[Sabreena]

السلام عليكم ورحمة الله وبركاته

عندي موضوع واحترت وين اكتبه فخليته هنا لان المنتدى عام اذا مايناسب انقلوه رجاءً في الركن المناسب


انا ابغى استغل قعدتي في البيت اعطي دروس تقويه وتأسيس باللغه الانجليزيه للاطفال من روضه لخامس و بحكم اني دارسه والحين قاعده لاشغل ولا مشغله تطوعت مجانا بروضه وحبيت الشغل بس تعبتني المشاوير مره بعييييده بس الحمدلله رغم انها شهرين الا للآن يتمنو ارجع وتركت اثر جميل بنفوس المعلمات والاطفال والمديره وسمعتي صارت بكل المدارس اختي معلمه وسمعت ان فيه معلمه تطوعت واسست الاطفال وكذا تقول بعدين استوعبت انهم يتكلمو عنك هههههه هالشي اسعدني كثييير يعلم الله والحمدلله ع هالشي الجميل


اول شي الحممدلله انا عندي طولة بال ويناسبني تدريس الصغار عن الكبار
الشي الاساسي ابي نصايحكم
كيف الترتيبات لانه بالبيت بيكون وكيف الدفع اطلب مقدم ام مؤخر
انا افكر اخدها اسبوعيا ولهم الاحقيه بأخد المبلغ لو الطفل ما استفاد
وكمان كيف اخلي الاطفال على مراحل مثلا ثالث الى خامس نفس الدروس لانهم اكبر
وروضه لثاني دورس بسيطه عن اللي اكبر منهم والاختبار كل كم فتره
وكم عدد الطلاب اخلي بالحصه الوحده وكم اخد على كل حصه
انا بأخد مشورتكم واشاور مخي ههههه
كل اللي يخطر ببالكم قولوه احب استفيد من غيري
وسلامتكم