[الله اكبر سبحانه]

بسم الله الرحمن الرحيم*
السلام عليكم ورحمة الله وبركاته
بنات أنا( ريوم ) بقولكم استجابة الله تعالى لدعائي*
والله الذي لاإلاهو يابنات ماقدتمنيت شي ودعيت الله بشي إلا صار لي ولله الحمد*
دعيت الله بأشياء مستحيلة مستحيلة مستحيلة وتحققت ولله الحمد بعد كم شهر ونسيت إني دعيت الله فيها يعني شوفوا يابنات أنا نسيتها لكن رب العالمين مانساها (وعند الله لاتموت الأمنيات) لإني كنت أدعي الله وأنا متأكدة إن ربي بيحققها وكنت أحسن الظن بالله حتى لما تركت الدعاء ونسيت الأمنية ماتركته علشان الله ماحققها بوقتها بس نسيتها مع المشاغل
ومو بس هذا الشي دعيت الله كثير وأستجاب لي ولو بقولكم من هنا لبكرا ماأوفي الله تعالى حقه*
يابنات إنتي لما تجي تسألين (تسألين الكريم المجيب الملك المعطي الجبار)والله يابنات ربي مايردك خائبه دامك سألتيه والله غير يعطيك بس أحسني الظن وتأدبي مع الله*
إدعي بخشوع ولما تدعين خلي قلبك مع الله مو تدعين بلسانك وقلبك لاهي وغافل*
أنا الدعاء أسميه (السحر الحلال ) اللي تبيه يجيك مع الدعاء بس إدعي الله*
الإستغفار والله يابنات مر علي وقت كنت أمر بمشكله أنا كنت أشوف مالها حل كنت بس أبكي وأتمنى الموت لدرجة وربي يوم الخميس كنت أقول يارب بكرا تطلع الشمس من مغربها وتقوم القيامة من كثر ماكنت خايفه من المشكله والحمدلله مع الإستغفار المشكله بدأت تصغر وصرت ماأفكر فيها ياربي لك الحمد ولما أتذكر المشكله أقول سبحان الله والحمدلله ولا إله إلا الله والله أكبر ولله الحمد ربي ريحني منها وإرتحت*
والصدقه تصدقي بأي شي*
في بنات يقولون أنا ماأطلع من البيت*
نظفي البيت بنية الصدقة (إماطة الأذى عن الطريق صدقة)
إبتسمي بوجه بنتك .أختك .شغالتك.ولدك .أي إنسانه في طريقك*
أطبخي بنية الصدقه إرسلي لجيرانكم من الأكل*
إشتري كرتون موية ب14 ريال وكل واحد يشرب من المويه في البيت لك أجر بإذن الله حطي عند مخبز 20 ريال وقولي له اللي يجيك أعطيه ببلاش*
وصلاة الضحى (صدقه )*


يارب لك الحمد والشكر كما ينبغى لجلال وجهك وعظيم سلطانك يارب لك الحمد حمدا كثيرا طيبا مباركا فيه*

أسأل الله العظيم أن يحقق لكم أمنياتكم ويرزقكم الفردوس الأعلى*

اللي تبي تنقل الموضوع تنقله للفائدة*