[حلوة السعودية]

السلام عليكم ورحمة الله وبركاته
بنقلكم يابنات تجربتي مع خلطه نفعت شعري ولله الحمد وهي خالصه لوجه الله .
والخلطه وربي اني مجربتها .لتكثيف الشعر وتطويله وبقولكم قصتي مع شعري وبعدين اقولكم ايش سويت .
وربي يابنات كان شعري خفيف ولايطول الا بطئ وفي آواخر فصل الخريف تساقط شعري بشكل مخيف وخف اكثر من اول ومابقي غير انصلع فضاق صدري وظليت ابحث في المنتديات عن خلطات طبيعه .تكثف الشعر
فحصلت وحده الله يجزاها الجنه كاتبه خلطه للشعر وانها تطوله وتكثفه ب6ايام بس وانها مجربتها هي واخواتها فقلت ليش مااجربها عشان تكثف شعري وكان همي بس تكثر شعري ويوقف التساقط .المهم نقلت المقادير والطريقه بس كانت المقادير كثيره ومش متوفره عندي كلها فقلت أخلط الموجود عندي واستبدل الزيوت بزيوت ثانيه موجوده عندي فخلطت الموجود وزودت بعض المقادير وظليت استعملها تقريبا اسبوعين اوثلاثه وانا حطها على شعري في الليل واغسله الصباح والشامبو غيرته لشامبو بدون بلسم وكنت احط من الشامبو بصحن واصب عليه مويه واخلطه واغسل شعري فيها ولامشط شعري وهو مبلول اتركه لين ينشف تماما بعدين اسرحه استخدمها يوم بعد يوم والله الذي لاإله الاهو ان شعري كثف بشكل ملحوظ وقف التساقط وطول كمان وانا مالي الا كم اسبوع فقط
بعدين صار بدخول الشتاء ولما احطه في الليل يثلج ع راسي فتركته طول الشتاء والحين رجعت استخدمه بس هالمره مابي كثف ابي يطول اكثر واحسه طول اكثر عن اول
جربوها يابنات واذا نفعتكم ادعولي واذا مانفعت ارجوكم لاتدعون علي لأن الشعور تختلف مثل البشرات فالي ينفعني يمكن ماينفع غيري
واليكم المقادير
ربع كوب حلبه مطحونه +نصف كوب نوى تمر محروق ومطحون +بصله مفرومه +ماء بصله مبشوره +فصين ثوم مقطع +ربع كوب محلب مطحون +كوب زيت جوز هند +نص كوب زيت سمسم+ربع كوب زيت زيتون مقري فيه
أخلطيهم مع بعض في علبه وخليهم يوم كامل ومن ثم استعمليه _
انا يابنات استعمالي لهن الاول كنت حاطه الخلطه برا الثلاجه لأن جونا كان معتدل _اما الحين حطيتها بالثلاجه عشان البصل والثوم أخاف يعفن من الحر فلما ابي استعمله اخرجه برا الثلاجه نصف ساعه ثم احط منه ع شعري وارجعه والف شعري بإي حاجه قطنيه وانام وبس هذي الطريقه وان شاءالله تستفيدو مثلي
ملاحظه
يابنات اللي تبي خلطه البنت اللي تطول في6ايام ترى عندي وممكن انزلها .
وسلامتكم