[القهر>>]

بـسم الله الرحـمن الـرحـيم





بدون مقدمات أنا ودي اتكلم عن صور البنات الي صايره تنتشر بكل مكان ..
اتمنى من اي احد يشوف صوره بنت على طول يمسحها لأن البنت بتروح فيها وتتشوه سمعتها
إذا انتشرت صورتها ويمكن تتركب الصوره على صور ثانيه مخله للأدب وغيره من المشاكل
لو نتكلم من اليوم الي بكرا ما راح نخلص
بعض الناس بيقولون أصلاً الغلط على البنت ليش تصور ؟ وليش وليش ؟
ما اتوقع الحين وبالوقت هذا فيه بنت ما صورت سواً بكاميرا عاديه أو جوال كلنا نحب نصور بمناسبه
عيد أو زواج أو تخرج أو بدون مناسبه بعض البنات أنتشرت صورهم بسبب جوال أنسرق أو لابتوبها أخترق
أو أرسلتها برساله وسائط
تخيلي هالصوره لك أو لوحده من قريباتك أو صديقاتك أو أنت تخيل هالصوره لاختك أولامك أو لزوجتك أو لوحده
من معارفك وش بيكون موقفكم أذا شفتو هالصوره بجوال ولد جالس يوزعها على شباب أو باحد مواقع النت
أو احد حاطها صوره له بالمسن أو بالمنتدى او خلفيه لجهازه

قال الله تعالى:(أن الذين يحبون أن تشيع الفاحشة في الذين أمنوا لهم عذاب اليم في الدنيا والأخرة)تكفون اللي ما ترضونه على انفسكم لا ترضونه على بنات الناس لذالك أطلب منكم تمسحون أي صوره بنت تشوفونها
بجوالاتكم أو بجولات غيركم تحسون أنها صوره بنت عاديه مو فنانه ولا ممثله أكيد بتقولون أذا انا مسحتها
ما مسحها غيري هي منتشره منتشره أنت أو انتي ما عليكم من غيركم سوو اللي عليكم صدقوني راح تؤجرون عليه

قال الرسول صلى الله عليه وسلم:
" ومن ستر مسلماً ستره الله في الدنيا والأخرة والله في عون العبد ماكان العبد في عون اخيه "
وعن أبي هريرة رضي الله عنه عن النبي صلى الله عليه وسلم يقول: " لايسترعبد عبدآ في الدنيا الا ستره الله يوم القيامة"
كلنا نبي الستر بالدنيا والأخره لذالك حب لأخيك ما تحب لنفسك
( يارب استرنا فوق الأرض وتحت الأرض وعند العرض )
ان شاء الله نكون قد هالحمله وفعلاً نمسح اي صوره توصلنا قال الله تعالى:(وأفعلوا الخيرلعلكم تفلحون)

وقال الله تعالى:(وما تفعلوا من خير فأن الله به عليم )
أتمنى ترسلونها لكل اللي عندكم ومالكم الا الاجر