[سناوبرق]

صديقتي 0000. العزيزة للبارقة 2009 عندي عزيمة افطار يوم الأربعاء
واطلب منك يل الغالية اعداد الإفطار برايك ومشورتك
كما اطلب منك حبيبتي حركة جديدة مثل ذيك السنبوسة الذيذة.


انتظر الإفطار بشوق *

[البارقه 2009]

هلا وغلا بك طلب رخيص من شخص غالي ...
بتفطرين يوم الاربعاء الاعضاء ولامين ؟؟؟بعدين ليه ماعزمتيني ؟؟؟هههههه تراني امزح واللبيب بالاشاره يفهم ؟؟
ابشري وش تبين بصور ولا لا وانا اعرف صديقاتي ماراح يبخلو عليك
(اقسم الوظايف بينهم ؟يله يا[you]
يله كل وحده تكتب له شي جديد (من الفطور للسحور )

[سناوبرق]

يالغلا اخوي عنده عزيمة ومثل مانتي عارفة ان الي بسوي الفطور
ومعليش لو يسعدوني الي بالمنتدى كلهم
لكن ماراح استغني عن رايك يالغلا
قسمي الوظائف بين صديقاتك وأشوف فزعتهم على مائدة الإفطار *

[سناوبرق]

ياصديقاااااااات للبارقة افزعو ونزلو جديدكم واهم شي أنكم سبق ان اعددتوه



وستحبل بالصور


وراح اسوي قرعة وتشويه بإذن الله

[تيييم]

لعيون البااارقه
وتبشر سنا وبرق

الحلى الذي أحبه
حلى الشعيريه الباكستانيه لذيذ مره جربيه هيحبونه أهل بيتك

المقادير.
شعيريه باكستانيه حبه
كريم كراميل حبتين
قشطه ثلاث حبات
بسكوت شاي حبتين
دريم ويب ظرفين
نستله صغير
الطريقه:
نحمس الشعيريه حتى تحمر ثم توضع بالصينيه الكبيره



نحضر قدر نضع به كأس وربع حليب سائل نيدو ثم يغلي جيدآ ثم نضع الكراميل ونغليه دقيقتين
ثم نضع حبة قشطه ونحركه بالنشابه جيدآ وبعدين يوضع على الشعيريه الى بالصينيه ويخلط ويوزع جيدآ بالصينيه



نقوم برص البسكوت على الوجه جيدآ


وفي النهايه
نقوم بعمل الطبقه الأخيره وهي

نحضر الخلاط نضع به القشطه الحبتين ثم الدريم ويب الظرفين ثم النستله ويخلط جيدآ وبعدين يوضع فوق طبقة البسكوت

ويزين بالكاكو ثم يوضع بالثلاجه ليبرد



بالهناء والعافيه
دعواتك

[زينة الحلوة]

المشاركة الأصلية كتبت بواسطة البارقه 2009 هلا وغلا بك طلب رخيص من شخص غالي ... بتفطرين يوم الاربعاء الاعضاء ولامين ؟؟؟بعدين ليه ماعزمتيني ؟؟؟هههههه تراني امزح واللبيب بالاشاره يفهم ؟؟ ابشري وش تبين بصور ولا لا وانا اعرف صديقاتي ماراح يبخلو عليك (اقسم الوظايف بينهم ؟يله يازينة الحلوة يله كل وحده تكتب له شي جديد (من الفطور للسحور )

والله شفت إسم البارقه فز قلبي وبعدين شفت إسمي من عيوني لحم دياي سمك شنو تبون تشريب هريس جريش ورق عنب باميه محشي مسقعه شنو قولي وأنا أكتب هريس جريش بالطريقة الكويتيه مهلبيه عاديه أو قمر الدين ؟؟؟؟؟؟

[زينة الحلوة]

السلام عليكم ورحمة الله وبركاته
يلا لعيون بروقه
رز بشعريه أو لسان العصفور
نجيب العيش ونغسله نظيف وننقعه بماء بارد وقليل ملح ساعه نص ساعه
وبعدين نحط الجدر على النار ونضع قليل زيت ونحط الشعيريه أو ألسان العصفور ونحمرها تصير ذهبيه إلى بني يعني لونه معروف
ونصفي الماي من العيش ونضيفه على الشعريه ونقلبه قليلا حتى يتجانس وتنخلط الشعريه بالرز ونضيف ملح ونصب عليه ماء حار يغطيه 1سم تقريبا ونغطيه تقريبا 10 دقائق وبعدين نحط تحت الجدر حديده ونغطيه بالفوطه ونقصر على النار
وبعدين نحط في المقلى أو الطاسه ماعرف شتسمونها زبده ونسخنها ونحطها فوق العيش بيطلع طعمه روعه كأنه بوب كورن

ألحين الباميه
نجيب اللحمه ونغسلها وبعدين نحطها بماي حار نغليها غلوه أو غلوتين مع شويه فلفل أسود دارسين قليل هيل وبعدين نرمي الماي يعني نغليه قليل
نصفي اللحمه ونحطها على جنب
نجيب عصير طماطتين
راس ثوم بصل
معجون طماطم (صلصه)
نحط بالجدر زيت بعدين نحمر البصل وحط عليه اللحمه والثوم وقلبه شويه وبعدين عصير الطماطم وحركه وبعدين كمون وفلفل أسود بس(من غير كاري)وبعدين المعجون وحركه حتى تتجانس المقادير أجيب الباميه الصغيره وأضيفها وأصب بماي عليها من غير تحريك وخليه لين يغلي وتستوي اللحمه أقصر عليه وزسده ملح وبالأخير عصير ليمونه وسكره أوصبار(تمرهندي)وسلامتكم أي سؤال أنا جاهزه

[البارقه 2009]

رب يسعد الغوالي (يتما السنعه وزينه ام المزايين الصديقه الخاصه )
ابشري تبين السمبوسه (اعطيك طريقتها ولا اصلحها وتعالي خوذيها وطبعا جيبي لي من عشاك اذوقه )بكرى اكتب لك وماقصرن الحلوات وانا اعرف ماراح يقصرن
تبين حلا ابكتبه بكرى ان شاء الله

[وجدااااان]

آهلين أختي سناوبرق (^_^)
شوفي ياحبيبتي انا نزلت صور فقط
أهم شئ يكون على السفرة
التمر - والسمبوسة ( باللحم والدجاج ) واللقيمات والسلطة والبيتزا ومكرونة بالباشاميل
ولا تنسي العصيرات ( توت _ سن كويك بالبرتقال او تانج - ) واللبن طبعاً ..........

وإذا انتِ حابه شئ معين ( قولي ) ،،،
انا والبنات ما ارح نقصر ان شاء الله .

[البارقه 2009]

رب يسعدك جوجو (ههههه فرواله )تراها منكم جوجو كثري لها الشكر حبيبه المنتدى