[يارب حقق لي حلمممي]

بسم الله الرحمن الرحيم

السلام عليكم ورحمة الله وبركاته

ابي منكم المساعده مره خايفه و شايله همم

بنت خالي تقدم لها شخص مو من اقاربنا وصار الشوفة الشرعية ورفضت وبعد اسبوعين تقريباا تقدم لهاا اخوي ووافقت صارت الملكه والشبكه وكل شي كان تمام هذا الكلام العام بشهر 11 وعلى بداية السنة راحت زواج مع امهاا وفي وحده من الحاضرين عجبتها بنت خالي وكلمت امها على انها تخطبها قالت لها بنتي مخطوبه ولما رجعت البيت تحكي اخوي عن الفرح وتقول رقصت وانبسطت مره كان حلو الزواج وكان هذا الزواج يوم الخميس وبعدها زاد تعبهاا ووزنها نقص لانها مابتاكل وكل يوم خميس تتعب اكثر صارو كل اهلها يخافو من يوم الخميس وداها اخوها المستشفى قالو سليمه مافيها شي جابو لها شيخ يقرا عليهاا يوميااا وكل يوم يزيد تعبهاا لمدة 5 شهور وفجاءة ارتفع عندها الضغط ووقف قلبها ودوها للمستشفى وانعشو قلبها وهي الحين تحت الاجهزة طلعت ميتة دماغيا
لها 22 يوم ويقول الدكتور اللي مسؤول عن حالتها ان هذي الحاله تبان اعراضها في 12سنة
وللحين مو عارفين ايش السبب ولا حتى لقو تشخيص لحالتها ..

كل اللي نعرفهم اخذنا من اثره بس ماتغير شي ؟؟ يمكن يكون من نفس اللي خطبتها بالزواج؟؟
اللي مرت عليه / ها , مشكله زي كذاا يقول لنا ؟؟؟

اللهم اشفيها وارفع عنها يارب

انتظركم

[غيوم ممطره]

لاحول ولاقوة إلا بالله,,الله يشفيهاويسبغ عليها العافية

من خلال قرائتي للموضوع اعتقد انه فيها عين(نظرة)قوية,,وإذا كان أمها تعرف هالحرمه اللي كانت ودها تخطبها ,,وتقدر تاخذ من أثرها لاتتأخر,,وإذا ماقدرت تاخذ من أثرها خليها تكلمها وتصارحها باللي صاب بنتها,,,وياليت تجيبون لها شيخ ثقة يقرأ عليها.

الله يكفينا شر العين والحسد.

[أحساس شاعر]

لازم رقيه شرعيه جيبو لها شيخ يقرأ عليها والله يشفيها لكم

[{بــســمــه~]

أسأل الله ان يشفيها شفآءآ لايغآدر سقمآآ..

أختي مادام تعرفون المرأه اللي بتخطبها جيبولها من أثرهآآ ...

الشي الثآني (داووا مرضآكم بالصدقه )

الصدقه والاستغفآآآر والدعآآء ..


ويآليت تجيبون من أثر الحرمه ..


ربي يقومها بالسلامه..

[يارب حقق لي حلمممي]

جابو لها تقريبا 5 شيوخ يقروا عليها من ضمنهم الشيخ صالح المغامسي

بس المشكله الام ماتعرف الحرمه اللي كانت بالفرح

بس في سؤال شاغلني

نقدر نمسح عتبة باب القصر ونمسح لها راسها منه لانو مر على الفرح 5 شهور تقريباا ؟؟؟؟

الله يجزاكم خير

[يارب حقق لي حلمممي]

اهلها كل يوم يتصدقو عنها وبندعي لهاا والله كريم

يعني يمكن اللي صار فيها من الحرمه ..؟؟

[{بــســمــه~]

طيب حآولو تمسحون عتبة القصر وأسأل الله انها تفيدكم ..

طيب اختي حآولي ان كل يوم احد من اهلها يرقيها ...يقرأ عليها آيآت الرقيه

وبهذآ الخصوص أسألي الشيخ سعيد العمودي يمكن يقدر يفيدك ..

أسأل الله ان يشفيها شفآءآ لايغآدر سقمآآ..

[غيوم ممطره]

نقدر نمسح عتبة باب القصر ونمسح لها راسها منه لانو مر على الفرح 5 شهور تقريباا ؟؟؟؟

في هذي ما اقدر اقول شيء ,,وان شاء الله تلقين اللي يرد عليك في هالمسألة

لكن كلامي لك ان أمها تحاول تروح عند أهل الفرح وتسألهم عن الحرمه اللي كانت بتخطبها ..أو تسألهم عن معازيمهم ذيك الليلة ,,وتعلمهم أوصاف الحرمه وان شاء الله تبشرينا عنها بكل خير.

[يارب حقق لي حلمممي]

كل يوم الشيخ يقرا عليها سورة البقره وبعض من سور القرآن

اخذنا من اثر عتبة باب القصر بعد صلاة الفجر اليوم ,,

[يارب حقق لي حلمممي]

المشاركة الأصلية كتبت بواسطة غيوم ممطره نقدر نمسح عتبة باب القصر ونمسح لها راسها منه لانو مر على الفرح 5 شهور تقريباا ؟؟؟؟ في هذي ما اقدر اقول شيء ,,وان شاء الله تلقين اللي يرد عليك في هالمسألة لكن كلامي لك ان أمها تحاول تروح عند أهل الفرح وتسألهم عن الحرمه اللي كانت بتخطبها ..أو تسألهم عن معازيمهم ذيك الليلة ,,وتعلمهم أوصاف الحرمه وان شاء الله تبشرينا عنها بكل خير.

مشكلة امها انها ماتشوف وماتعرف من هي الحرمه ..