2010-01-21, 11:24 PM
|
|
السلام عليكم ورحمة الله
موضوع رائع جداً ..
قبل سنه أمي رأت رؤيا .. حاولت تفسرها وقالت لمفسر وقال تفسير
لايصدقه عقل .. وبعدين راحت لمفسر ثاني ونفس الشيء احتارت جداً
وكل يوم اشوفها تشكي انا حلمت ومدري وش هـ الحلم وانا ضايق صدري
وتروح لـ اختي وتقولها وتروح لأخوي والكل يقول تعوذي من الشيطان
وان شاء الله خير وعلى هـ الحال .. مره دخلت وهي تقول الحلم
لـ وحده من اخواتي
وهي تتكلم وضايق صدرها .. قلت انا لها بقولك شيء بس لي البشاره !! ؟
كانت الرؤيا [ ان فيه حرمتين جوها ماتعرفهم طبعاً وقالو لها تبين ولدك محمد
الله يرحمه نجيبه لك !! قالت ايه ابيه بس مابيه بالطريقه الي بتجيبونه فيها
ابيه بطريقه ثانيه قالو لها انتِ قولي لنا بس الان { ايه ولا لاء }] انتهى ..
كانت اختي مطلقه .. وزوجها اسمه محمد .. زي اسم اخوي الله يغفر له
على طول جاء في بالي اختي وحزن امي عليها انها مطلقه واسم زوجها
قالت قولي قولي ولك الي تبينه .. قلت أختي بترجع لزوجها هذا
مااستشفيته من الرؤيا قالت صدق !!!!
قلت لها الله اعلم بس هذي رؤياك ؟
قالت وكيف تقولين هذي رؤياك ماشاء الله عليك تفسرين !؟
عاد انا ارتبكت .. لاني مااحب افسر ولا اقول شيء عن هذا العلم
عندي تخوف من تفسير الاحلام أخاف اكسب ذنب احد ولا شيء
والحمد لله اختي الان ببيت زوجها وجابت ولد واستقرت ولله الحمد
بس مابعد عطتني امي البشاره 
..
| توقيع wjn |
|
.
.
( قُلْ هُوَ اللَّهُ أَحَدٌ* اللَّهُ الصَّمَدُ* لَمْ يَلِدْ وَلَمْ يُولَدْ*وَلَمْ يَكُن لَّهُ كُفُوًا أَحَدٌ*)
.
تعدل ثلث القران
ذكر القرطبي في تفسيره وجه كونها تعدل ثلث القرآن ..؛ لأن القرآن أنزل أثلاثاً
ثلث منه أحكام
وثلث منه وعد ووعيد
وثلث منه أسماء وصفات الله
وقد جمعت السورة احد هذه الأثلاث وهو أسماء وصفات الله
ابن عثيمين ..
|
|