[بنت دار ابو متعب]

حلقه ضيف الخيمه بشقتنا على بدايه اللي ماشافها راح عليه نص عمره
قسم بالله للحين فيني حرة شي يقطع القلب ويبكيه قبل تبكي العيون
الحلقه كانت اسمها ( والعافين عن الناس ) ღ
وضيوفها كانو الشيخ عبدالله السويلم والشيخ علي ال ياسين
الحلللللقه تقطع القلب
هي عن القصاص
ناس يحزنون واغلب اصحاب القاتل والمقتول قرايب اعوذبالله ومايعفون
صح انها صعبه بس وش بيفديك لو انك ماعفيت على الاقل العفو فيه خير للمقتول
ويمكن يكون سبب بدخوله ودخولك الجنه
اللي يحيي نفس فكآنما احيا الناس جميعا
فواز الحارثي
يقطططع القلب يوم يتكلم على اخوه حسين اللي مات مقتول
خرجو هو واصدقاه برحلة قنص وجاته رصاصه برقبته
ونعم الرجل والله

/
اتصل واحد اسمه ابراهيم السعدي وهو مسجون بقضيه قتل ومحكوم عليه عارفين مين القتيل أعز واغلى اصاحبه صدمه بالسياره تخيلوا صاحبه وهو يفارق الموت يقول اهرب يابراهيم لايمسكونك وتنسجن..ويعبرابراهيم عن نفسه بالميت
و يبببببببببببببببببببببببببكي اخر الاتصال قرا قرآن والصوت لا اله الا الله مؤثر
ونسآل الله انه مانفطر هذا اليوم الا ودخيل عفا عنه لوجه الله عز وجل
ياكريم يارحمن ياذا الجلال والاكرام يااارب فرح اهله فيه في هذا اليوم الكريم
ي رب ي رب ي رب لا تجعل شمس هذا اليوم تغرب الا وقد بشرتنا بالعفو عنه يااااااااارب

شوي اتصلت وحده وتقول انه اختها مسجونه لها سنتين
ام رزان وعندها خمسه ااولاد والله اعلم
وهي قاتله اخوها فهوشة على ورث وولد اخوها نايف
مو راضي يعفو عن عمته يعني لو راحت هالعيال بيتيتمون
والله قصص يشيب لها الراس
جوالات الشيوخ وغرم والباقين تعبت رسسايل وكلها طلب عفو
اتصل شخص اسمه ابو محمد
الله يسعده يارب ويرزقه الفردوس الاعلى بلا حسساب ولا عقاب يارب العالمين
هذا ابو محمد مسجووون له 13 سنه
تخيلوو 13 سسنه يقول اقسم بالله اني باليوم اموت مية مرا
ويحلف بالله العظظييم انه بالخطااا ويييييبككككي والله يقطع القلب
يقول الحمدلله اللي شفت امي ومن مادخل البيت سجد ...
قطعت قلبي القصه اللي جات على جوال الشيخ علي
واحس بقلبي حسسسسسرة
يقول واحد حكموا عليه بالقصاص
ومات قبل القصاص يقول امه خبلت
قاامت تدوور على القبوور تدووور ولدها
اعوووذبالله والله ماعاد فيه رحمه
على قول الشيخ عبدالله السويلم والله لو القصاص بيرجع المقتول
ما انصح اي احد انه يتنازل =(
العفو والصفح عن رقبه اعلى الدرجات لعل الله يعتق بها رقبتهم من النار
/
بكرة الحلقه الاخيرة من شقتنا
وباذن الله متفاائلييييين جميييع الشيوخ وغرم وفواز وحسن وفيحان وابو زياد وابو زناد وجميل بالعفوو
وكلنااا متفااائلين وننتظر حلقة بكرة
::


يَّ رب يااااارب بششششرنا بالعفو عنهم وعن كل مسسجون ياذا الجلال والاكرام
انك عفو تحب العفو فاعفو عنا وعنهم يااحي ياقيوم
لا اله الا انت سبحانك اني كنت من الظالمين


وهنا مقاطع عن مجمل الحلقه