[بلاتين]

مساء الخير على الجميع , احترت وين أكتب مشكلتي في أي منتدى فما لقيت أفضل منكم (( لأن ما شاء الله الأعضاء واعين ومثقفين ويحبون الخير وما راح ألقى أصدق منكم)) , بصراحة مو عارفه من وين أبدأ مشكلتي ,, هي طلب مشورة ونصيحة وتعبير رؤيا .. الحمد لله تخرجت من كليه الصيدلة (( بمعدل حلو وبمرتبه شرف ولله الحمد)) من فتره وقبل ما أقدم على الوظائف حلمت بحلم غريب ,, طبعا قبل ما يقتل القذافي ,, حلمت إن أتباع القذافي أخذوني وقالوا فيه حرب ولازم تعالجي المرضى وأنا كنت ما أبي بس لأني كنت خايفه منهم رحت معهم للمستشفى وجلست أشوف المرضى على الأسرة في الإسعاف (( كسروا خاطري )) وكنت أطالع أدور دكتورة علشان اسألها كيف أساعدهم وللأسف ما لقيت , لقيت أحد الدكاترة يشوف أحد المرضى وكنت أبي أسئله كيف اساعده لأني شفت مرضى كثير وما سألته (( لأني طبعي خجول جدا )) فجلست أطالعه انتظره يعلمني من نفسه ,, ومن بعدها حلمت حلم وكتبته هنا وللاسف ما تفسر,,
http://www.22522.com/vb/showthread.php?t=263532
وطبعا قدمت على أكثر من جهة من بينها جامعتي وقبلتني وشرطت علي إني أكمل ماجستير ودكتوراه خارج المملكة في قسم أكرره جداً جداً وفاشله فيه ولا يمكن افلح فيه (( يبون توقيعي على العقد )) وبصراحة أنا عندي أكثر من عين في الدراسة يعني على طول امرض واكتئب وطول الوقت أبكي وما أطلع من البيت وغالباً ما أمرض بمرض قوي ليله الاختبار وما أحضر,, وفي نفس الوقت قدمت على مستشفى العسكري وانتظر الرد ,, وكمان مستشفى الأمل (( حلو إن ما فيه اختلاط )) وكمان قبلوني وبقى التوقيع , وقدمت كمان على مستشفى الإيمان وقبلوني (( خفت لأن كثير ذموه )),, المهم استخرت وما رسيت على بر ,, وكل شوي ااجل التوقيع ((خايفه من أحلامي ولأني ما حسيت بشيء في الاستخاره )) ,, أهلي يبوني أختار ولي آخر مهله ليوم السبت ,, ماأدري أي جهة أروح لها وأوقع معها ,, طبعا مستحيل أوقع قبل مااخذ شوركم ,, وشرايكم ؟؟

[نورخلود58]

شـكــ وبارك الله فيك ـــرا لك ... لك مني أجمل تحية .

[البارقه 2009]

حياك الله ،،،،
أولا عليك بالاستخاره والدعاء ,,وربي راح يختار لك الخير وين ماكان وثقي بالله وتوكلي عليه
من رأيي تأخذي المكان الذي أرتحتي له وفيه أمان لك (وخاصه غير المختلط )ضعي عليها مليون خط ،،،وشوفي اي هذه الاماكن أرتحات النفس لها عند الدخول لها
الله يوفقك ويكتب لك الخير وين ماكان ،،،،،

[اللهم سهل امري]

بالنسبة لي لاني احب الشخص ا لطموح ولاني انا احب اكمل دراسة كنت راح اقبل الشغل في الجامعة
الله يوفقك ويسهل عليكي الاختبار ويكتب لك الخير فيه