[ام فهودي]

بسم الله الرحمن الرحيم

السلام عليكم ورحمة الله وبركاته

كيف حالكم يابنات انا فيه موضوع محيرني ومضايقني بنفس الوقت ... ومالي بعد الله إلا انتم واتمنى تنصحوني وتعطوني حل للمشكله ... لانها مضايقه زوجي . ومش عارفين ايش انسوي .. وقلت مالي إلا حبايبي في المنتدى يفيدوني..
الموضوع باختصار .زوجي عنده دوره في لندن 4شهور وبيروح بأذن الله شهر 10 بدايته ... وانا ادرس بالجامعه .. وزوجي محتار مايقدر يعتذر لان الدوره اجباري ويقول اخاف مايوفرون لك تذكره والمعيشه غاليه هناك ... والمشكله انا قلت له ماودي اكون عثره في طريقك ..بس انا اسكن الرياض وماعندي احد ولا اقارب واهلي في مدينه ثانيه.. وماعندي امي ووالدي كبير في السن وصعبه يجي عندي .. واخواني كلهم متزوجين ولاهين باشغالهم ... وصعبه جدا اجلس لحالي 4شهور بدون احد وغير كذا انا متعلقه بزوجي مره ومااقدر اصبر عنه كل هاالمده ..تكفون اللي عنده رأي او حل يساعدني وله جزيل الشكر... والله اننا مهمومين بسبب هذا الموضوع... وانا ودي اخذ دورة لغه هناك وزوجي يقول مستحيل اوافق تدرسين مع شباب .. ساعدوني الله يفرج عليكم .. ارجو ماتبخلون علي بالرد

[الرومانسيه1234]

وعليكم السلام ورحمة الله وبركاته
طيب ليه ماتروحين معاه وتتسحبين ترم من الجامعه ومو لازم تاخذين دوره لان مايصير تكوني مع الشباب لان الواحد يخاف من الفتنه.
واتمنى اكون افدتك

[اللهم سهل امري]

راي من راي الرومانسية

[راجية رحمة ربها11]

حبيبتي
ولا مشكلة ولا حاجه انتي شوفي لو يقدر زوجك ياخذك اعتذري الترم الجاي و روحي معاه

او اتفقو انه يروح اول و يرتب اوضاعه بعدين تروحين له انتي

و اذا مره مو قادر استودعيه الله و اعتذري الترم هذا و سافري عند امك و ابوك

الله ييسر لك اللي فيه الخير

[ام فهودي]

الله يجزاكم خير على التفاعل معي بس انا ماعندي ام وابوي عايش وحده ...وانا ماعندي مشكله اعتذر عن الدراسه ... ولاهي همتني الدوره في بريطانيا .. بس انو اجلس 4 شهور بدون احد صعبه .. وزوجي يقول ماتروحين عند ابوك خليه هو يجي عندك .. ومااتوقع ابوي بيوافق .. تكفون الي ماعنده حل يدعي لي بالفرج

[شروق الحياة]

السلام عليكم ورحمة الله وبركاته

الله يفرجها لك اختي بس يعني اذا ماتبين تروحين مع زوجك وابوكي ما يبي يجي عندك ما في جيران مثلا يعتمد عليهم ممكن تكون جاااارات في مثل عمر امك كبيرة بالسن تسأل عنك او بناتها في عمرك او اصغر شوي ينااااامون عندك ترى في نااااس كثييييير الله يسخر لهم جيرااااااااااان حبيبتي والله يسيرك امورك .....

[اللبوه]

الله يفرج همك وهمي وهم كل مهموم الزمي اختي الاستغفار فان له فرج بإذن الله

[راجية رحمة ربها11]

الله يفرج همك عزيزتي

و لا يهمك بتفرج ان شاء الله

و ان شاء الله زوجك ياخذك معاه

مع انو لو تروحين عند ابوك برضو شي زين انك تبرين فيه و تونسينه

او عند احد من اخوانك المتزوجين اكيييييد انهم يبغونك تجين عندهم

الله يفرجها عزيزتي

[عاشقه الشمال]

ام فهوووودي اطلع مع زوجك بدووون دراسه واجلي ترم من دراستس والله يوفقتس ويخليه لتس يارب والحل اطلعي معه والمعيشه بتتيسر هنننناك مشي حالكم وبتمر هالشهور في غمضه عييييييين

[.نور.]

روحي مع زوجك بدون ما تدرسي, مع اني سامعه انه في سعوديات فاتحين لهم فصول بدون رجال هناك, مو متأكده من المعلومه بس انتي روحي معاه وشوفي الاوضاع هناك اذا في مجال تدرسي من غير شباب او خلاص خليك اهم شئ تكونين مع زوجك.

والله يفرجها عليك ياارب.