[ـ أم عبدالرحمن ـ]

على لسان صاحب القصـّة:
حبيت أحكي لكم اليوم عن خطوبتي، وبالتحديد أول يوم رحت أشوف فيه خطيبتي ..
طبعاً البنت راقية وسنوياً تطلع مع أهلها إجازة أستجمام في سويسرا .. وأهلها أغنياء جداً ماشاء الله .. لكن فيهم تواضع جميل، وماينظرون للمظهر بقدر ما ينظرون للجوهر .. وهذا إللي خلاني أتجرّء وأخطب بنتهم .. ووافقوا الحمد الله لأسباب أمنية ..
المهم جاء اليوم المهببّ ـ بالنسبة لي ـ واللي هو يوم شوفة البنت .. طبعا أنا آخر بنت شفتها هي بوسي أيام التلفزيون الأسود والأبيض .. بعدها إنقطع البث التلفزيوني عن حارتنا وصار ما فيه صور ترمز للأنوثة في مخيلتي غير أمي وخواتي الله يحفظهم .. والباقي شنابات ..
المهم أنا مو متعود أشوف بنت قدامي بدون عباية .. أو حتى مطلعة عيونها .. كيف عاد إذا شفت بنت لابسة فستان من باتشي وتسلم عليّ؟ طبعاً أكيد راح أهبّب .. وفعلا هذا إللي صار ..
الوالدة الله يحفظها عارفتني الذوق بدولة وأنا بدولة .. عشان كذا كانت هي وخواتي كل الليل يعلموني الإتكيت وفن التعامل مع الآخرين، وكيف أحكي مع البنت الذوق .. طبعا كنت متكشخ على الآخر .. لدرجة العطر أستعملت علبة كاملة، حتى الجزم ـ الله يعزّكم ـ عطرتها ..

المهم رحت لهم البيت .. وقبل ما أوصل بيتهم وقفت عند محطة وشلت الحذاء ولبست كندرة ـ أعزكم الله ـ كنت مخبيهم آخر شيء لإنهم جدد وما أبغاها تتوسخ والبنت ما شافتني لابسهم .. طبعا إكتشفت إن الكندرة إللي أنا لابسها ضيقة بشكل لا يطاق .. بس إيش أسوي .. أختي موصيتني تقول: لازم تلبسها، ما أبغاهم يشوفوا اصابيعك إللي زي الفطر.!! والله مافيهم شيء حلوين .. بس هي دقيقة بزيادة.!!
المهم لبستهم ودخلت بوابة القصر بالسيارة .. ودعست ورد، ما دريت أحسبه أسفلت .. طلع مسطحات خضراء ..
المهم وقّفت السيارة ونزلت .. ومشيت للباب الداخلي للبيت .. طبعا إللي يشوفني وأنا أمشي يقول هذا أكيد عنده إعاقة أو يعاني من عاهه أبدية .. طبعا بسبب إنّ الكندرة ضيقة مرّة، ومو قادر أمشي والله .. بس قلت يالله كلها كم خطوة وأفسخها .. إستقبلني أبوها عند الباب الداخلي للقصر ورحب فيني أشد ترحيب وأصر علي إني أدخل جوات البيت بالجزمة ـ أعزكم الله ـ وقال هم يسوو كذا لأن أرضية البيت رخام .. طبعاً دخلت للبيت وأمري لله، مجبراً أخاك لا بطل، ولما وصلت نهاية المجلس كان الدم محبوس في سيقاني ومتجمع في الركب ورجولي ناشفة ما فيها دم ..
طبعا قدمو لي الشاي والقهوة .. وكان الشاي تبعهم مررر بشكل لا يطاق (أختي تقول السكر تلاقية مكعبات في علبة كريستال.!!) .. المهم بعدها قالي أبوها: إنت مستعد؟ أبغى أنادي البنت .. قلت: لا والله ما تناديها إجلس يا رجال خلني أسمع علومك .. 'طبعا أنا مرره مستحي وأبي أتهرّب'
قال: إنت جاي تخطب ولا تسلم؟ قلت: طيب لازم أشوفها؟ عادي ما عندكم نمونة ( أختها الصغيرة مثلاً )؟!! قال: لا ما أبغاك تقول ما شفتها .. قلت: أستحي.!! قال: عادي بجلس معك .. (قلت بقلبي: هيك ما أستحي صدق.!!)

طبعا قام ونادها .. أنا كنت جالس أتأمل في رجولي من الحياء .. ما أسمع إلا كعب البنت وكان مع كل طقة للكعب 10 طقات لقلبي .. لين جلست قريبة .. كان قلبي شوي ويوقف ..
قالت: السلام عليكم ..
أنا إرتبكت ورديت عليها وقلت: السلام عليكم.!!
طبعا أنا من هنا بديت أهبب، لاني أشوف سراب فستان بنت على الأرض جالسة قدامي .. وطبعاً كنت ما زلت أتأمل برجولي من الحياء ..
قام أبوها قالي أتكلم معها عشان تقدرون تشوفون بعض ..
قلت : أأأأأأأأأأأأأأأأأأ .. أأأأأأم م م م م م م م .. كح كح .. ثم سكتت ..
قال: إسئلها طيب ..
قلت بسرعة: ماعندي أسئلة ولا شروط والله!! ههههههههههه.!!
قال: طيب إسئلها وين تدرس؟
قلت: عارف .. سنة ثانية في الجامعة ..
قال: إسئلية إنتي .. ما ردّت عليه، وكانت مرة مستحية ..
قام قال: يالا إسئلية عشان يشوفك ..

ـ طبعا أنا في هالأثناء جاني ضعف حاد في حاسة السمع ـ
قامت سئلتني: إنت مدرس؟
قلت: لا أنا ما أدرس ( أحسبها تقول أنت تدرس )
ـ إبتسمت ونزلت راسها ..
قالها أبوها: إرفعي راسك يالا واسأليه ..
إستحت في البداية بعدين قالت: كم عمرك؟
قلت: 8 الآف ( أحسبها تقول كم راتبك )
ـ هنا أبوها مات ضحك .. وهي كمان ضحكت شوي وهي مستحية .. طبعا أنا ما أدري وش السالفة.!!
بعدها كانت بتقوم، لكن أبوها أجبرها تجلس لإنها كانت مرّة مستحية وكاتمة ضحكتها ..
بعدها قالها: يالا كملي ..
قالت: متى أنت متخرج؟
قلت: في الأجازة الجاية، أو زي ماتحبون ( أحسبها تقول متى تبغى نتزوج )
ـ طبعا هنا إنفجر أبوها من الضحك .. والبنت صارت تضحك وأستحت وقامت تركض ودخلت البيت ..

طبعا أنا قلت أكيد شكلي فيه شيء غلط، قلت يمكن عقالي يضحك زي العادة 'مفتوح أقصد' .. أو فية صرصار رايح جاي على راسي .. بس قلت لا، بيتهم قصر وأكيد ما فيه صراصير ..
لما خلص أبوها ضحك قالي: هاه أعجبتك البنت؟
كان نفسي أقول حلوة بس أخاف يذبحني .. قلت له برسلك ردي على الجوال .. ثم إستاذنت وطلعت وأنا مدري ليه يضحكون.!! لين هي علمتني بعدين ..
بس بجد يا ناس مجلسهم ما شاء الله كبير ومترامي الأطراف، لدرجة إنو المسافة إللي بيني وبين طاولة الشاي تقريبا مساحة ثلاجة ..

[..توأم رونالاااا..]

موفق بإذن الله ... لك مني أجمل تحية .

[لوليتا%]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[غرام الليل]

موفق بإذن الله ... لك مني أجمل تحية .

[؛؛رونالاااا؛؛]

شـكــ وبارك الله فيك ـــرا لك ... لك مني أجمل تحية .