[ياهم تكفى ابعد]

.

مشاعر من ترانيم الماسة والشآعره
ابعــــاد التركي

ياطير يا اللى على المشراف لك جره
تعاف نزل الوطا وتعانق القمـه
تموج حد السما والارض مخضره
يدله معاك الحزين وينجلي همـــه
جزم عزوم تريح البال وتســـره
في هدتك تنثر الخفاق وتلمـــــه
قلب الهواوي معاك يغادر امقـره
لولا ضلوعه00 وساع البيد ماضمـه
لا اقبلت شيخ يحب الشعب ويبــره
واليا تعلّيت نجـم0 ويمّتـك 00 يمـه
ولا فعت من ماكرك ثم خذت لك فره
يزمك الوجد للصمان وتزمـــــه
الديره اللى بوبل الغيث مسمره
ريحه نفلها يتل القلب ويخمــــه
داري ولا جا لها النسيان لو ذره
لها سلام جميل وافين كمــــــــه
يا طير روحي مع راعيك منجــره
هاك السنافي كريم الاصل والذمـه
اهيم لو ينذكر طاريه مغتــره
ويفز قلبي على طاري بنى عمـــه
يا طير قله يشوف الحال لو مـره
راعيك ما هو بيمي مير انا يمـه
داعية يقطع ثبـات الصبـر 0ويـزرة
و (يخص قلبي )بنبض الشوق00ويعمة
وان جابو (اسمه) ماكن اعرفه بالمرة
اقوم 00 واصد عن مدحه وعن ذمـة
ياطير بعض السوالف حلوةٍ 00مـرة
والهرج لولا القلـوب السـود لتمـة
الجمر يصلي بصدر ضاق من حــره
والعاشق اللى يوده فاير دمـه
لكن اخاف المعادي واتقـي00 شـره
وكبـود رويانـةٍ بالغـل00 منسمـة
ولاّانت ياطير (حر) وغايتـك حـرة
يالنادر اللي فصيلة دمـك 00 بدمّـة
الحر هو غاية تسعي له الحـــره
والنايفه تعشق النايف وتهتمـه

تحية لمن مر بـ إحساسه هُنا ....