[هديل خالد]

السلام عليكم ورحمة الله وبركاته

انا مطلقه وثلاثينيه وغير موظفه قدمت بأيديني ورجليني ماحصلت
لكم ان تتخيلو ن كيف مطلقه ثلاثينيه وماتوظفت وماعندها عيال قمة الالم والقهر والفرااااااغ
ماقدرت اثبت وجودي ولا ذاتي لا في زواج ولا في وظيفه ولا في ولد صغنون اصير له ام
الزواج قسمه ونصيب الشكوى لله والوظيفه حسبي الله ونعم الوكيل على الواسطات
لو عندي وظيفه كان اقل شي اتسلى انفه عن نفسي اشتري اللي نفسي فيه
اغير جو لكن كل الابواب مسكره في وجهي والادهى من ذلك كله طلاااااقي
ماهمني الطلاق بحد ذاته همني نظرات الناس لي اعوذ بالله كأن فيني جرب قريباتي تزوجو كلهم تقريبا وصارو ينظرون لي اني انسانه حاسده حافده ماتمنى لهم الخير وانا الله يعلم اني مارفعت يدي ادعو الله لي بالخير الا دعيت لهم مثلي
صرت اكره اروح المناسبات ضعفت ثقتي في نفسي حسيت اني جد احسد من كثر ماصارو يخفون عني زواجاتهم وافراحهم
اذا سمعت وحده منهم بتتزوج يجيني ضيق وبكاء خوف من نظراتهم لي وتجنبهم لي بعدين صرت شاذه بين الكل
صار كن فيني مرض معدي انا ما ادري كيف يفكرون هذا قدر ونصيب مالي يد فيه
والله يابنات اني اجمل منهم واسنع منهم لكن نصيبي هذا ماقدر اعدله
ليه خلوني منبوذه ماني عارفه كانو قبل يتزوجون مثل السمنه على العسل الحين لااا
صارت كل الابواب متسكره في وجهي ادعي الله وربي ما استجاب ما ادري ليه ربي مايستجيب سبحانه فهموني ياعالم وش الطريق لاستحابت دعواتي مع اني والله اصلي في الليل وادعي الله واحلم احيانا مبشره واحيانا تخوفني الحلوم صرت بدوامه
ساعدوني الله يوفقكم