشكالها ما تشابه

ومواتر بسواقه وفيلا دورين
اثاثه من بطرته ينحكي به

واحجزلنا بقصر السلاطين
واحجز بها رقاصتين وربابه

وامنع دخول اهل اللحى والبزارين
واعزم امير المنطقه بالنيابه

وهذي الشروط اللي على بالي هلحين
وذكرني باللي ما حسبنا حسابه

قلت اذكر الله يا عدو المساكين
واستغفر لا يبتليك بعذابه

الظاهر انك ماانت عارف انا مين
انا لو ارقى فوق متن السحابه

ما جبت حتى نص درزن مواعين
واضحك بكيفك واعتبرها دعابه

شروطكم هذي شروط المجانين
شروطكم شغل ابتزاز و نهابه

شروطكم تقص ظهور البعارين
شروطكم همن وغمن وكأبه

شروطكم ولله سيوف وسكاكين
تذبح بنات المجتمع مع شبابه

وين الرضاء والعطف واليسر والين
اللي ذكره الله بمحكم كتابه

وين الصفات اللي امرنا بها الدين
وين اختفي نهج النبي و الصحابه

ياعم جعل اللي خلقنا من طين
يردلك عقلك من خطاه لصوابه

و ياجعل نصيبي عند غيرك قول امين
وحسن عزاء الصابر و يجزل ثوابه

قال انت لو فكرة تفكير الصاحين
ما شفت في مجمل شروطي غرابه

حنا في عصر العولمه والمزايين
ماهو في عصر الفلسفه والخطابه

والناس تسعي لرتب والنياشين
وانت اهتمامك بالشعر والكتابه

والشعر ما ينفعك ولو هو دواوين
ما دام جيبك مثل بيت الخرابه

يا بوك لا تسمع كلام الماسخين
واسأل مجرب عاش في وسط غابه

قلت الله اكبر يا محرر فلسطين
من يسمعك يحسبك ذيب من الذيابه

تراك شايب راس مالك ريالين
والبنت ما تسوى جناح ذبابه

قال انقلع مالت على وجهك الشين
ولا عاد اشوفك عندنا يا لزلابه

قلت ابشر ابشر لكن الباب من وين
واقفيت من عنده علي صوت بابه

[اميره في حياه اميري]

شروطكم ولله سيوف وسكاكين
تذبح بنات المجتمع مع شبابه

وين الرضاء والعطف واليسر والين
اللي ذكره الله بمحكم كتابه

وين الصفات اللي امرنا بها الدين
وين اختفي نهج النبي و الصحابه

ياعم جعل اللي خلقنا من طين
يردلك عقلك من خطاه لصوابه

و ياجعل نصيبي عند غيرك قول امين
وحسن عزاء الصابر و يجزل ثوابه

الله يا الامل راااااااااااائع
يعطيك العافيه
تقبلي
مروري

[فيراس]

شروطكم تقص ظهور البعارين
شروطكم همن وغمن وكأبه

شروطكم ولله سيوف وسكاكين
تذبح بنات المجتمع مع شبابه

وين الرضاء والعطف واليسر والين
اللي ذكره الله بمحكم كتابه

الله يكون فى عونه
قصيده رائعه

تستحق القراءه

مشكوره على نقل هذه الابيات

[ليتك معي دايم]

بسم الله الرحمن الرحيم

شـكــ وبارك الله فيك ـــرا لك ... لك مني أجمل تحية .

[الأمـــــل]

يسعدني حظوركم لكم مني اجمل تحيه

[لعلها خيره]

شـكــ وبارك الله فيك ـــرا لك ... لك مني أجمل تحية .

[FDA]

شكرا جزيلا لكم