[ليلة قمرة]

بسم الله الرحمن الرحيم
السلام عليكم ورحمة الله وبركاته

اخواتي ... مشكلتي بأختصار اني ساكنة في شقة في عمارة ابو زوجي الله يعطيه العافية واخوانه وابوه وامه وزوجة ابوه في نفس العمارة كل عائلة لها شقة <ماشاء الله>

المشكلة ان ابنائنا كونهم ابناء عمومه ويعتبرون اخوة دائما يختلطون مع بعض في حوش البيت ويلعبون لكن غالبا اللعب يتحول الى معارك وانا عندي ولد واحد اذا تضارب مع واحد قامو الاخوان كلهم عليه وابني عمره 10 سنوات وهم اكبر منه وتصير احزاب وحركات تطلع اضغط غالبا يكون موقف ولدي ضعيف مع ان الحق معاه لكنه يضيع بينهم وانا استحي كل شوي انزل واخاصم واسأل ليه وماليه لأن لافائدة من هذا ماشفت نتيجة بالعكس يمكن يعادوه زيادة صرت احاول اني اكلمهم بعقلانية وافهمهم وبرضو مافي فايدة انبح صوتي بالدروس عالفاضي حسيت كأني اترجى رحمتهم وان طنشت انظلم ولدي كلمت امهم ماتقتنع لازم ان ولدي( هو اللي بدا على قولهم) مع ان ولدي ماهو مشكلجي فيه شقاوة عيال بس ماهو صعب
ما اعرف اضرب ولا اخاصم بأعلى صوتي ولا ابغا مشاكل يدخلون فيها الكبار مثل مايصير دايما قولولي كيف الحل نفسيتي والله تعبت اخاف اكثر شكاوي على زوجي ويثور وتتشربك العايلة بمشاكل اطفال
ارشدوني الله يعافيكم ترا ماكتبت الموضوع اللا بعد ماضاقت فيه ولادريت اش اسوي

[ام اليتيم]

عادي يقلبي ان شاء الله بسيطه انتي انصحي ولدك وقولي هم مثل اخوانك واشتري لهم العاب يلعبون مع بعض وانتبهي لاتخبرين زوجك تكبر المشكله خبري امهاتهم ان شاء الله يتفهمون وحاولي تمسكين ولدك عندك اذا تاخروا عن بعض يشتاقون لبعض وبس ان شاء الله اكون افدتك وادعي لي يالغلا الله يفرج همي

[ندى الجبلي]

انا ماعندي اولاد كبار ولا مريت بحالتك بس اتوقع لا زم يصير كذا انتوا ساكنين معاهم الاخوان في الشقه الوحده بعض الاحيان يتضاربون لمن يلعبون!! تتخيلين لعب بكل هدوء اتوقع بس في البنات
مو لازم كل شوي ينزل الحوش اشغليه بقرائة قصص هو يختارها اوخليه بعض الاحيان ينادي الولد اللي في عمره بس يجلسوا مع بعض او يروح مع ابوه وين مايروح واذا اصر ينزل الحوش ويلعب معاهم كلهم هو يتحمل لانه حيكون متقبل وراضي عشان كذا نزل مو حلوه انتي كل شوي اللي تتكلمين وصوتك اللي مسموع في العماره! ولا احد حواليك لا تنقهرين ولا تتعبين والله يصلحلكم الحال

[ندووووووو]

الله يمدك بالصبر والله قهر الام تشوف ولدها ينظرب او ينهزم قدامها
كثري له اخوان
ترى صح هذا الشي يقهر بس ترا ولدك بعدين يطلع اسد متمرس ويسير ياخذ حقه بيده
وانت ادعيله كثير

[مناااير]

اختي االغاليه _نصيحتي نصيحتي لك ان تكسبي هؤلاء الاولاد بالهدايا وتحببيهم لبعضهم وتدعين لولدك ان الله يسخرهم له وترى على ما قالوا (القط يحب خانقه ) انت يضيق صدرك وهو يزعل شوي بعدين يرجع يلعب معهم ما كنه صار شي وحاولي انك ما تتدخلين ابد ولا تكلمين احد وانشاء بيكبرون وتسير سوالف (مجربه)

[ليلة قمرة]

يا اكثر من خواتي والله نصايحكم هذي غسلت قلبي بالثلج ماتصدقون قد ايش نفسيتي تحسنت من قريت ردودكم
النقاط اللي اعجبتني ولا جات على بالي بصراحة هي:
1-تمسكين ولدك عندك اذا تاخروا عن بعض يشتاقون لبعض
2-لاخوان في الشقه الوحده بعض الاحيان يتضاربون لمن يلعبون!! خليه بعض الاحيان ينادي الولد اللي في عمره بس يجلسوا مع بعض او يروح مع ابوه وين مايروح
3-خليه بعض الاحيان ينادي الولد اللي في عمره بس يجلسوا مع بعض او يروح مع ابوه وين مايروح

للعلم اني ما اقدر اكثر كلام مع امي بها الموضوع اولا : لانها امي راح تتأثر وتتضايق ثانيا: امي الله يخليها لي حساسه وراح تشيل هم
واخواتي صغار اللي بعدي عمرها 15 سنة تخيلو عشان كذا ما ادخلهم في مشاكلي

مشكورات الله يعطيكم العافية

[ليلة قمرة]

فعلا ياخت مناير بعد الفوضى هذي كلها بكرة يلعبون ولا كأن شي صار لكن السيناريو يتكرر بعد فترة بسيطة

مشكورة حبيبتي

[أبولوطه الاردني689]

شـكــ وبارك الله فيك ـــرا لك ... لك مني أجمل تحية .

[ملكة بحجابي147]

حاولي تقربي اولاد اسلافك من ابنك يعني سوي لهم اكلة طيبة كيك مثلا او ايس كريم او اي شي يحبوه واجمعيهم عند في البيت .. حاولي تقربيهم من بعض عشان يحسوا انه ما في فرق بيهم لو تخاصموا يفزعوا لبعض هههه
ولو ما نفع هالحل..
امنعي ابنك فترة ما يلعب معاهم اشغليه باي شي خليه لما يطفش يروح لبيت اهلك المهم خلي الاولاد هذولا يحسوا انهم اشتاقوله وفقدوه بينهم..
الله يهديهم لساتهم اطفال وكنا صغار نتخانق شي طبيعي بس انتي اصبري

[ناضجه بفكري]

الله يعينك ويسر أمرك ويصلح والدك وجعله من حفظت كتاب الله ويشرح صدره ويجعل الايمان في قلبه اللهم آمين
أستغفر الله العظيم الذي لا إله إلا هو الحي القيوم وأتوب إليه
حسبي الله لا إله إلا هو عليه توكلت وهو رب العرش العظيم
سبحان الله والحمدلله ولا إله إلا الله والله أكبر