[الفنان التشكيلي]

الحمد لله والصلاة والسلام على رسول الله، وبعد:
أرجو ممن لديه رؤيا جديدة أو قديمة وسواء فسرت هنا أم لم تفسر في الشيخ الدكتور فهد بن سعود العصيمي أن يذكرها لنا هنا، وشكرا لكم .

[صافيا]

جميل موضوعك يا فنان

رؤاي في الشيخ كثيرة.. منها ما أذكره ومنها ما طوته هذه الدنيا. لكن أحب الاحتفاظ فيها لنفسي، فهي عندي كرؤاي الخاصة بوالدي مثلا، حفظه الله لنا.. وأعانه ربي وسدد رميه ووفق مساعيه

متألق كعادتك يا فنان

[عابر]

السلام عليكم ورحمة الله و بركاته

رايت منذ اشهر كانى احاول تفسير الرؤيا تبع السؤال 30 و انا جالس على سطح منزلنا
س/ 30 وهلا بكم ، وخذوا وقتكم، وتأملوا جيدا

و كان الشيخ فهد سعود العصيمى كانه يسكن قرب دارنا.
و بينما انا افكر فى تعبير الرؤيا و لقد وصلت الى تعبير, اذ بشخص زنجى اسمه-* خالد- و انا متشاجر معه منذ زمان فى الحقيقة* ينادى باعلى صوته على الشيخ و يقول له هذا تفسير الرؤيا -س30 يعنى-
فصحت انا باعلى صوتى و الله انى وصلت الى الحل قبلك و الله انى سبقتك و لكنك انت سبقتنى الى الشيخ, ثم نزلت من السطح و توجهة الى الشيخ - لا استذكر ملامح وجهه فى الحلم ولكن خيل الى فى الحلم انه هو- فوجدته جالس على كرسي و عليه لباس ابيض فدنوت منه و قبلت راسه و امسكت بيده و قلت له تعبيرى, فماكان منه الا ان قال لى أحسنت و لكن عليك بمراجعة جميع تمارين تعبير الرؤى الموجودة بالموقع تبعه.

[الفنان التشكيلي]

ورايت الدكتور فهد يسوق جمس ووقف وركبني معه قدام وكان فيه حريم راكبين ورا معنا وبينا وبينهم ساتر وسالت الدكتور سؤال بالانقليزي
قلت
can you explain dreams by english language?
هز راسه يعني ايه وانا اطالع فيه ولا اشوف الخط قلت له بكلم امي بقول اني رحت معك واخذ الجوال وكلمت امي قلت انا مع الدكتور فهد قالت وين راحين قلت لها دقيقه اسال الدكتور وسالته قال قل لها حنا رايحين للبر وقلت لها راحين للبر قالت الله يسهل امركم وسكرت الجوال
والله اعلم ...؟؟؟

[الفنان التشكيلي]

تحيه طيبه وبعد
بينما كنت نائم ليلة البارحه رأيت اني محرم ومتجه للحرم
وان في التوسعه والا هي تمطر بغزاره واتذوق الماء والا هو ماء زمزم
قلت سبحان الله كيف هذا يحصل
وانظر الى باب الحرم والا الشيخ فهد جالس مبتسم
قلت ما نزل الله زمزم من السماء الا اكيد فهد مبشر فيها احد
والله اعلم

[الفنان التشكيلي]

السلام عليكم ورحمه الله وبركاته
اخي الغالي الدكتور فهد
هذه الرؤيه من شهر
((رايت انك تكلمني على الجوال وتقول انا ودي اجيك قلت لك خلاص انا بجي امرك ورحت لك بالبيت واخذتك انت وولدك سعود ورجعنا لبيتنا ودخلنا المجلس وجلست قلت لي ورني صوره العروب وقعت ادور صورتها بشنطه جنبي وطلعت منها اوراق واجد وبين الاوراق فيه صوره لأبوي اخذتها تشوفها همن صوره لعمي محمد وهو لابس عسكري اخذتها وفيه فاتوره من جامعه الملك سعود قلت لي والله التوزيع كان فيه خير بس الحمد لله على كل حال يمكن بالامر خيره وطلعت لك صوره العروب واخذتها قلت انا كلامك صحيح همن قلت لي بس التحفيظ فيه خير اكثر قلت لك وش دراك انا كنت ناوي ادخل تحفيظ قلت لي لا انا بجيب لك التحفيظ قلت انا في نفسي الحمد لله الللي سخر لي خلقه هو يعرف ان عندي مشكله وشايل همي ولا نساني الله يرحم امه بعدين قلت لي وين ابوك ابي اسلم عليه وكانت حزة نومه ابوي قلت لك ابوي نايم همن جا سعود اخوي وسالته قلت له ابوي صاحي او نايم قال صاحي قلت قل له ابو خالد يبي يسلم عليك ناده قال طيب وانت كلمت ابوك واخوانك وجو لبيتنا كلهم وكان ابوك لابس بشت حلوووو مررره لونه اسود وجلس بصدر المجلس وانت بالطرف ونزل ابوي مفرع راسه وسلم عليكم وابوي جلس بالطرف الثاني قال ابوك عبدالعزيز الا بنشدك عن عبدالله ولدك وشلونه قام ابوي وجلس جنبي قال ابشرك بخير بار فيني وفي امه ومريحنا من اذيه العروب هو ابو العروب مو انا قلت انت بصوت عالي اسكت لا تتكلم وابشر بالخير وكن ابوي ما سمعك وانا نغزت رجله علشان ما احد ينتبه اني ناغزه علشان ينتبه لك وكررتها لا تتكلم وابشر بالخير استاذن اهلك وطلعوا وانت طلعت معهم اخر واحد ومسكت ابوي على جنب وقلت له يا ابو عبدالله الناس ما عاد ترحم احد انتبه مره ثانيه قال ابوي طيب وحب خشمك وطلعت انا معك وكنت لابس نعالي وابوك واخوانك بالسياره قلت لك ابو خالد خلني انا اوديك للبيت انت قلت علطول طيب انا فرحت ورجعت للبيت وفسخت نعالي وطلعت من البيت خافي وركبت السياره وكنت جالس على الكرسي الايسر وقلت لي عبدالله محد نقل لكم شئ قلت شلون نقل شئ كانك تتكلم بالرموز همن اشرت بيدك على شئ كبير ))
والله اعلم

[وردة السلطـان]

بسم الله الرحمن الرحيم ،،


أنا لم أر الدكتور فهد نفسه .. ولكن رأيت محمد كلاس ، ورأيت في هذه الرؤيا ذئاباً ..وجماعات قطط أتفاجأ فيها بـ فهد ..
رأيتها قريباً ,,

ولا أظنها أضغاث أحلام ..


شكراً لكم .

[ورد الريـاض]

السلام عليكم ورحمة الله وبركاته

شكرا اخوي الكريم / الفنان التشكيلي

موضوع رائع ويستاهل التثبيت

الله يعطيك العافيه

[مها]

السلام عليكم ورحمة الله ....

اخي الفاضل الفنان التشكيلي...

ما شاء الله عليك فكره رائعه تسلم بنات افكارك ...

موضوع رائع تسلم بارك الله فيك .....

اختك في الله ....

مـــهـــا.....

[ورد الريـاض]

	فيه رؤيا سبق وكتبتها اللي هي شفت الدكتور فهد وكأنه في التلفزيون وكانت شاشة التلفزيون كبيييره وكانت وحده من اقاربه مرسله له حلم لها عشان يعبره وكاتبه عبرها لي ياجابر الدكتور فهد حط الورقه على الطاوله وقال في الحقيقه انا اسمي موفهد انا اسمي الحقيقي جابر. شكرا يالفنان ع الموضوع