[كنان2]

طهور يا خو الفهد ..

طهور يا خو الفهد يا بو الفعول الجسام *** ما بالعرب والعجم مثلك بعصره عظيم ..

طهور يا سيد الجود وملاذ الكرام *** يا جامع سطوةٍ تخشى وكفٍ كريم ..

طهور يا نورنا في مدلهم الظلام *** يكفيك شر المرض والسِو ربٍ رحيم ..

طهور يا محققٍ بالطيب كل المرام ***يمناً تمد الجزيل ورأي راس حكيم ..

طهور ياللي شمل خيرك جميع الأنام *** أغنيت مِعْسِر وعالجت المريض السقيم ..

طهور يا مظللٍ بالعطف والإهتمام *** من لاذ بك شاكيٍ من ميل الأيام ظيم ..

ياللي لكل الفضايل في يمينك زمام *** ما بين راسك ويمناك الفخر مستديم ..

طيبك إلى ضاق ميدان الفخر بالزحام *** يصير للطيب كله يا بو خالد زعيم ..

يفخر بك الشعر وأنت أعز وأعلى مقام *** وتفخر بك الدار واللي في ثراها مقيم ..

يا كثر من يرفع يدينه لمنشي الغمام *** في تالي الليل يدعي من بخلقه عليم ..

يدعي بخفقات قلبه قبل نطق الكلام *** ويلح بدعاه للرب الكريم الحليم ..

يجزاك طول العمر ويزيل عنك السقام *** يا ماسح بعطفك الفيّـاض دمع اليتيم ..

الله يزيل الألم ويصير برد وسلام *** ويحفظ للأمجاد راع المنهج المستقيم ..

عيد الوطن والمواطن مثل عيد الصيام *** شوفتك عقب الغياب بقدرة الله سليم ..

اعجبتني كان ودي انزلها بعد صوت بس ماقدرت ..