[اللهم يسر أمورنا]

السلام عليكم

اختي ضحى قريت ردج بموضوع اهمية الزواج وانا كويتية مو اماراتية بس خليجنا واحد :)

اختي ضحى انا قريت مشكلتج واحب اقولج وانا عارفة احساسج عدل لاني احس اني اعيشة واحس ان في ناس تغار مني وان اخفوا هذه الغيرة ويمكن اكون ظالمتهم ،، لكن صدقيني العقل المفروض هو الي يحكمنا ،، تصدقين انا احيانا احسد الريايل لانهم عقلانيين اكثر منا واذا احد قالهم كلام يزعلهم ما ينقهرون او يحسون بكدر وكل الي يسونة انهم ممكن ياخذون موقف عن هالشخص ،،، انا اكتب هالكلام لج ولي

اما موضوع العنوسة فأنا بقولج نقطة انتي شفتيها سلبية وانا ابيج تحولين نظرتج وتشوفينها ايجابية هذي النقطة هي : يوم قلتي انج صرتي حديث الناس انج رفضتي الولد المتقدم والكل قام يقول ليش وشناطرة؟ هذا الكلام ابلغ رد لها انج منتي عانس ولا حاسة باحساس العنوسة بدليل انج رفضتي الشخص الغير مناسب،، انا ما أكرهج فيها وصعب صداقة سنين تنتهي عشان شي عابر ان شاء الله لكن انا ابيج ما تزعلين ولا تنقهرين من كلامها ،،

وبالختام ما اقول الا الله يشيل الغل والزعل الي بقلوبكم وترجع الصداقة والله يرزقج كل خير

والسلام عليكم