[sama masr]

السلام عليكم ورحمة الله وبركاته

من فضلكم أنا كنت كتبت الرسالة دى فى الإستشارات النفسية فى المتندى و نصحونى الأخوات نصايح كويسة جدا بارك الله فيهن .. منها أخت نصحتنى بعرض مشكلتى فى منتدى الرقية الشرعية و دى مشكلتى ::

السلام عليكم ورحمة الله وبركاته

مش عارفة أبدأ منين ولا أقول إيه

أنا مشكلتى بدأت من حوالى 3 أسابيع كنت بجهز نفسى لآمتحان قرآن وفضلت أراجع كذا يوم ورا بعض .. كنت حافظة 4 أجزاء من أصل 7 اللى المفروض هامتحن فيه ... بسبب ظروف شغلى


فى يوم الإمتحان حسيت إن ذاكرتى اتمسحت .. وكان فى حفظ مش متثبت بس كان بييجى مع المراجعة .. لكن سبحان الله وكأنى عمرى ما حفظت .. فى نفس يوم الإمتحان كنت براجع سورة البقرة السماعات فى ودانى وانا بسمع معاها

لقيتنى ببكى مش عارفة ليه كنت عايزة أنام .. رحت الإمتحان والحمد لله رجعت بخفى حنين !!!! رغم إنى اتسألت فى حاجات حفظاها

وقلت لنقسى إنى أستاهل كل ده لأن التقصير من عندى .. كتير ما راحوش الإمتحان لأنهم مش مستعدين وأنا صممت أروح
لكى أؤدب نفسى على التقصير


ومن بعدها لقيت نفسى مش مواظبة على صلاتى رغم إنى الحمد لله مش بفوت فرض وبزعل جدا لو أخرته عن معاده ... مش عايزة أسمع قرآن ولا فى أى شوق إنى أفتح القرآن زى الأول وانا والله بحب القرآن جدا جدا ودلوقتى بحس إنى مش عايزة أروح ناحية المصحف أصلا .. (و أستغفر الله أستغفر الله لو قرأت مش عايزة أكمل )وده مخلى نفسيتى تعبانة ومدمرة .. كل يوم بالليل أفضل أبكى وادعى ربنا يفك كربى ويغفر لى لو كان ده بسبب ذنب .. والذنوب كتيييييييييييييييييير ... حاسة إنى فى كل يوم فى حالة أسوأ من اليوم اللى قبله ولا حول ولا قوة إلا بالله

أدعولى ياجماعة ولو حد عنده حل ياريت يساعدنى

-----------------------------
ليتك الموضوع http://www.22522.com/vb/showthread.php?t=351525