[طارق الحسين الحميدي]

والله لو تزرع مع الحلم بستان .. تذبل وردوك من كتايب غباري
كم لي أنادي وانت مقفي وزعلان .. واليوم بقفي وانت دور بدالي

قد قلت لك قبل أفترقنا مع الدان .. بتعيش خاسر لو تفارق خيالي
دفترك أصبح من عقب فرحك أحزان .. وأبتل حرفك من دموع الليالي

طارق انا يا صاح وأرجع لغوان .. اسأل رمال البحر وأسأل تلالي
واسأل شقيق العز لو تعرف أنسان .. أهدى ثراها من جميل القوافي

مديت لك في الحب كفي وأحضان .. ومديت لك بالغيب كفي ودعائي
وأجيت لك بالعذر يوم كنت غلطان .. واهديت لك عقب الهواجر دلالي

تعالي أذكري يوم أحتضنتك في جيزان .. وألا برد أبها ودفئ الليالي
وألا الخبر يا كحل عينك به اوزان .. كل ذكرياتي تختزل في سؤالي

اما المدينة يوم صوتك به ألحان .. أطربت قلبي وقلت هيّا تعالي
جنبي قريّب كل عمري انا زان .. يومين في مكة بحضني تنامي

أيدي في أيدك طايف الفرح تزدان .. كل الفرح واحلى النسايم شمالي
بذكرك من بحر جدة لنا ألوان .. ألوان طيف الفرح وانتي معاني

شوفي أفترقنا ومن هو اليوم خسران ؟ .. انا وأنتي إللي خسرنا كتابي
كتاب عشق الكون في روح أنسان .. وأللي ربح واحد تمنى الفراقي