[الأمـــــل]

ما ودي الناس تدري وش يبكيني !! من عز نومي صحيت وشفت في عيني

دمع تهادى على جفني وأنا غافي سترت دمعي بكمي قبل يغريني

وأخذت هذا الجسد من باقي لحافي وسريت تايه ورى خطوات رجليني

لا الوجه وجهي ولا أوصافي هي أوصافي أمشي وأقول لِـ طريقي لاتوديني

لِـ عيون ناس تبي تدري عن الخافي أمانتك .. خلها ما بينك وبيني

خابرك يالدرب خوة عمر وسنافي ما ودي الناس تدري وش يبكيني

كرامةالنفس ورث أبوي وأسلافي أمشي وأحس الخناجر في شراييني

والبرد يمشي وراي وينهش أطرافي وحيد والليل برده يغطيني

تقول كن البلد روح بها السافيإ لين ماأوحيت لي صوت يناديني

صوت أعرفه مثل ما أجهل وش خلافي قمت أتلفت وأنادي ... لا تخليني

ما غيره الصوت .. هذا صوته الدافي ولمحت زوله من أقصى الدرب لافيني

مدري وش أقول لكن حي هـَ اللافي تعال .. شف غيبتك كيف أثرت فيني !!

تعال .. شفني وأنا أغرق عقب مجدافي تعال .. خذني ورحبي من عناويني

تعبت أعدي على جمرك وأنا حافي تعال وإقطف بصوتك زهرة سنيني

كل المواعيد عقبك شمعها طافي تعال .. وإزرع خصل شعرك بكفيني

بضمها لين أحس بليلك الظافي تعال .. وش فيك خايف !!.. أنت ناسيني !!

قطعت صوتي عليك وطال ميقافي حتى بديت أشعرإن الحب معميني

وإن أنت حلم عثى فيني وأنا غافي لكن أمانه ترى اللي فيني كافيني

إن رحت منك كذا ما رحت متعافي بصدّق الحلم وأحذر لا تصحيني

فيخاطري كلمتين وإن قلتها كافي أمانة الله عليك إن غبت عن عيني

لا يكون قلبك مثل قلب الزمن جافي مع كل دمعه تذكر رعشة يديني

ومع كل ضحكه تذكر قلبي الوافي ..

[عروب2009]

قصيده رااااائعه يعطيك العافيه

[الأمـــــل]

المشاركة الأصلية كتبت بواسطة عروب2009 قصيده رااااائعه يعطيك العافيه

مرورك الاروع غاليتي

[اللهم حقق امنيتي]

تعال .. شف غيبتك كيف أثرت فيني !!

تعال .. شفني وأنا أغرق عقب مجدافي تعال ..
خذني ورحبي من عناويني
رائــــــعه,,,شكراً على النقل الرائع

[فله الهاجري]

شـكــ وبارك الله فيك ـــرا لك ... لك مني أجمل تحية .

[برآءة]

سلمت عالقصيدة..

[لوليتا%]

شـكــ وبارك الله فيك ـــرا لك ... لك مني أجمل تحية .
مرة حلوووووووووووووووووووووة

ما ودي الناس تدري وش يبكيني !! من عز نومي صحيت وشفت في عيني


راااااااااااااااااااااائع ماشاء الله ...سلمتٍ ع الطرح

[أم بندر محمد]

روووووعه شكرا

[josline]

ما ودي الناس تدري وش يبكيني
كلمات رائعة الف شكر