[شروق يوم جديد]

السلام عليكم ورحمة الله وبركاته

انا في حيره ولا عارفه ايش اسوي بصراحه

قلت بقولكم اللي خاطري واخذ نصايحكم

عندي صديقة من ايام ماكنت رابع ابتدئي يعني معاااي وكان بيني وبينها صداقه ,
وكنا مع بعض بأيام الدراسه , وتفارقنا بالكليه لاني دخلت كليه وهي كليه ثانيه
بس كان بيني وبينها اتصالات ولا نقطع بعض

ولما انا تزوجت صرت اكلمها، والله العظيم بالساعات اجلس معاها

ولما انخطبت هي ، بأيام خطبتها اكلمها واقولها وين تروح وايش تسوي ومن هالكلام ,,
وبعدين تزوجت وصرت اسولف وياها عن كل شي ، يعني مشاكل الزواج ومن هاالقبيل
وصرنا نفتح موضوع الحمل بحكم اني ما حملت
وكنت اشكي لها ومن هالكلام ،


وكانت تقول لي انا الحين استخدم مانع للحمل قلت لها
ليش والله ترا مايصلح تأخذينه وانتي بكر ، قالت انتي مو عارفه ضروفي وبعدين قلت
صح صادقه وتأسفت لها ،،،


بعد سنتين او اقل من زواجها ، وكنت بهذي الفتره اكلمها وهي تكلمني ، ومره سمعت
صوت طفل عندها قلت هذا مين ؟ قالت هذا ولد الجيران ,وكملت سالفتي وياها


ومره اتصلت على وحده من البنات وكلمتها وسألتها عنها لاني اتصل عليها وجوالها
مغلق ،

والله اني تمنيت ماسمعت الخبر اللي قالت لي اياه عن صديقة الطفوله
تدرون وش قالت

" قالت هي طيبه والظاهر عندها ولد عمره سنه "

اقسم بالله اني انصدمت يعني مخبيه علي تخاف اني احسدها لاني كنت اتكلم عن
موضوع الخلفه

والله طاحت من عيني وقلت لزوجي

قال هذي مو صديقه بالعكس الصديقه هي
اللي تقولك كل شي مو تخبي عنك ويعني لو قالت لك اكيد راح تفرحين لها

قلت والله لو قالت لي غير افرح لها وكأنه انا اللي حامل مو هي

وصارت تتصل والله ما ارد عليها
وهي ماتعرف اني دريت عن كل شي ,,

المهم حبايبي هذي القصه كلها وابيكم تقولون رايكم ولو كنتم مكاني كيف تتصرفون ؟؟؟

[البارقه 2009]

لو انا بمكانك اتصل عليها بشي قليل ولا اعطيها اي سر من اسراري ولا حكه راس واذا كانت كذا من الاصل مااسئلها عن اي شي يخصها ابدا اتركيها وشوفي تتصل عليك ولا لا ...

[اللهم سهل امري]

اتصلي عليها وقوليلها انك عرفتي
يمكن هي ما كان قصدها انه تحسديها
يمكن ما كانت تبغا تجرحك ترا حتى لو فرحتي لها يمكن هي تحس انك راح تحزني لانك لسه ما حملتي

[شروق يوم جديد]

مشكوين


ربي يعطيكم الف عاافيه

" كثير قالوا لي صارحيها وقولي انك عرفتي وشوفي ردة فعلها

بس انا مو من هالنوع "

[املي بربي *]

اممممم مادري وش اقولك انا صارت معي نفس السالفه تقريبن انا اخت زوجي جابت ولد وام زوجي ماتجيب الولد عندي وتبعده عني معنى المانع من زوجي مومني وانا موضوع الخلفه كان بالنسبه لي شي عادي كل شي بيد الله والله يرزق من يشاء بغير حساب ....... اما صديقتك لانها يمكن هي تتخيل لو هي مكانك يمكن حسدتك لان هذي نظرة الحسودين وتصرفاتهم هذا طبعهم الله يهديهم اسفه على الاطاله

[بلاتين]

الله يهديها ,,,,,

[ضحكة حزينة]

والله صار معي نفس الموقف بس عن الاطفال
صديقتي ما خبرتني عن خواتها قللت من عددهم

بس انتي تأكتي ان هذا ولدها أسألي
أحد قريب لها لا تتسرعين في اصدار الحكم عليها
لانك قلتي ان ها الوحدة تقول
" قالت هي طيبه والظاهر عندها ولد عمره سنه "

يعني مو أكيد
حتى وان صار عندها طفل
صارحيها وقولى اني خذت في خاطري عليك
وأني ما تةقعتك بصدميني كذا

[شروق يوم جديد]

مشكورات حبيباتي

والله كلامكم عين العقل

بس هي اتصلت علي كذا مره ولا رديت عليها واخر شي اتصلت على بيت اهلي

لاني مو مقتنعه من داخلي اني اكلمها مره ثانيه

وتراني متأكده من ان معاها ولد الله يخليه لها

[ثــريــا]

السلام عليكم ورحمة الله وبركاته
يا اختي يمكن هي ما تبغي تجرحك
لكن تصرفها قوي صراحه

لا تظلمينها وقولي لها انك عارفه ان عندها ولد وشوفي ردت فعلها

[شروق يوم جديد]

وعليكم السلام ورحمة الله وبركاته

والله ما احد يدري عن ما في القلوب الا خالقها

ولا ادري اصلا نيتها

مشكوره خيتو